#وخز_الدبابيس
(#لأنك_تعنيني)
بقلم ايناس ادم
-٣-
_بعد الفطور مشيت استحميت وصليت الضهر،،كلمتا أمي إنو صحباتي جايني وكذا،،قالت لي غريبة ما طالعين برة،،،قولته ليها ما عندنا مزاج بس،،،قالت لي طيب اعملي ليكم قهوة،،قولته ليها ما ممكن تظبطيها لينا انتي؟؟،،قالت لي أنا طالعة بعد شوية ماشة لخالتك طولتا منها ومازن زاتو ليهو زمن ما جانا،،،سكتا ساي،،قالت لي ما اتكلمتوا قريب انتو؟؟،،،قولته ليها لالا،،،وبعدين يجي ليه يعني!!،،،قالت لي اجي،،،البسمعك ما بقول دي انتي البتقعدي جنبو اول ما يجي وتقعدوا تتونسوا،،،قولته ليها لا دي انا زاتي،،،بس اي زول ومشاغلو،،كل القصدتو انو يمكن يكون م عندو زمن يعني،،،المهم ح امشي اعمل القهوة،،قالت لي لمي شعرك الطاير ده اول،،،،دخلتا المطبخ وبقيت اجهز في القهوة ودموعي جارية،،،امي جات قالت لي أنا خلاص طالعة،،جهزتا ليكم الغداء،،،وقبل تسنيم تجي ارفعي العسل والطحنية ديل البت دي بجيها سكري والله 💔،،قولته ليها طيب،،،عاينت لوشي قالت لي مالهم عيونك عاملات كده!!؟،،،قولته ليها لا ماف شي،،بس الصابون دخل فيهم لما كنتا في الحمام،،،قالت لي بحرقوك؟؟،،قولته ليها شديد 💔،،،فتحت التلاجه وطلعت لي مكعب تلج،،قالت لي مرري في عيونك ببردوا اسي❤️،،يلا أنا أمشي بعد ده،،،اقفلي الباب عليك كويس وصحباتك خليهم معاك لمن واحده من اخواتك تجي،،م تقعدي براك،،،قولته ليها طيب يا امي،،،بعدها طلعت،،،،عملتا القهوة ودموعي جارية،،،جهزتا شوية فنكوش وتبش بالشطه،،،فجأه سمعتا صوت الباب،،،،قولته منووو،،،جاني صوت "نسيبة" قالت لي بتخافي ولا شنو،،افتحي لي،،،غسلتا وشي ومشيت فتحتا ليها الباب،،،قالت لي لقيتك جبانة 😂😂،،قولته ليها م كده بس امي وصتني م افتح الباب ساي،،،م علينا،،اتفضلي،،،،دخلنا جوه،،قالت لي اشي اشي قعدة قهوة لكن❤️❤️،،،صحباتك جاينك ولا شنو؟؟،،،قولته ليها ايوة كمان شوية،،قالت لي عايني أنا اسفة على اليوم داك يوم كنتا مع اخوي وو،،،قولته ليها حصل خير يا زولة،،بس عاوزة اسألك سؤال،،،اخوك م عاوزك تتكلمي معاي أو تصاحبيني ليه؟؟،،،قالت لي يعني عشان،،عشان إنتي م محجبة وكده،،،مع اني فهمتو مئة مرة أنك احسن من بنات كتار محجبات بس م صدقني،،،قولته ليها اممم على العموم طلع تفكيرو سطحي شديد 💔،،،بعدها سكتنا مسافة،،قالت لي طيب أمشي انا،،،قولته ليها لا اقعدي ياخ صحباتي اسي بجو نشرب القهوة مع بعض❤️،،قالت لي لالا أمي مستنياني امشي اعمل الغداء مرة تانية،،،قولته ليها طيب،،،بعد طلعت أنا مشيت لميت شعري،،شوية كده وايثار اتصلت علي قالت لي افتحي الباب،،،مشيت فتحتو ليهم،،،ضمتني وقالت لي سجممموتي والله اشتقتا ليك،،،قاتل الله الاجازة المملة دي يا حليل الجامعه والله 💔،،،قولته ليها ههههه لا حليلا ولا شي،،،فوفة قالت لي الحلوة ببببببهبل❤️❤️❤️خشي خشي،،حضنتها وقولته ليها ده شنو العاملة في نفسك ده 😂😂😂،،كانت عاملة ميج كركداوي خرافي❤️،،،قالت لي نيو لوووك،،،ممكن تدخلينا ولا ح نفضل واقفين هنا 😒،،،ايثار قالت ليها انتي ح تستأذنيها كمان 😂😂،،،دخلنا جوه وايثار مشت شربت موية وجابت لفيحاء،،،،ايثار قالت لي برة شمسسس فظيعة،،،قولته ليها باين اي من وشوشكم الضاربة دي 🙊😂،،،،حمروا لي 😂😂😂 فيحاء قالت لي لا بالجد دي شنو المزازة الانتي فيها دي❤️❤️😍،،،قولته ليها يااااخي،،ايثار قالت لفيحاء بطلي رفع معنويات على الفاضي 😂😂😂نينا عاوزة اسألك سؤال؟؟،،قولته ليها قولي،،،قالت لي إنتي لسة بتفكري في مازن صح!!،،قولته ليها يعني شوية،،،قالت لي يعني لو حاول يرجع ليك ح ترجعي؟؟،،،قولته ليها أنا لما امشي خطوة قدام ما برجع ورا ولا بلتفت،،،قالت لي حلو،،،طيب ليه عاملة في نفسك كده؟؟،،،بائسة كده ومنعزلة عن العالم،،،انزلي ليك شغل أو اي شي املي وقت فراغك عشان م تسمحي لعقلك يفكر فيهو 💔ازحمي يومك،،،فيحاء قالت لي بالظبط كده،،،واتفرفشي واسمني شوية،،،اعملي الحاجات البتحبيها صدقيني ح تنسي❤️،،،قولته ليهم طيب أن شاء الله بعمل كده❤️ومن جواي بقول لا الفترة دي لازم تاخد وقتها وتخلص علشان اقتنع 💔،،،قعدوا معاي طول اليوم وفضلنا نرقي وندردش،،،فرقوا علي شوية من نفسنتي❤️،،،،فيحاء قالت لي هو ها الزمن فات لازم ارجع بعد كده،،،قولته ليها حرام عليك ياخ خليك قاعده م معروف نتلاقى متين تاني،،،قالت لي شنو الما معروف،،،متى ما عاوزين نتلاقى اكيد اكيد يا بيبي ح نتلاقى❤️😂،،،قولته لايثار إنتي ح تقعدي صاح!،،قالت لي نوووو ناسية إنو عندي أصعب اخ في الدنيا،،،يلا احمدي ربك إنو م عندك اخ كبير 💔😂😂😂،،،قولته ليها بالعكس ياخ،،،كان نفسي اجرب الاحساس ده،،بس أمي براها اخ واخت وام وكلو 😂😂😂،،قالت لي ربنا يحفظها ليكم❤️هيي يلا،،قولته ليهم ثواني طيب اقدمكم،،،فيحاء قالت لي لالا اقفلي الباب واقعدي مع حلتكم الكلها بلاوي دي،،،قولته ليها اسي تسنيم ح تجي،،بس كنتو تقعدوا ياخ،،،ايثار قالت لي عاوزاني اغسل ليك عدة الغداء صاح 🙊💔😂،،،
YOU ARE READING
وخز دبابيس لأنك تعنيني
General Fictionروايه سودانيه بقلم إيناس آدم، ننس تمدين... وخز دبابيس جزء لانك تعنيني
