قام صهيب بالاتصال على جواد :
"ايه يابني اتأخرت ليه... الشركا الجداد على وصول لازم تكون موجود في استقبالهم وبعدين نبقي نشوف موضوع ست غزل دا...
زفر صهيب بضيق من أفعال أخيه التي أصبحت غير معقولة ..
حدث حاله زافرا :
" لا ويقولوا الضباط انضباط... دول انضباط في البرود وحرقان الدم..."
دخل إليه حازم وهو علي حاله سارحًا بضيق ف أخيه .. استغرب حازم شروده وأخرجه منه متحدثا :
هو في اي ؟!! كل ماأدخل على واحد فيكو ألاقيه بيكلم نفسه .. مالكو ياولاد الألفي ؟؟
تأفف صهيب وأردف :
مالي ياخويا أنا زي الفل . الدور والباقي ع البارد التاني اللي مش همه حاجه
ثم نظر إليه من أعلاه لأسفل مكملا حديثه :
جتك القرف وانت شبهه
زمجر حازم وصاح به مهددا :
شبه مين ياض متتعدل .ولا انت عشان البلية لاعبة معاك ودنيتك بيس هتتنطط علينا
رفع صهيب يده فاردا أصابعه الخمس أمام حازم مرددا :
قل أعوذ برب الفلق .. إنت راشق عينك معايا لا دانا لازم أرقي نفسي أنا والبت لا نولع من نقك بعينك الصفرا دي
رد حازم بحنق :
أنا عيني صفرا ياجزمة وبتكبب ف وشي .. طب بلاش أحسن أركز معاك بجد ساعتها هتندم ياحلو
وقف الإثنان يتراشقان بالكلمات حتي دخلت نهى عليهما
: صهيب المساهمين في المجّمع وصلوا بس لسه جواد مجاش
رفع حاجبه بغيظ لحازم :
شوف هتعمل ايه يازوما في المشكلة دي... عاملي أبو زيد الهلالي اتصرف يابو عين صفرا
ضحكت نهى علي كلماته ف حين أراد حازم قذفه بأي شئ ف وجهه وتحدث حانقا
: قدامي يامتخلف خلينا نطلع نقابل الناس لحد ما جواد يوصل
صوبت نهى نظرها لصهيب وأردفت :
لا هما راحوا قاعة الإجتماعات
أمسك صهيب يدها وخرج بها :
سيبك منه دا واحد مجنون مفكر إنك هتسبيهم على الباب... خليك مكانك هنا ياغبي لحد مايجي البارد التاني وأنا هحاول اعتذرلهم على تأخيركم عيلة هم مايعرفوش يعملوا حاجة من غيري
ضحكت نهى فرفع حاجبه وتحدث بفخر :
"عشان تعرفي إني فخر عيلة الألفي ، لا مش عيلة الألفي بس .. فخر محافظة الفيوم كلها"
سحبها من يديها واتجه الى قاعة الاجتماعات وفي طريقه تقابل بجواد
نظر إليه بمقت وأردف مستاءا :
لسه بدري ياعم العاشق والله كان فاضلي شوية وأروح أجيبك من على السرير
نظر إليه جواد بغضب :
كلمة كمان وهخليك تبات في المستشفى
وتركه متقدما نحو القاعة .. سار خلفه صهيب مرددا
: هو أنا قولت حاجه... دا حتى لسة بقول لنهى جواد دا يجي براحته .. أه والله حتى أسالها ولا بلاش هي اسأل الولا حازم اللي جاي اهو كنت بقوله شعر فيك
اتجه بنظره لصهيب _هتقعد ترغي كتير وتركه متجها الى القاعة
تحرك صهيب بخطوات سريعة نحو القاعه ممسكا تلك التي وضعت كفها أعلي فمها تكتم ضحكتها
دخل جواد أولا... ثم تبعه صهيب وحازم
جلس الجميع .. تقدمت مديرة مكتب جواد بوضع جدول الأعمال أمامهم ثم بدأت بتعريفهم
أماء جواد برأسه حيث أشارت
: البشمهندس ريان المنشاوي طبعا غني عن التعريف
سلم عليه جواد وتحدث إليه بلباقة
: أكيد طبعا غني عن التعريف.... صاحب مجموعة المنشاوي في اسكندرية.... أسعدتنا بوجودك ومشاركتك في العمل الخيري دا
أجابه ريان : أنا اللي سعيد بوجودكم طبعا وإنكم تشاركونا معاكم
ثم أشارت السكرتيرة
: مستر إلياس الزيني المسؤل عن شركات السيوفي للتصدير
سلم عليه جواد محاولا تذكره فهذا الاسم قد مر عليه...
تُرى كيف سيكون إجتماع العمالقة
صباح الورد ياحلوين عاملين ايه
قولت ادخل اصبح عليكم بصهيب باشا
دا مالوش علاقة بالرواية دلوقتى دي فكرة جاتلي بس هتكون قدام شوية ايه رايكم فيها
إلياس دا بطل نوفيلا جديدة هتنزل في راس السنة
#حُكم_القدر
فيه بارت ان شالله هل من منتظر لبارت اليوم
أنت تقرأ
تمرد عاشق
Romanceأَيُّهَا المُتمَرد علي عِشْقِي .. عُذْرًا فإنْ كُنْتَ ابنَ آدمِ فأنَا ابْنَةُ حَواء وإنْ كَانتْ شِيمَتُكَ التَّمَرُدُ .. فشِيمَتِي الكِبْرِيَاء إنْ كانَ عِشْقُكَ وَاقِعِي .. سَأَجْعَلُ عِشْقِي يَجْرِي بِالدِّمَاء فلاَ تَغْتَرُ بِقَلْبِ عُصْف...
