Saw Nay Say's Travel Blogger [ Completed ]

အပိုင်း { ၃၈ }

ဘွား ရုတ်တရက် မော့ လက်ဖဝါးကိုနူးညံ့ကာကိုင်ပြီး မျက်ဝန်းတစ်စုံကိုစေ့စေ့ကြည့်လိုက်ချိန် အကြည့်ချင်းစုံရာကနေ မော့ မှင်သက်နေသည်။

" အဲ့တာဆို ကျုပ်ကိုအဖြေပေးတော့ "

" ဟမ်? "

" ဟုတ်တယ် ကျုပ်မင်းလေးကိုသဘောကျတယ်လို့ပြောပြီးပြီရော်။ မင်းဘက်ကရော ဘယ်လိုသဘောရလဲ "

" အဲ့တာက ဘာဆိုင်..."

" နေဦး "

ဘွား မော့နှုတ်ခမ်းပေါ်သို့ လက်ညှိုးလေးတင်ကာ။

" မော့.. ကျုပ်မင်းကို ဒီတစ်ခါ တကယ်လေးလေးနက်နက်ပြောချင်တယ် "

ဘွား ရဲ့လေးနက်တဲ့စကားအစချီပုံကြောင့် မော့ ရင်ထဲနှလုံးခုန်နှုန်းတွေမြန်ဆန်လာ၏။

" မင်းနဲ့ကျုပ်က ငယ်ငယ်ကတည်းကအခုချိန်ထိအတူတူကြီးပြင်းလာခဲ့တာ..မင်းအပေါ်မှာ ကျုပ်မေတ္တာရှိတာထက်ပိုတဲ့ သံယောဇဥ်တွေပြောမကုန်ပါဘူးကွာ။ မင်းကိုမေတ္တာရှိတဲ့အကြောင်းပြောဖို့အတွက် ကျုပ်ဘယ်လောက်ထိသတ္တိမွေးခဲ့ရလည်း ကိုယ်တိုင်သာသိတယ်..ပြီးတော့ "

ပြောလက်စရပ်ပြီး အားငယ်တဲ့မျက်နှာမျိုးဖြစ်သွားတဲ့ ဘွား ကြောင့် မော့ စကားဝင်ထောက်၏။

" ပြီးတော့ ဘာဖြစ်လဲ "

" ကျုပ်မင်းမုန်းမှာကြောက်တယ် "

" ......... "

" ကျုပ်တို့ရဲ့ပက်သတ်မှု့ကသူငယ်ချင်းအရင်းခေါက်ခေါက်ကြီးဖြစ်လို့ အကယ်၍ မင်းသာကျုပ်ကိုမုန်းလိုက်မယ်.. ငြင်းလိုက်မယ်ဆို ကျုပ်ခံစားနိုင်မှာမဟုတ်ဘူး "

ဘွားရဲ့ကလေးဆန်ဆန်အပီချုပ်တဲ့အကွက်ကြောင့် ဘာရယ်မဟုတ် မော့ ပြုံးရယ်မိသွားသည်။ ဘွားာက လူအေးကြီးသာပြောတာ တစ်စုံတစ်ယောက်ကိုဖွင့်ပြောတဲ့အခါ အဲ့လောက်အပြောချိုတတ်မှန်းမသိခဲ့ဘူး။ အဲ့လိုတွေးမိတော့ ဖွင့်ပြောခံရတဲ့လူနေရာမှာ မော့ မဟုတ်ပဲတစ်ခြားတစ်ယောက်ယောက်ဆိုရင်....။

အဲ့အတွေးနဲ့တင် မော့ ရင်ကိုပူလောင်လာစေသည်။

" မင်းစကားတတ်မှန်းအစကမသိခဲ့ဘူး "