وخز دبابيس لأنك تعنيني

29

#وخز_الدبابيس
(#لأنك_تعنيني)
بقلم ايناس ادم
-٢٩-
_أم نسيبة كانت مصرة على موقفها وابت تزح ليهو من الباب،،،شباب الحلة مسكوهو وساقوا بعيد من البيت نسيبة طلعت مع اختها الصغيرة امها قالت ليهم امشوا لخالتكم المجنون ده ما بعيد يقتلك واريتني لو اخلي يقتلك 💔اريتك ما بتي،،،فضلت تلوم فيها كتير وناس الحلة واقفين بتفرجوا،،،بعدها نسيبة ساقت اختها ومشوا،،،خالتو خديجه قالت لامي شوفي جنس المصايب دي سبحان الله،،،اخوهم ده مدين شديد وهم زاتهم يعني ما حصل شفنا منهم شي بس بري بتهم الصغيرة شرطت عينهم 💔💔أمي قالت ليها ربنا يلطف بيهم،،،عمو كبير كده قال ليهم دي اخرتها تباروا في الونسات من شجرة لشجرة وتتكلموا في اعراض الناس بذات ناس قمر ديل،،،لسة ال الله بسوي فيكم الله يفضح اي زول بتكلم في عرض غيرو،،،امي قالت ليهو ربنا يصلح الحال ويستر علينا،،،خالتو قمر كانت واقفة وبتتفرج فيهم 💔،،،امي دخلت البيت بتتحسبن وكانت مصدومة شديد نسبة لأنو هم محافظين شديد يعني قصة زي دي غريبة وتحير بس ده كلو حق الناس واكل لحمهم...💔

______________________

كنتا برسم جاتني مكالمة من أمي رديت ليها ب عايدة يا عايدة،،قالت لي كيفك يا بتي كويسة؟؟،،،قولته ليها كويسة والله كيف إنتي؟،،،قالت لي تمام الحمد لله الليلة ما شفتي الحصل،،قولته ليها حصل شنوو؟؟،،،قعدت تحكي لي عن قصة اخت نسيبة 💔،،قولته ليها لا حول ولا قوه الا بالله 💔،،،بالجد الواحد احسن يبلع لسانو،،ربنا في اي وقت قادر يقلب الموازين،،قالت لي فعلا أنا أمنتا،،ربنا يسامحني بس لو اتكلمتا لي في زول ولا ما سترتو 💔،،،بعد قفلت مني بقيت محتارة شديد ومستغربة بس اخوهم ده حتى بعد تدينو ده ما كان فاهم إنو الدين يسر ما عسر لما كان بعاين لي أنا بذات باشمئزاز وخاتي ألف حاجه كعبة فيني بس لمجرد أني ما محجبة...💔 حتى هو كان واحد من الناس البتكلموا عن خالتو قمر وانها مرة فاكة وكأنو ضامن اخواتو مستحيل يجي يوم وينزلو راسو في الارض،،،ربنا ممكن يديم عليك نعمة الستر لحدي ما تتوب بس في حالة واحده انك ماسك لسانك عليك ومشغول بنفسك،،،،⁦❤️⁩

مرت فترة وعلاقتي بأحمد كانت حلوة شديد⁦❤️⁩⁦❤️⁩،،،قبل تسنيم تجي من شهر العسل كنتا بعاااني لاني برسم وبمشي اسلم الطلبات،،،بطلع اسلمها قبل أحمد يجي من الشغل لأنو وقتها ما لقيت وقت اساسا اشرح ليهو الطريقة الأنا شغالة بيها كييف قولته لنفسي ح اكلمو في اي وقت بس،،،

تسنيم وفارس جوو من السعودية واجروا ليهم شقة قريبة من بيت أبوي،،،مشينا ليهم أنا واحمد كذا مرة آخر مرة مشينا ليهم فيها تسنيم كانت بتساعد فارس يحرك يدو الشمال لانو كان ماشي كويس جدا في العلاج 🌸💕 ممكن أقول من خلال الأيام الكنتا بمشيها ليهم في البيت عرفتا قدر شنو تسنيم دي بتحب فارس وقدر شنو هي مسؤولة عنوو،،حتى هو احيانا كتيرة لما يلقاها غابت عن المستشفى بفضل يتكلم معاها بروااقة وهدوء انها تمشي المستشفى عادي وانو هو كويس جدا،،،،جنهم مع بعض اكتر حاجه كانت محليه حياتهم برغم من كلام الناس البسم البدن بس تسنيم ما كانت شايلة زول من ارضوو وقدر ما فارس يلقى كلام يكسر بخاطرو ونظرة الناس ليهو وهو على حالتو دي على قدر ما كان بلقى جبر خاطر من تسنيم يخليهو ينسى هو اساسا شايل هم ليه طالما هي جنبو ومعاهو....💕💕🌸.