البارت الاول
رواية...وكر الأشتر
بقلمي...نور سمو العراق
💔💔💔💔💔💔💔💔💔💔
يا مجنوني
هل أدلك على انا ؟
هاا انا اختبى بين ثنايا قلبك...
ستجدني بوكرك وحيده يتيمه لا اقوى على شي
ستجدني بقايا قلب ستجد بقايا روح بقايا انسان
ستجدني لوعه افزعتها الايام حتى اصبح القلب بين الحنايا ضعيف..ستجدني روحا الهبتها نار الحقد كالرماد...ستجد قلبا مذبوحا يرقص من الألم والجراح
توقف لا تقترب....اكرهك!!! اخرجني من قلبك اكرهك
وكرهي لك داءا دفين لا دواء له..
......
فاتنتي...
وجدتك بين حنايا خافقي...
لقد عبثتي بقلبي احلتيه الي ساحة معركة مزقتيه الى أشلاء..لم اعاتبك لم انهرك
وهل للمرء ان يعاتب اجمل ذكرياته واماله ؟
وهل للمرء ان يعاتب الدواء الذي خلصه من الداء؟
لم اعاتب فانتي قطعة سكر حببتها في حياتي..
سأتركك بين حنايا خافقي دمرية كما تشائين
..فداء لك ذلك القلب العليل
....................
كاعده ببيت كئيب مهجور حياطينه متهالكه واظلم بس نور القمر عاكس على الشباك يشبه البيوت المسكونة استوطني الخوف والرعب من كل ناحية اتخيلي ان دا اسمع اصوات اصوات مثل صوت الرياح الي تضرب بالشجر وتسبب رعب
بلعت ريگي بخوف واني افرگ بادية والرجفه معتليه احساسي جسمي يرجف من فوگ ليجوه
حسيت بأنين منبعث من اخر الغرفة درت وجهي بترقب وقلق شفتها طفله كاعده بزاوية الغرفة وحاطه راسها بين ركبها و تأن بصوت مزعج رفعت ايدي لوجهي واشوف الرجفه الي بيدي مو طبيعيه خفت منها حيل
جانت لابسه ابيض ورجليها مجرحة والدم متجمد على رجليها رجعت بخطوات خايفه منها خايفه من كل شي يخص هذا المكان لزمت بمقبض الباب دا اريد اطلع وهي هجمت عليه بسرعة البرق
ضليت اعيييط بصوت عالي وهي افترستني افتراس مو طبيعي وجهها يخووف عيونها طالعه من وجهها وشرايينها طاگة صرخت بصوت عالي واني ارفس بيها بكل قوووه بس ما كدرت الها خنگتني خنگ
سلمت الروح الها واستسلمت بس رجليه ترفس بلا حول ولا قووه ثواني وما حسيت بيها الا وكعت على صدري بعد ما انطلق عليها رصاص حي
فتحت عيوني وشفته واكف شايل مشعل بي نار بيده بس ما شفت وجهه بس خيال اسووود وطويل وضخم والمشعل بيده والمسدس بيده الثانيه
اقرب مني وزاد خوفي خوووف صرخت بدون سابق انذار وخررر ما اريدك اكرهك..
فزيت على صوت اختي وهي تكعد بيه .. هيييي ومرض ومرض شبيج تصرخين وانتي نايمه هذا السادس خلبج امداج
كعدت مرعوووبه واني اباوع النفسي ما بيه شي مسحت على رگبتي وجهي واتلمس بروحي وين الجروح وين الضرب گلبي حسيته حيطلع من گلبي
أنت تقرأ
#وكر الأشتر
Mystery / Thrillerهل فكرت معذبي بأن الحب تضحية وإيثار تفاهم واستقرار وأمان معك اعيش الصدمات...الخوف والبكاء لي في الحياة رغبه..وهي ان اعيش حره حتى لو للحظة اكون انا صاحبة قرار انا الان ميته وبتحريري اعود حية تحاصرني وتحصرني وتقتلني وتذبحني بوكر الأشتر.
