#وكر الأشتر

البارت السابع

البارت السابع
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔💔💔

وجود الأخ في حياة الفتاة هو حضور لصديق أبدي، ورفيق أول للطفولة، وصخرة تستند إليها عندما تكبر.

..............................................

سولين

هو جابه ببوكس وذاك تكوم وهو صار الصريخ والعياط عبالك مدري شكو يمكن اني الوحيده الي جنت هادئة وعاقله

لان اني بصراحة جنت متعوده على المشاكل ومتعوده على الاكشن وكل شي بيه عرك ومشاكل

ذاك وكع وحط ايده على خشمة وهو يشوف خزان الدم الي ظل ينزف منه وكف وهو يصيح بصوت عالي.. تضربنيييي اني تضربني والله ما عاش ولا جابته امه الي يمد ايده عليه

رد عليه الاشتر بغضب وعصبيه اشر عليه وهو يتهدد ... والله ما عاش الي يضرب اختي ويذلها واني موجود امشييي اطلع برا لك تافهه جبااان

جاوبه بغضب ... والله ما اطلع الا اخذ جهالي وياي واختك خليها عندك

هي خطيه جانت واكفه وتبجي ولازمة جهالها بيدها تخاف منه ياخذهم غصبا عنها وعن اخوها وهي تعرفه دائما يهددها بأطفالها

لزمت اخوها وهي تهدي بيه وتحجي وتبجي ... فدووه اشتر كافي لا تسووي مشاكل اني هم اخاف عليك اني ارجع وياه بس لا ياخذ الجهال

سحبها من ايدها وخلاها وره ظهره ورد عليه بثقه كله .. اذا انت زلمة وابن ابوك مد ايدك واخذ جهالك وشوف شلون اعلكة بركبتكوادفنك بمكانك

ذاك جان يصيييح وخابص الدنيا وياشر على نفسه ... انت تعرف اني منوو انت تعرررف اني شنووو اشتغل اني ضاااابط وعلى هاي سالفتك الا اسجنك واخليك تتندم

ضحك الاشتر بسخريه ورد عليه ... عاجبني اركعك بزيج بس مو من مقامي على العموم تفضل اطلع برا واعلى ما بخيلك اركبه واختي وجهالها تحلم بعد تشوفهم تمام !

ظل يصييح وسحب البنيه من ايد امها وامها تصرخ عليها وما تريد تنطيها

سحله الاشتر ورجع ندفه ببوكس وسحله طرده من البيت كله واخذ البنيه من ايده

ظلت اخته تصررخ وتبجي وتلطم على راسها  ... ياربي شسوي وين اروح اعرفه ما يكعد هسه يسجنك اني بعد وين اروح وين انطي وجهي شلون اخلص منه هسه يشد وياي هسه يحاربني يدمرني دمار لان هيج سويت بيه من تنسجن

سحبها اخوها و وكفها وهو يمسح بدموعها ويرتب بشعرها ويحجي بكل هدوء وثقه كلها .. منو هذا الي يسجني رجلج ابو نجمتين يمعوده دخلي يولي خابص روحة عبالك قائد قوات المكافحة هو كله خلك ملازم ظال يفيك عليج