<بسم الله الرحمن الرحيم>
البارت الخامس والثلاثون..
الكاتبه:زايا
.٠.٠.٠."امنيه"
-بقه يباوع لوجهي نزل عينه بعدها رجعها بعيوني وگال:- هاي معناته راح يصيرون عدنا تسع جهال..
-ههههه شدعوه عزه
-اي شبيچ غير هذا التفسير ماكو
-ماادري اوي جعت خل انزل اكل
-گمنا سوه اني نزلت وهو راح بدل وگفت اسوي بيض عيون انداريت شفته نزل لابس دشداشه وعگال هفه ع وجهه وگال:- الريحه حتلزگ بيه
-اكو مرايه صغيره بيها رف وحاطين بيها عطور بالمطبخ رحت اتمشى جبتله العطر وعطرته ضحك واخذه مني غمض عيونه ونفخ خدوده ورش ع وجهه ضحكت ع حركته..
-نزل ايده وحضني وخر شعري بوجهه وشمني بقوه ابتعد عني من سمعنا صوت حارث وهو يصوفر فات راح للسنگ وگال:- معليكم بيه لامنشاف ولا مندرى بس انطيني اكل واسكت
-شمر العطر عليه وگاله:- وشكو يعني مرتي مرتي چا شكو تزوجتها؟..
-ماعرف والله خل اتزوج واكلك ليش تزوجتها بعدها عافنا وطلع ضحكت وحطيت الاكل ع الميز وسويت وجبه كامله للكل..
-دنگت اطلع طماطه من الثلاجه الدشداشه مالتي نزلت وصارت قريبه ع خشمي واجتني ريحته ضحكت ورفعت نفسي خرب يومه ريحته بكل مكان..
-سويت الاكل واجوي تريگوا بعدها نزلت نسره اخر وحده
فاتت للمطبخ باوعت علينا وعوجت فچها وراحت كملت طريقها للسنگ..
بيبي بقت تباوعلها بعدها گالت:- هي بلسانچ عظم وماتصبحين..
-مجاوبت بقت تشرب مي اجتي وگفت بصفي وگالت:- امنيه انتي مسويه البيض مو
-اي حبيبتي
-باوعت ع چيس الصمون وباوعت ع ايديه اخذت الصمونه الي بأيديه وگالت:- عذريني انقرف اخذ مناك انتي يادوب بقيت اباوعلها سوت لفه وشربت من الچاي مالتي..
-حسيت تصرفها مو حلو وميتقبلو اهلها بس محچيت شي..
-هي صعدت وهم عمر گالت:- شگد فالته هاي حجيه من دلالكم الها شوفوها صارت تركبنا
-مجاوبت شي بس بقت تهز بجسمها..
-اكلنا وبعدها نضفنا اجتي عفراء وعمتها وزوجها يمنا للغده سوينا وگعدنا كلنا كلنا ناكل..
YOU ARE READING
امنيه في ظلام الليل
Short Storyلگل منا حياته الخاصه؛ بفصولها واختلاف اقدارها وكل ما يصيبنا هو درس يعلمنا تعاملنا مع الأقدار على انها حكمه إلهيه ؛ سوف تنجينا من الوقوع في نفس الأخطاء مرة اخرى، وها قد عُدنـا بأشخاص جدد وحكايه جديده واحداث جديده، غريبه، وجميله.. بقلمي انا: زايا💛