فا الي اريده منج اماني شويه اهتمام بهاي التفاصيل اذا ماتعلمني هسة ترة هم تضلين هيج بيت رجلج
اماني : اسمع بمريم واني كلش مستحيه ومعرف شسولف انطتني دشداشه البسها وكالتي روحي بدلي بالحمام على ما اصفط ذني
رحت بدلت ورجعتلها لكيتها مكمله الملابس وجاي ترتب بفراش الجربايه اني هنا ضليت فاكه حلكي
-ماشاء الله هاي شوكت خلصتي
مريم : حياتي بالتعواد والاستمرار ذني يصيرن عندج زلاطه ثواني وانتي مخلصه
اماني : هزيتلها راسي باستحياء كلش استحيت منها وهي هيج ماشاء الله معدله ومرتبه كبل جرتني ومشطتلي شعري ولفته كباية
-يولي اضفريه الي احبه مضفور
مريم : اضفره شنو العباس ساطرج يولي
اماني : شبيج هو اني شكلت حتى مسطورة
مريم : مو وراج طلعه للصالون هي مال ضفيره خلي شعرج ناعم ومابيه كسرات هواي حتى ميتعب البنيه وبسرعه تخلصج
اماني : ضليت صافنه على مريم والله هي الي تستاهل تتزوج مو اني اكو فرق بيني وبينها من السمة للكاع صح اني نظيفه بس مو مثلها ابد ابد
لبست شال ونزلت اني ومريم جوة لكيت خوات مريم مبلشات بالزينه خطيه وكل وحده لازمتلها زاويه ترتب بيها
ماشاء الله كلهن هيج مرتبات
مريم : بنات عوفن الزينه للورة الغده هسة بس رتبن الاثاث وحاولن تسون مساحه بالوسط اكثر واحرصن ماتصير كوارث بالاثاث ههههههه سمعت راح تلتم العشيرة اليوم
البنات : حاضر
اماني : منو كالج هذا الكلام
مريم : سمعت امج تكول لامي
اماني : اها
طبينا المطبخ لكيت امي وام مريم يفلفشن بجنطه
اماني : يما هاي شنووو شو بيها كومه غراض
رسل : بنيتي هاي جابتها خالتج وكالت هذا نيشان اماني كله جابه مصطفى
اماني : ضليت اني ومريم وحده تباوع بوجه الثانيه مامخلي الجنطه متروسه مكياج وعطور وبدلات قصيرة ووسط ٦ بدلات بيها
مريم : خالة شدعوه هل بدلات هاي مو جابلها فستان عقد وانتي جبتي بدلة الها شدعوة هيج
رسل : والله يخالة اجت امه وكالها اريدها تبدل وية بدلتها ورة العقد ٧ بدلات ههههه وتدرين الوحيد لامه مكدر اكوللها لا تكول اريد افرح بيه هو هل وحيد
مريم : هههه الحب ومايفعل
اماني : واكفه مصدومه بنزاكه الغراض وجمالهن والبدلات وحده تكول للثانيه اني احلى منج هههه مريم كل شويه تطكني بغمزة
YOU ARE READING
قلبي بيدهِ
ChickLitقصه عراقيه حقيقيه 100% مكتوبه باللهجة العراقيه تتكلم عن امال متعلقه بحب الطفولة لكن مع عواقب ومطبات لهذا الحب (حب من طرف واحد ) يحاول بطلنا بكل ما يملك ليحظا بقلب المعشوقه يُضيعُ الايام والاسابيع والاشهر والسنوات لاجل حٌبهِ يحاول بكل ما يملُك ل...
بارت 33
Start from the beginning
