قبل كل شىء صلوا على النبى
نسالكم الدعاء بالرحمة
الفصل ال 66
*******
شعرت به وفتحت عينيها ، راته ينظر لها بعشق شديد فخجلت من نظراته وسحبت يدها من يده .
- قائلة برقة . صباح الخير .
قال بحنية .
- صباح الخير يا ورود .
- عامل ايه دلوقتى ؟
قال بحزن وهو يتنهد بضيق من صدره .
- هكدب عليكى لو قولتلك انى كويس .
- قوم صلى وانا هكون حضرت ليك الفطار .
قال باستغراب وهو يعقد حاجبيه .
- اصلى ؟!
- وايه المانع ؟! ما انت مسلم .
- تصدقى اول مرة حد يقولى صلى .
- اكيد قالوا ليك كتير بس ماكنتش مقتنع .
قال وهو يمط شفتيه لامام .
- جايز برضو .
ثم تابع بحزن .
- قائلا بياس . هو انا هفتكر ايه من اللى حصلى ؟
- ادم لازم تسمع لمامتك . اكيد فى حاجة غلط .
- الغلط لم سمحت ليها انها تعمل كدة .
- لازم تسمع لها ممكن تكون ظالمها .
هب فيها بانفعال .
- قائلا بغضب . ظلم ايه فى انا شوفته .
- مش كل اللى بتشوفه عينينا بتكون الحقيقة .
- وانا ماعايزاش اعرف الحقيقة .
- ازاى كدة ؟!
- ورود انا اسف على جرحك الفترة اللى فاتت دى كلها .
- ادم احنا فى ايه ؟
- مافيش اهم انى اعتذر عن جرحى ليكى .
- كلنا بنغلط وبعدين هعديها ليك علشان عندنا امتحان بكرة .
- امتحان ايه ؟! انا دماغى مش موجودة .
- على اساس انها قبل كدة كانت موجودة .
- بس برضو .
- متقلقش انا هذاكر معاك .
- بجد .
- ايوا طبعا .
قال بهمس ، وهو يرمقها نظرة امتنان .
- انتى طيبة اوى .
- اكيد مش اكتر منك .
- فين الطيبة فى اللى انا كنت بعمله معاكى .
- عادى بقى .
- يعنى سامحتنى .
- هسامحك نص نص لو قومت صليت وفطرت معايا .
- دى اكيد . قالها بحماس وهو يرفع الغطاء من عليه ودلف الى المرحاض . وهى ذهبت الى شقتها لتغسل وجهها وترتب نفسها وتبدل ملابسها ....
*********
على الجانب الاخر ... انتظر الصباح بفارغ الصبر ... حتى اتى واخذ الماذون وذهب الى منزل والداها ... ها هو يجلس فى غرفة الصالون ومعه الماذون ... ينتظرها تاتى هى ووالداها ...
وبعد دقائق دلفت الى الغرفة بتعالى وكبرياء مع والداها ... جلس اباها بعجرفة على الاريكة المقابلة لهما بدون القاء السلام ... وابنته ايضا لم تلقى السلام وجلست بجواره .
- قائلا باستفهام . ايه اللى جايبك يا كريم ؟
YOU ARE READING
لعنة الحب المنبوذ
Teen Fictionلا يؤمن بالحب ... وعندما دق قلبه لاول مرة ... كان ملكا لاخيه فسيعيش لعنة ... لعنة الحب المنبوذ بقلم سهير محمد #
