POETRY COLLECTION
•••
"My mouth will tell of your righteous acts, of your deeds of salvation all the day, for their number is past my knowledge. With the mighty deeds of the Lord God I will come; I will remind them of your righteousness, yours alone...
Oops! This image does not follow our content guidelines. To continue publishing, please remove it or upload a different image.
Niining kalibotan nga hiwi Kita usahay makasinati Mga pagpanamastamas sa uban Ug sa atong katungod kita hikawan.
Kon makakita ug labing ubos nga silingan Ingon ug CCTV atong tinan-awan Ug dayong sibya sa kahigalaan Kay dili man siya sama sa kasarangan.
Kon kita maka-classmate ug bulingit Kita dayon ug pangyam-id Ug usahay ato pang bugalbugalan Aron sa kadaghanan siya kataw-an.
Sa trabaho, kon kita naay kaubang di mauyonan Siya dayon atong libakon, kay di ta ganahan Ug lagmit butangbutangan aron potbolon Aron mas masuod pa kita sa atong agalon.
Sa apilan natong mga panag-indigay Ang pagpanikas atong mabuhat usahay Tungod sa atong kagustohan nga modaog Apan kini sa umaabot kanato makapalup-og.
Dili kita angayng mamintaha sa uban Hinunoa, atong ipatigbabaw ang kaangayan Kay bisan walay nakakita sa atong mga laraw Ang Ginuo saksi kanunay kay siya nagtan-aw.
***
Nag-ingon ang Ginoo sa iyang katawhan, "Sunda ang hustisya ug buhata ang matarong, kay sa dili madugay luwason ko na kamo, ug ipaila ko ang akong katarong." - Isaias 56:1
