وخز دبابيس لأنك تعنيني

30

#لأنك_ثباتي
(#لأنك_تعنيني)
-٣٠-

_أحمد بقى واقف وبعاين لي كأنو اتصمغ مكانو مع جملتي،،،فجأه كده قعد على السرير وتاني قام بقى خاتي يدينو على وشو وتاني نزلهم قام على حيلو لف في الغرفة وجاا لفتني قال لي بصوت مبحوح إيناس إنتي حامل بالجد،،هااا بالجد حامل،،حامل يعني،،يعني إنتي حاليا حامل صح،،صح؟؟،،جسمو كلو كان برجف وهو بقول الكلام كده⁦⁦🔥⁦❤️⁩ قولته ليهو أيوة أنا حامل وفي الشهر التاني كمان،،قعد على السرير ونزل راسو لتحت وبقى يمسح وشو ولحيتووو دموعو كانت نازلة لمن حيرني 😂😂 أحمد ده على قدر ما بتشاف بارد على قدر ما الواحد لو قرب منو ح يشوف فيهو حنية عمرو ما شافا⁦❤️⁩،،،قعدتاا جنبو حاولتا ازح ليهو يدينو من وشووو ابا نهائي يزح يدينو بس كان ببكي ضميتووو علي مسكني شديد ويدوب بكاا زي الناس والله لمن خلعني بقيت حاسة نفسي حجر 😂😂 لانو لما عرفتا اني حامل ما بكيت بس كنتا مبسوطة،،،فضلتا ضاماهو حوالي خمسة دقايق بعدها قام مشى الحمام غسل وشوو وجاا قال لي عرفتي كيف ومشيتي اي مستشفى وو..؟؟،،كان متلهف يعرف كل التفاصيل،،حكيت ليهو بكل حاجه،،،اخر حاجه قال لي بعتاب وصوت ما بين حنين وعصبي "الناس بتكلم الناس كده لكن؟؟"،،،،جيت دسيت نفسي في حضنوو وهو ما ابدا اي رده فعل قولته ليهو المهم جات كده واحمد الحكيم ح يبقى احلى بابا فيك يا سودان⁦❤️⁩🔥،،،،بعدها ما عارفة نمتا كيييف بس جاتني صحية سامعه أحمد بتكلم وكأنو ببكي كأن ماسك يدي "أنا ما عارف اوصف احساسي كيف والله ما قادر اوصفووو،،،كل الحاسي بيهو حاليا إنو دامك إنتي ام الطفل ده فانا متأكد إنو ح يطلع احسن زول في الدنيا،،،ايناس إنتي قادرة تخلي الحجر ينطق⁦❤️⁩".

_________________________

"على لسان أحمد"

لما صحيت الصباح هي كانت لسة نايمة ما حبيت اصحيها لانو شكلها مرهقة وكان ضروري جدا امشي الشركة،،،شلتا ورقة من دفتري والوان من عندها كتبتا ليها رسالة وختيتا جنبها شفتا انو الرسالة المكتوبة بخط اليد ممكن تغير نفسياتها شوية وتخليها رايقة لحدي ما أنا اجي،،،عملتا ليها عصير وبرضو ختيت رسالة في المطبخ وكنتا خاتي كم رسالة في الصالة وعلى باب الحمام،،،كتبتا ليها كل حاجه ممكن أوصييها تعملها وانا ماف،،،بعدها طلعتااا على الشركة وانا حاسس نفسي ما ماشي على الارض كأنو كل ما امشي بتسحب لفوق من السعادة الأنا فيها....⁦❤️⁩

صحيت الصباح بكسل لقيت أحمد ماف جنبي بس في ورقة على السرير شلتهااا وبقيت اقلب فيها يمين شمال لقيت مكتوب عليها "أنا طلعتا على الشركة عندي شغل مهم اخلصو وقبل تبدي تضايقي حتى حتلقيني في وشك...."،،،ابتسمتاا ونزلتا من السرير عاينتا لنفسي في المراية كددده بعدها مشيت على الحمام كان في ورقة في بابو مكتوب عليها "اعملي حسابك واياك من الموية الباردة والبسي تقيل واقفلي المراوح..."،،،دخلتت الحمام استحميت وجيت طالعة مشيت المطبخ لقيت في جك عصير وعليهو ورقة وفي الكباية ورقة مرسوم عليها قلب⁦❤️⁩ قريت ورقة الجك "عصير برتقال ح يفيدك شديد اشربي طيب واعملي ليك فطور ظابط"،،،شربتوو ومشيت الصالة فتحتا الشاشةة وبقيت قاعده كان في كم ورقة في التربيزة،،شلتهم وبقيت افتحهم واحده ورا التانية،،خطووو حلوووووو شديد+الالوان عاملة شغل يعني⁦❤️⁩،،بعد خلصتهم مشيت عرفتي رتبتا وسرحتا شعري بعدها فطرتاا لما ابتديت احس بالملل شلتا تلفوني لقيت رسالة من أحمد كاتب لي فيها "لو مليتي اطلعي اقعدي في المظلةة الطبيعة ح تروح ليك مللك ده..."،،،فعلا مشيت وقعدتاا كنتا بعاين للشجر والقلل وحاولتا ارسم بس ما ظبتت شديد لاني كنتا متوترةة.....