امنيه في ظلام الليل

Part 8

<بسم الله الرحمن الرحيم>

البارت الثامن...

وَجهچ حَلو مِثل گمرة ديرتنه
٠.٠.٠.٠.٠.٠.٠.٠.٠.٠.
الكاتبه: زايا
.٠.٠.٠.٠.٠.

"نسرين"

-اعاين لروحي بالمرايه واشوف الماروني شلون مطلعني حلوه حطيت حمره ماروني وفستناني من هذا القديفه الماروني..

-لبست گعبي ونزلت جوه بعد محد جاي وحتى امنيه مجايه گعدت يم حبوبه وانه اوزع ابتسامات

-حچت جدتي:-

-جيبي الحرمل

-شنو

-وجعو الحرمل

-هزيت ايدي وگمت للمطبخ فتحت الملحق وطلعت الحرمل منه سديته وانداريت واذ اشوف عمر واگف يم الباب وساند ايديه ع الچرچوبه رفعت حاجبي ودااروح استوقفني كلامه:-

-عمر:-هاي استهتار امچ واستفلاگها تبطلي يبت عمي انتي مو وحيدچ بالبيت وهيچ لابستلي لمشخلع ولملمع هالمره حعذرچ چي خطوبة ابن عمچ بس المره التجي اذا عاينتچ عيني بهالبس احط چيله براسچ ومايوگف احد بعيني يبت انتصار الفالته..

-رفعت حاجبي وانه مستهضمه من حچيه:-

-اول شي لا تقارني بأمي وثاني شي لاتجيب سيرتها ع لسانك لان مااسمحلك انه مفهوم

-ابتسم تك خد:-

-انه لو حاچي شي مني اگص لساني واگطه للچلاب بس امچ فالتوووو حچاها وكرر ع اخر كلمه..

-وحتلو مو من حقك تحچي سمعت لو لا؟؟؟

-فتح عيونه اتقدم عليه:-

-تعاي اخذيلچ راشدي بعد شو تعاي

-وخر من چدامي شو يلا وخر

-وخر عني رحت انطيت الحرمل لجدتي وگعدت وانه كلي اكتأب يعني فرحانه ومتونسه شكو يطلع بوجهي؟؟

-حسيت بريحة الحرمل التخنك فوك راسي التفتت ع حبوبه وگمت منها بساع:-

-شكووو جده شكوووو انه مااجرع ريحة الحرمل عليش جاي تحطيلي

-مهتمت وبقت تلفه حوالي وتحرك شفايفها..

-كملت عني وانه صعدت غرگت روحي بالعطر

-نزلت جوه وشفت امنيه جايه طالعه ايه من الجمال تجنننن ملكه عبالك..

-گعدت يمها ومرت مراسيم الحفله ع خير الحمدلله..