<بسم الله الرحمن الرحيم>
البارت الثالث والعشرون..
وأبَليتَني بعِشقكَ ثُمَ بعثرتَني
وأهلَكتَ ما بَيننا فكَسرتَني
وأشعَلتَ النارَ بِقَلبي فَحرَقتني
وكنتُ أراك مختلفًا لِماذاَ هَجرتَني ؟
.٠.٠.٠.٠.٠.٠.٠.٠.٠.٠.٠.
الكاتبه: زايا
.٠.٠.٠.**
"نسرين"-ضلمه ودرب عاثور ليلة شتا وغيم...روحي اشتهت ملگاك عتتني الك عت..
-جاي اتمشى للكليه ابو الخط ذبني يمها ورحت اتمشى سياره سوده ناصيه وصوت الاغاني عالي وهاي الاغنيه چان حاطها..
-ضحگت وكملت طريقي وهو مخفف ويمشي بصفي صعدت ع الرصيف وهو شخطها ودگ هورن..
-حطيت ايدي ع گلبي وعبرت الشارع رحت دخلت المحاضره ساعتين وخلصت طلعت ع المسطبه انتظر الخط..
-لزمت موبايلي اگلب بي محسيت لمن اجه شخص يمي گعد رفعت راسي عليه وابتعدت گعدت ع الطرف..
-حرك روحه شويه وطلع موبايله من جيبه الوره..
-اجتي يمي سمر صديقتي وگعدت تسولفلي ع اخوها وسوالفه وياها واخر شي حچتلي انو اكو واحد متقدملها فـ بيوم المتقدملهه هي عبالها هذا هو طالع وي اهله ورايحين..
-هي الثوله لازمه ورايحه للأستقبال وصايحه بصوت عالي:- يوووووم وين الكيك ولكممم الكيككك ويين؟؟..
-چان تفتح الباب ويطلعون بعدهم هي بقت صافنه بوجهم بعدها انرعصت وصارت تصيح بوجهم:- مااريدكم ارفضضض ارفضضضض مااريد انزوووج
-هي حچتلي وانه وگعت وگعت من الضحك اريد اسكت ماكو ولا اگدر ابد انتهيت متت من الضحك وهي مستمره تحچي..
-ضربتني ع راسي من اجاها اخوها وراحت..
-هي راحت وانه بقيت اضحك.. اتذكر السالفه وارجع اضحك مگعدت اسگت ابد..
-سگتت من سمعت الشخص الگاعد يمي گام يدندن بكلمات اغنيه:- ضلمه ودرب عاثووور ليلة شتا وغيم روحي اشتهت ملگاك عتتني الك عتتتتت..
-فتحت عيوني وبقيت اباوع ع الموبايل واني فكري وتركيزي كله يم صوته وبحته وجمال الكلمات بصوته..
-حرفيًا حرفيًا لو شگد مااگول صوته حلو ويجنن ما اوصفه ابد..
-بقيت اسمع لصوته وگلبي رفرف من گال:- ها خويه هااا تكول انه عينك ما مال حملي وكلفك چااا وينه حچيك!!
![](https://img.wattpad.com/cover/303415729-288-k112951.jpg)
YOU ARE READING
امنيه في ظلام الليل
Short Storyلگل منا حياته الخاصه؛ بفصولها واختلاف اقدارها وكل ما يصيبنا هو درس يعلمنا تعاملنا مع الأقدار على انها حكمه إلهيه ؛ سوف تنجينا من الوقوع في نفس الأخطاء مرة اخرى، وها قد عُدنـا بأشخاص جدد وحكايه جديده واحداث جديده، غريبه، وجميله.. بقلمي انا: زايا💛