아이돌, 저랑 자요( Idol, sleep with me)

part-3

Fresher welcome ပွဲ​နေ့.....

     မနက်၄နာရီထဲက အိပ်ယာထကာ မိန်းက​လေးတို့ ထုံးစံအရ ပြင်ရဆင်ရ​ပေသည်​။ အိပ်ယာ​ဘေးတွင်​တွေ့ရ​သော အနီ​ရောင်၀တ်စုံ​ကို မြင်လိုက်သည်နှင့် သက်ပြင်းကြီးသာ ချလိုက်မိ​တော့သည်။

ပွဲစတင်မည့်အချိန်မှာ မနက်၉နာရီဖြစ်ပြီး ပွဲအတွက်လိုအပ်သည်များ စစ်​​ဆေး​ပေးရန်လည်း မနက်၆နာရီခွဲတွင်အိမ်ကထွက်လာခဲ့သည်။ RCထဲသို့အ​ရောက်တွင် ​ပွဲစီစဥ်သူအကုန်လုံးရဲ့ မျက်လုံးများက မိမိထံသို့​ရောက်ရှိလာသည်။ ဖြိုးသန့်ကိုရဲ့ သူငယ်ချင်း ​သီဟ​အောင်က အသံကျယ်​လောင်စွာနှင့်ပင်
"ဟ ဧကရီဦးတို့ queen selection​တွေထက်​တောင်ပိုပြီး ​ပေါ်လွင်​​အောင်ပြင်လာပါလားဟ"
မိမိလည်း ရှက်သဖြင့် လက်ညှိုးဖြင့် ရှူးဆိုသည့် အမူအရာဖြင့် အ​ပေါက်ကိုပိတ်လိုက်ပြီး နား​နေခန်းသို့အ​ပြေးသွားခဲ့သည်။

"ငါ့​ကောင်ကြီး​ရေ ကြည့်​နေတာပဲ မျက်လုံး​တွေကျွတ်​တော့မယ် ဖွင့်​ပြောဖို့အစီအစဥ်​ကျ​တော့ရော မရှိ​တော့ဘူးလား"
သီဟ​အောင်က ဖြိုးသန့်ကိုကို လက်တို့လိုက်သည်။
အ​ဖြေပြန်မလာဘဲ ပြုံးသာပြုံး​နေလိုက်သည်။

မနက် ၉နာရီ...

" မကြာမီအချိန်အတွင်းတွင် ရန်ကုန်တက္ကသိုလ် ​မောင်မယ်သစ်လွင်ကြိုဆိုပွဲအခမ်းအနား စတင်​တော့မည်ဖြစ်ပါသဖြင့် ဧည့်ပရိသတ်များ​နေရာယူ​ပေးကြပါရန် ​လေးစားစွာပန်ကြားအပ်ပါတယ်ရှင်"

ထိုသို့​ပြောပြီး​နောက်တွင် စင်​အောက်သို့အ​လောတကြီး ပြန်လည်ဆင်းလာရသည်။အ​ကြောင်းမှာ ​ယောကျ်ား​လေးအစီစဥ်တင်ဆက်သူ​ရောက်ရှိမလာ​​သေး​သော​ကြောင့်ဖြစ်သည်​။

"ဟဲ့ အဖြိုး​ရေ ဟိုတစ်​ယောက်က အခုထိမ​ရောက်​သေးဘူးလား"
"မ​နေ့ည​နေကပြန်သွား​တော့ အဖျား​သွေးနည်းနည်းရှိ​နေတာ ညက messageပို့​တော့ ရ​အောင်လာခဲ့မယ်လို့​တော့​ပြောတယ်"
"အခု လုပ်နိုင်မဲ့လူ​ရောမရှိဘူးလား"
"ခဏ ငါတစ်ချက်သွားကြည့်ဦးမယ်"

နား​နေခန်းထဲကပြန်ထွက်အလာတွင် အငြိမ့်လူရွှင်​တော်ထဲမှတစ်​ယောက်ပါလာသည်။ တစ်ခါတစ်ရံ ​မေဂျာပွဲများတွင် အစီအစဥ်တင်ဆက်ဖူးသည်ကို​တော့ ​တွေ့ဖူးသည်။ စိုးရိမ်သည်မှာ အငြိမ့်နှင့်အချိန်ဇယားတိုက်​နေသည်များကို မည်သို့​ဖြေရှင်းမည်နည်း ဆိုတာကိုပင်။ စိုးရိမ်​သည်က ​နောက်မှ။ လုပ်စရာရှိတာ လုပ်ရမည်မှာ အရင်။ ထို့​ကြောင့် စင်​ပေါ်သို့တက်ကာ ၂​ယောက်သား မူလအတိုင်း တင်ဆက်စရာရှိသည်များကို တင်ဆက်​လေ​တော့သည်။