وخز دبابيس لأنك تعنيني

21

#وخز_الدبابيس
(#لأنك_تعنيني)
بقلم ايناس ادم
-٢١-
_بعد ناس أحمد طلعوا من عند أبوي،،،جات خالتو سعاد وقالت ليهو أها اديتو كلمتك!،،،ابوي قال ليها اي وحتى قال عاوز العرس يتعمل الشهر ده،،خالتو سعاد قالت ليهو كويس والله⁦❤️⁩أن شاء الله ربنا يتم ليهم على خير،،،قال ليها اللهم امين،،بعدها شال التلفون واتصل على أمي،،،،،كنتا قاعده بتونس مع أمي،،فجأه تلفونها ضرب،،قالت لي ده ابوك،خير،،،ردت واتكلمت معاهو مسااافة،،،ختمت كلامها ب ليه عاوز يعملوا الشهر ده،،هو الشهر ده فضل فيهو أسبوعين بس ويخلص،،،ما مشكلة لمن امو تجي أنا بتفق معاها نقدم العرس حبة أن شاء الله اسبوع زيادة،،،طيب تمام،،،بعد قفلت منو!،،،قالت لي مبروووك،،اتقدم وابوك اداهو،،،سكتا سااااي،،،كلمتني إنو عاوز يعمل العرس خلال فترة الاسبوعين دي وكده،،،قولته ليها ومالو اسبوعين ظريفة وانا من جواي بقول هو مستعجل على شنو!!،،،امي قالت لي كده لمن اهلو يجو بنتفق⁦❤️⁩،،،،قولته ليها طيب،،،،شلتا تلفوني ودخلتا جوه،،اتصلتا على فوفة كلمتها إنو أحمد اتقدم لي،،فضلت تسألني أحمد منو؟،، بعد مسافة جمعت واتذكرتو،،،قالت لي إنتي جااااده،،،يعني بالجد ح تتزوجي،،وانا الفاكراك بتهظري وااي اخس علي 😭😭،،،قولته ليها المهم فضي لي نفسك،،احتمال عرسي يتعمل الأسبوع البعد الجاي،،،قالت لي استعجال لكننن😂😂🙊،،هو انتو اصلا في بينكم حاجه؟،،قولته ليها لالا،،قالت لي ولا اعجاب ساي،،،قولته ليها من ناحيتي معجبة 😂،،بس ما عارفاهو،،،قالت لي امممم حلو،،المهم ربنا يسعدك⁦❤️⁩⁦❤️⁩ايثار ح تجي الاسبوع الجاااي،،،قولته ليها كويس،،بكلمها في الواتس،،قالت لي تمام،،،قفلتا منها ودخلتا الواتس لقيت رسايل كتيرة من مازن،،كلها عتاب وانتي لسة بتحبيني وما تعملي كده...الخ،،على طول حظرتوو،،،حتى في المكالمات،،،،وكلمتا إيثار⁦ بعرسي❤️⁩⁦،بعدها بكم يوم جونا ناس خالتو فتحية ومعاهم خالتو سعاد،،جابوا قولة الخير وقعدوا يتكلموا عن تفاصيل العرس والمفروض يحصل شنو والتجهيزااات،،،،امي قالت ليها يا فتحية اسبوعين دي ما بتقضينا والله،،،خالتو فتحية قالت ليها بتقضي انتي م تشيلي هم،،،ايناس بعد بكرة تمشي تجيب شيلتها وكل حاجه عاوزاها وتبدي تحبسيها،،وهي زاتا ماشاء الله ما محتاجه يعني،،،انا ورهام كنا في المطبخ قالت لي ح امشي معاك اختار ليك ملابس البيت 🙊⁦❤️⁩،،،قولته ليها شفتي لا أنتي لا فوفة صحبتي ماف واحده تباريني 😂😂،،قالت لي غصب يا كلبة،،اصلا ايڤا ما ح تقدر تمشي وتلف معاك وانتي عاوزة تخلصي حاجاتك كلها في يوم واحد،،عشان كده ماف غيري أنا وصحبتك،،،وبعدين احسن نمشي معاك نحنا من النسوان الكبار عشان تختاري حاجاتك بمزاج 🙈🙈،،قولته ليها خلاص هسسس،،،قالت لي بتخجلي؟،،يا استاذة انا قصدي التياب وكده 😂😂،،،قولته ليها تياب شنو بري ما عاوزة،،،ما بعرف البسهم اصلا 😂😂،،،قالت لي كده لمن نمشي السوق والله ذوقي ح يعجبك،،وبعدين ما ضروري تلبسيهم يعني،،بس لما يكون في طلعة محتاجه توب وكده تطلعي بيهو،،،غير كده البسي على الموضة،،م تشيلي هم إنتي بس،،انا بعزك 😌⁦❤️⁩،،،قولته ليها لا شلتا هم الصراحه يعني 😂😂،،،إيڤا جات قالت لينا بتقولوا في شنو انتو!،،رهام قالت ليها بنخطط بسس،،،،إيڤا قالت لي اتفقوا انو العرس بعد اسبوعين،،،واي يا إيناس ح تبقي مرة 😂😂😂ما قادرة اتخيلك ست بيت نهائي،،،قولته ليها ليه يعني!،،،قالت لي م عارفة والله 😂😂المهم ح تمشي السوق مع رنا وخالتو سعاد،،،رهام قالت ليها خالتو سعاد لا 😂،،،بنمشي معاها نحنا ورنا،،يمكن تخجل الأخت وما تختار بمزاج،،،إيڤا قالت ليها اممممم،،،اي اي هي من النوع الخجول بس ما للدرجه دي يعني،،،وبعدين خالتو سعاد خبرة في الملابس والتياب والريحه عشان كده احسن تمشي معاكم⁦❤️⁩،،،،طلعوا مننا قريب العشاء،،،،،ورهام تشيل وتقول لي بدا العد التنازلي 😂😂😂،،إيڤا اليوم داك بيتت معانا،،،لما جينا ننوم قالت لي حاسة بشنو وانتي خلاص ح تبقي عروس؟؟،،،قولته ليها عادي،،ما حاسة بشي 😂😂،،،بس الرهبة والخوف من المسؤولية فهمتي،،،م عارفة نفسي ح اقدر أكون زوجه وام كويسة ولالا!!،،،قالت لي ح تبقي طبعا⁦❤️⁩،،،ايناس إنتي عاقلة شديد عارفة كده صح،،،خليك عارفة إنو الزواج دايما بكون محتاج منك تدي قبل تاخدي⁦❤️⁩،،تصبري تتحملي تبقي واعية وراكزة،،وتاني ماف حاجه بتجيك،،،قولته ليها أن شاء الله.،،،بعد نااامت أنا الليل كلو بتقلب نهائي ما قادرة انوم،،،انا داخلة على تجربة جديدة ومرحلة جديدة من حياتي ما بتتحمل طيش ابدا وفوضى خصوصا إنو أحمد من النوعية الهادئه والشخصيات الما بتتفهم بسهولة،،،ح يكون كل المطلوب مني التقبل⁦❤️⁩،،،اتقبلوا بكل حاجه فيهو علشان اقدر افهمو واوصل لتفكيرو.