POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Kung ikaw ngayon ay wala pang mambabasa Hayaan mo—magpatuloy sa paglikha ng akda Ang pagsusulat ay 'di naman isang karera Kaibigan, huwag kang mangamba.
Kapag may pumupuna sa piyesa mo Ipaubaya mong itatama ang mali mo Ang pagtanggap nito'y isang kalakasan Huwag kang mangamba, kaibigan.
Kung walang nagpapahalaga sa talento mo Tandaan mo—ang Maykapal ang gumawad nito Ituon ang mga mata sa paghasa ng kakayahan Huwag kang mangamba, kaibigan.
Huwag kang mabahala sa nakamit ng iba Darating ang wastong oras—ika'y itataas Niya Magalak nang lubos sa tagumpay ng 'yong kapwa Kaibigan, huwag kang mangamba.
Marapatin mong magpasalamat sa kasalukuyan Ika'y hindi inaalipusta't may kapayapaan Nakapagsusulat ka batay sa 'yong kagustuhan Huwag kang mangamba, kaibigan.
Ang 'yong katanyaga'y marahil ipinagpaliban ng Ama Pagkat kapalit nito'y pagkalayo ng puso mo sa Kaniya Ito'y maihahalintulad ng halamang nahiwalay sa lupa Kung kaya't kaibigan, huwag mo itong ipangamba.
***
"Iniangkop niya ang lahat ng bagay sa tamang kapanahunan." -Mangangaral 3:11
Pinagkunan ng larawan: Depositphotos
Itinatampok na awit: In His Time by Maranatha Music
