امنيه في ظلام الليل

Part 31

<بسم الله الرحمن الرحيم>

البارت الواحد والثلاثون..

الكاتبه: زايا

"امنيه"

**

-شهگت ورجعت راسي ع صدره بتعب بچيت برجفه وخر شعري من ع گصتي ورجعه وره وبأيده الثانيه بللها ومسح وجهي..

-سد البوري مال مي ونكت ايده مشاني للغرفه گعدني ومسح وجهي رفعت عيوني اله:- تعبت تعبت عزام

-گعد ركبه ونص گدامي مسح وجهي وبقه محاوطه همس:- هانت هانت هنه كم شهر ويصير بحضنچ وترتاحين بس تحملي هالكم شهر گلبي انتي..

-شهگت وبچيت:- تعبت تعبت تذكر ذيچ الفتره شگد صعبه چانت تتذكر شلون مسويلي سحر وداگي دگ تذكر كم مره تقيأت دمممم وسواد تذكر كم مررره فزيت اعيط بنص الليل هذا كله اني عشته بوحدي عزام حس بيه..

-وداعتچ حاس وداعتچ متفهمچ بس تحملي.. ضرب ع رجله بحرگه وكمل كلامه:- واطلع *** اذا دورت جاهل بعد مره..

-مددني ع الچربايه ونزل جوه بقيت امدده ودموعي تنزل لا إرادي ع شنو مااعرف ع نفسي لو ع ذيچ الفتره الي وصلت لحلگ الموت بيها لو ع نسره الي..

-اه يا نسره شگد تأذت..

-صفنت ورجعت اشهر ليوره واني اتذكر صوت نسره اليزرف الگلب قبل الاذن..

نسرين:- مااقبللللل مااريددد اتزوووج يلا انتو مو رفضتوا ضرغم وهو تقدملي ٩مرررررات مو مرمطتوا اني هم ارفض حسنين الزواااج مو اجبااااار اريد اربي اخووي..

-تقربلها ابو عمر وضربها قوي ع وجهه ولزمها من شعرها قبل لا توگع:- يعنيييي عندچ علااااقه بي يعني مها ما چذبت من حچت..

-بوقتها صفنه كلنا وحتى نسره صفنت بوجهه نزلت ايدها الچانت تحمي وجها بي وباعت لمها الي چانت فاتحه عيونها و واگفه ع صفحه..

-شهگت شهگه تگطع انياط الگلب وهمست بصوت متعوب:- توقعتها من امنيه وما توقعتها منچ توقعتها تطلع من لساني ولچ وما توقعتها منچ..

-ملحگت تكمل كلامها وعمها انهال عليها بضربات قويه راحوا عليه سامر وحارث حاولوا انو يوخروا بس فشلت محاولتهم وهمه هم حصلولهم كم ضربه..

-بقه يضرب بيه ويگول:- ساااااس اممممچ الـ**** ولچ انتيييي الي بگد زري تريد تدنس روسنا..

-گلبي وجعني لو ظالم بين ايديه چان رحمه شويه..

-رحت عليه وحاولت افكها من ايده بس مگدرت گمت ابچي رجعت ليوره واحس اني الدا انضرب لسه الوجع مال ضربات ابويه بيه حاسه بيها من محد يفكها من ايده!!