The annoying vampire and me <3

819 68 2
                                    

Unicode


နှစ်ရက်။

နှစ်ရက်ရှိပြီ ရိပေါ် ရှောင်ကျန့်ဆီမလာတာ။ အရင်လို ရှောင်ကျန့်အနားကို ကပ်တွယ်မလာခဲ့သလို သွေးအတွက်လည်း ရောက်မလာခဲ့ဘူး။ ဒီနေ့မှာတော့ ရှောင်ကျန့်ဘက်က ပထမဆုံးအကြိမ် ရိပေါ်အခန်းကို သွားဖို့ ဆုံးဖြတ်လိုက်ရသည်။ ပြောခါမှ သူတစ်ခါမှ ရိပေါ်အခန်းဆီ မရောက်ဖူးတာမို့ လမ်းနည်းနည်းပျောက်နေတယ်ရော။

"ရှောင်ကျန့်? မင်းဒီမှာ ဘာလုပ်နေတာလဲ"

တိုက်တိုက်ဆိုင်ဆိုင် လမ်းချိုးတစ်ခုမှာ ရိယွင်နဲ့ သူ ဝင်တိုးတယ်။ ကယ်တင်ရှင်ကို တွေ့လိုက်ရသလိုမျိုး ရှောင်ကျန့်မျက်နှာလေး ဝင်းပသွားသည်။

"ရိယွင်... ရိပေါ် ရဲ့ အခန်းက ဘယ်မှာလဲဆိုတာသိလားဟင်။ ငါ့မှာ သူ့ကို ပြောစရာလေး ရှိလို့"

"သခင်လေး? သခင်လေးက လွန်ခဲ့တဲ့နှစ်ရက်ကတည်းက ကျောင်းက အဆောင်မှာ သွားနေတယ်လေ။ မင်းကို မပြောသွားဘူးလား?"

"ကျောင်းကအဆောင်?"

ရှောင်ကျန့် အူတူတူလေး သံယောင်လိုက်မိတယ်။ ရိယွင်က သူ့ကို အပေါ်အောက် နှစ်ခေါက်လောက် ကြည့်ပြီး

"မင်းကို တကယ်မပြောသွားဘူးလား၊ အခုက သခင်လေးတို့ရဲ့ ကျောင်းရာသီစပြီလေ။ နွေသုံးလလုံး သခင်လေးက ကျောင်းအဆောင်မှာသွားနေပြီး စာသင်ရမှာ"

"ဒါပေမယ့် ငါသူ့ကိုသင်ပေးနေတာပဲ မဟုတ်ဘူးလား။ ငါထင်တာ သူက အိမ်မှာပဲစာလုပ်ရတယ်လို့လေ"

"အဲ့လိုတော့ အဲ့လိုဆိုပေမယ့် ငါတို့တွေလည်း လူတွေလိုပါပဲ။ ကျောင်းပိတ်ရက်ဆို အိမ်မှာ ကျူတာငှားပြီး စာလုပ်ရတယ်။ ကျောင်းတက်ရမယ့် ရာသီရောက်ရင် ကျောင်းမှာစာသွားသင်ရတယ်လေ။ မျိုးနွယ်ကြီးတွေဆိုရင်တောင် အဲ့တာက သာမန်လိုပဲဟ"

လောလောဆယ်မှာတော့ ရိယွင်တို့က အကြီးအကဲရဲ့ အမိန့်နဲ့ ရှောင်ကျန့်ကိုစောင့်ရှောက်ရမှာမို့ ကျောင်းနားထားတယ်။ ပြောရမယ်ဆိုရင် ရှောင်ကျန့်တို့ လေးယောက်လုံး ကျောင်းနားထားရတယ်လို့လား။ အကြီးအကဲရဲ့ ခန့်ခွဲမှုအောက်မှာ ကျောင်းကိစ္စတွေက အဆင်ပြေသွားပေမယ့်လည်း နည်းနည်းတော့ နားလည်ရခက်နေသေးတယ်။ ဘာလို့ဆို ရှောင်ကျန့်က ခြောက်လကျော်လောက် ကျောင်းမတက်တာကို သူ့မိဘတွေ မသိဘူးဆိုတာကြီးက ပုံမှန်မဟုတ်ဘူးလေ၊ ဟုတ်တယ်မလား။ အကြီးအကဲက အဲ့ကိစ္စကိုဘယ်လိုဖြေရှင်းလိုက်လဲဆိုတာ သူမသိပေမယ့် အခုထိတော့ အဆင်ပြေနေပါသေးတယ်။ 

The Annoying Vampire and MeWhere stories live. Discover now