"အင်းးးးးးး ငါ့အတွက်တော့ အရသာရှိတယ်။ ဒါပေမယ့် မင်းအတွက်ဆိုရင်တော့ ရေမြှုပ်တွေစားနေရသလိုဖြစ်နေလိမ့်မယ်"
တစ်ခါတုန်းက ရှောင်ကျန့် ရိယွင်ကို သူစားနေကျမုန့်တစ်မျိုး ကျွေးဖူးတယ်။ ရိယွင်ရဲ့ အာရုံခံစနစ်ကို စမ်းသပ်ချင်တာကြောင့် သူလုပ်ခဲ့တာ။ နောက်ပြီး လူတွေရဲ့ အစားအစာတွေက ဗန်ပိုင်းယားတွေအတွက်ဆို ဘယ်လိုအရသာများဖြစ်နေမလဲဆိုတာကိုလည်း သိချင်မိလို့။ ရိယွင်က မြိုချဖို့မပြောနဲ့ တချက်လောက် ဝါးပြီးတာနဲ့ ချက်ချင်းပြန်ထွေးထုတ်ခဲ့သည်။
"မင်းဟာကြီးက ရွံစရာကောင်းလိုက်တာ။ မသိရင် ရေမြှုပ်တွေကို ဝါးနေရသလိုပဲ။ အော့.အော့."
ပြောနေရင်း အန်ချဖို့လုပ်တဲ့ ရိယွင်ရဲ့ပုံစံကို ပြန်မြင်မိတော့ ရှောင်ကျန့် ခပ်ချဉ်ချဉ်ပဲ ပြုံးလိုက်တယ်။ သူ ရိပေါ်ကို မော့ကြည့်လိုက်တယ်။ တကောင့်သားလေးက သူ့အရပ်ထက်ပိုမှ ခေါင်းတစ်လုံးစာထက်တောင် ပိုရှည်နေပြီ။ သူ့ရဲ့ သွေးဟာ ရိပေါ်ကြီးထွားမှုရဲ့ အဓိကဆိုတာကို ရှောင်ကျန့်သိတယ်။ နောက်ပြီး ရိပေါ်ရဲ့ ခန္ဓာကိုယ်က ဒီရက်တွေမှာ သိသိသာသာကို ကြီးထွားမှုမြန်နေသည်။
သူ့သွေးကြောင့်လား ဒါမှမဟုတ် မျိုးသန့်တစ်ယောက်ရဲ့ကြီးထွားမှုဖြစ်စဉ်လားဆိုတာကိုတော့ သူသေချာမပြောတတ်သေးဘူး။ ဘာလို့ဆို... ရှောင်ကျန့်အမေက သွေးသန့်ဖြစ်ခဲ့ပေမယ့် ရိပေါ်လိုမျိုး သွေးသောက်မကြမ်းတာကြောင့် အလျင်အမြန်ကြီး ကြီးထွားမလာဘူးလေ။ ရှောင်ကျန့်မားမားက လူတွေလိုပဲ ဖြေးဖြေးချင်း ကြီးထွားတယ်။ ရိပေါ်က ဘယ်လိုပြောရမလဲ မကောင်းဆိုးဝါးတစ်ကောင်လိုမျိုး အရှိန်အဟုန်နဲ့ကြီးထွားတာရယ်။
ရှောင်ကျန့် မချိပြုံး ပြုံးမိပြန်သည်။ သူ ရိပေါ်ကို ဘုဆတ်ဆတ်ကြည့်လိုက်တယ်။
"ဝေ့ .. ရိပေါ်၊ မင်း ခဏလောက် ထိုင်ချလိုက်ပါလား"
"ဘာလို့လဲ"
ရိပေါ်က တချိန်လုံး ရှောင်ကျန့်အခန်းထဲကိုပဲ စိုက်ကြည့်နေရာကနေ သူ့ကောကောရဲ့ အသံကိုလည်းကြားရော တောင့်တင်းနေတဲ့ အသံနဲ့ပြန်ဖြေလာတယ်။ ပြန်ရလာတဲ့အဖြေကြောင့် ရှောင်ကျန့်က သူ့နှာခေါင်းထိပ်ကလေးကို ပွတ်သပ်လိုက်ပြီး မကျေမနပ်အသံလေးနဲ့တိုးတိုးလေးဆိုသည်။
![](https://img.wattpad.com/cover/332089793-288-k852171.jpg)
YOU ARE READING
The Annoying Vampire and Me
Vampireyizhan_ Yibo as a Vampire... Xiao Zhan as a Prey <3 ငိုရတာတွေမပါပါဘူး ပေါ့ပေါ့ပါးပါး အချစ်ဇာတ်လမ်း အတိုလေးပါပဲ Hope you like .
The annoying vampire and me <3
Start from the beginning