#وكر الأشتر

تنوية

هلاو حبيباتي شلونكم

اكو مثل يكول في التأني السلامة وفي العجلة الندامة.

من اكتب تفاصيل واحداث بسيطه اشوف هوايه تذمر شنو هاي التفاصيل مو مهمة ليش تنذكر

من كتب مشهد من دون تفاصيل وارجع اكملة بغير بارتات اشوف التعليقات هذا الشي مبالغ بيه هذا الشي مو واقعي

يعني بين قوسين لا انتم طارين ولا انتم حاطين

ومن كلت اقروا البارت بتأني بتركييز ما ركزتوا

اتوقع اني ذكرت اول شي هي راحت لخلفة بناء بالقسط رحزولي على بالقسسسسط يعني ما تنطي فد عشرين مليون

وبعدين اني من كتبت المشهد جان المشهد بلسان جيجي مو صح ؟

لذلك ما عرفنا التفاصيل بين صاحب البناء وبين فافي شنو ؟

وبعدين ترا هو مجرد كال اطلعوا من البيت ترا ما بناء البيت بنفس اللحظه وهن راحن كعدن يم عمتهن واختها كلتلها اخاف يطلع ابوي وما مخلصين بناء ويموتج يعني وقت طويل للبناء مو صح ؟

ترا لا عبالك احنه مبانين وشايفين التعب والقذارة والصرف ولا عبالكم فافي عندها مليارات ودولارات حتى تكعد تصرف

بس هي استغلالية وتعرف شلون تستغل الضروف الصالحها وتعرف شلون تاخذ حقها فهي جانت مخططه لهذا الشي من زمان حتى تطلع مبلغ انسرق انتم هماتين تغاضيتوا عنه

لا مصطفى يساعد بفلوس البناء ولا الاشتر ولا كريم ولا اي شخص هي الها غايه وما ورطت نفسها حتورط غيرها

وهي من خلال نقل الرواية عرفتوا هي وكحه وجريئة متخاف بحيث هي عايشه بصررراع نفسي وتقاتل مباشرا عكس اخواتها

وترا هي بالنسبة العمرها صغيره بس كدرت تسند اختها واخوها وتصرف عليهم وعلمت اختها على الشغله وعلى كولتها لو الزم تراب يصير ذهب وذكية وما تتقشمر وتشبع طن كتل وعندها عادي المهم تسوي لبراسها

وهاي سالفة البناء بمستقبل الرواية حيكون حدث مهم ويسبب مشكلة بينها وبين مصطفى ما اريد احرك احداث الرواية بس سالفة البناء حيكون دليل قاطع الكلام زور انطلق عنها هي واختها

على العموم بنات الي عندها دراسه او عندها مشاغل ياريت تفكر بدراستها وتترك الرواية لغير وقت لان اهم شي دراستكم  والرواية مطايره

واني كولش حابتكم وحابه تعليقاتكم وحبكم البطلاتي وحتى مرات اشوف نقد للبطلات او الابطال بس عادي اني هم انقد وياكم وما ابرر

بس حدث البناء هو مترابط بين فافي ومصطفى وعامر وام سولين

والرواية بيها بعد احداث شيقه وما داخلين بصلبها وكذلك راح نسد كل الثغرات الموجوده بالروايه بس بطلوا استعجال وخلوني اسرد براحتي

ودعولي بعد ما اكتب روايات وابطل نشر 🤣🤣🤣🤣

وهسه انطوني انطباعكم للروايه

وكذلك اكثر شخصيه بالبنات حبيتوها 😍

واكثر شخصيه بالابطال حبيتوها ..❤️

ودعولي دعوه صادقه عندي موضوع بداخلي اريده ينحل واتوفق بيه 🥺

يذكرني بجيجي🥺💔