#وكر الأشتر

البارت الخامس

البارت الخامس
رواية ... وكر الاشتر
بقلمي .. نور سمو العراق

💔💔💔💔💔💔💔💔💔💔💔💔

انت َوحدك من يستحقُ ان احمل كُل هذا المشاعر المهلكه لهُ 💛

تنويه .. معذوره اني اكيد بسبب حالتي الصحيه الحمدلله شويه تحسنت اليوم وكدرت اكتب بارت وان شاء الله التزم وياكم احبتي ❤️

.................................

سولين

زوجة ساهر جانت خبله نوعا ما يعني جانت مثل العربانه الي تدفعها وجيهه جانت وجيهه هي الي تدفعها وتحرضها عنه وهي تطلع منها مثل الشعره من العجين

تريد وجيهه ترضا عنها فتسوي اي شي تكولها عليه مستعده تقتل بس المهم ترضي عنها وجيهه وما تزوج ساهر الكلب عليها

بعد ما هجمت عليه اني وكفت بمكاني وما انهزمت جنت ما اعرف شنو الي بيه مصدومة متفاجئة من جرئتها ومن هجومها المباغت عليه

طلعت وجيهه من غرفتها وهي تكول وتتوعد ... هاااا ولج صرتي الوحدج والله اذا ما لحكتج برحيق فلا اطلع وجيهه

فزيت من مكاني من كالت هيج ما لحكت ارد عليها وما اشوف الا الاشتر رفس الباب بكل قوه ودخل

دخل وهو متعصب ومنهاااار ومتخبل شفت بعيونه الشر شفت بعيونه حقد دفين وكأن اليوم لازم يطلع هالحقد ولازم ينتقم منهم

هن من شافنه دخل وهن تخبلن احتارن وين يرحن

صاح بصوت عالي وغاضب .... ولج وجيهه الكلبببببه لج اليوم وين ترحين مني اليوم اني الحكج برحيق مو انتي ادبسسسز

طلع ساهر يركض طبعا جان ظام راسه بريد مرته السعلوه تستفرد بيه

اجه وهو يصيييح .. ولك اشتررر ادبسز ما غيرك انت تغلط على امي

اول ما وصل عنده والاشتر ضربه ببوكس على وجهه طير معالم وجهه صرخ ساهر وهو يمسح الدم من وجهه

ومرته تصرخ هي وامه وهو يشحط بدمة

سحبه اشتر بكل غضب وسحله وهو يعيط عليه ... ولك نذل حقيير مخلي مرتك وامك يستقون على مرتي تهددها بفعايلها باختي رحييق

اليوم انتم ادفنكم كلكم بمكانكم حقراء لا عبالكم ماتت رحيق ونسيت ثارها لااا والف لاااا واليوم اضوكم المر اطلع عيونكم من راسكم

اني من طلعت وعفتها جنت منتظر بباب البيت واني اصلا ما عندي شغل اريد اشوف عمايلكم وسوالفكم اريد اشوف شلون تتصرفون من اني ما موجود

استفردتوا باختي عذبتوها وذوگتوها طعم الموت وهسه افتريتوا على مرتي يااااا حيف و يا وسفه والله ما عاااااش ولا جابته امة الي يطخ شعره من راسه