"ကောင်းတာပေါ့ ကိုကွန့်ရာ အဲ့လိုမျိုးတော့လည်း ပိုကောင်းတာပေါ့ "
"ဟုတ်ကဲ့ လေးလေး "
"သူတို့လည်း သွားဖို့ အဆင်သင့်ဖြစ်နေကြပြီ "
"ဟုတ် ကျွန်တော် ဟိုမှာ အကုန်ရှင်းခိုင်းထားတယ် အဆင်သင့်နေရုံဘဲ ကျောင်းရှေ့တင်ဆိုတော့ နီးလည်းနီးတယ်
"ကျောင်းရှေ့တင်ပေါ့ "
"ဟုတ်ကဲ့ တစ်ကယ်လို့ အလင်းအဖော်မရှိရင် သူ့သူငယ်ချင်းတွေ ခေါ်နေလို့လည်း ရတယ်လေ "
"ကိုကွန့်က အလင်းအတွက် တွေးပေးနေတာဘဲ "
"အဟွန်း! "
အလင်းအတွက်ဆိုလည်း အလင်းအတွက်ပေါ့။ ဘာကြောင့်လဲ ဆိုတာ ကိုယ်တိုင်သိနေရင် ရပြီ။မမက အိမ်ရပြီဖြစ်ကြောင်း အိမ်လည်းရှင်းခိုင်းထားပြီးပြီမို့ အဆင်သင့် တက်နေလို့ ရကြောင်း ဖုန်းဆက်ပြီး အသိပေးလာတာမို့ အလင်းတို့ ကျောင်းတက်ရင် ပဲခူးမှာ နေလို့ရကြောင်းကို လေးလေးကို လာပြောတာ ဖြစ်၏။
"ခဏလေး ဦးလေး အလင်းတို့ကိုခေါ်ထားသေးတယ် တစ်ခါထဲ ပြောလိုက်ကြတာပေါ့ "
"ဟုတ်ကဲ့ လေးလေး! "
စာကြည့်ခန်းထဲ ရေနွေးကြမ်းသောက်ကာ စီးပွားရေးအကြောင်းတွေ ရောက်တတ်ရာရာ ပြောဆိုနေတုန်း တံခါးခေါက်သံအတူ ရုဏ်ရုဏ်တို့ မောင်နှမနှစ်ယောက် ဝင်လာကြ၏။ကွန့်ထူးလည်း ဝင်လာတဲ့ဆီ အကြည့်ပို့မိတော့ သူဝယ်ပေးထားတဲ့ ချည်သားဘောင်းဘီရှည်လေးကို တီရှပ်လေးနဲ့ တွဲဝတ်ထားတဲ့ ရုဏ်ရုဏ်။ ဘာမှမလိမ်းချယ်ထားတဲ့ မျက်နှာ ခပ်ပွပွဆံပင်လေးတွေက နုနုငယ်ငယ်ရုပ်ကလေးကို ပိုပြီး ချစ်စရာကောင်းအောင် ထောက်ပံ့ပေးနေ၏။
"ထိုင်ကြ သားတို့ "
"ကိုကွန့်လည်း ရောက်နေတာဘဲ ဖေဖေနဲ့ ပြောစရာတွေ ရှိနေတယ် ထင်တယ် "
"ဟုတ်တယ် ညီမလေး "
ကွန့်ထူး ပြုံးပြီး ပြောလိုက်တော့ ကောင်ငယ်လေးရဲ့ အကြည့်က သူ့ဆီဝေ့လာတာကို မျက်ဝန်းထောင့်ကနေ လှမ်းမြင်လိုက်ရ၏။ ဒီကောင်လေးကို မွေးစားဖို့ကိစ္စကလည်း သေချာမမေးရသေးတာကြောင့် ဦးလေးဆီက ခွင့်မတောင်းရသေးတာ။ကိုရှင်းကလည်း ဒီအတောအတွင်း စဥ်းစားပါအုံးဟု ဆိုတာကြောင့် ပဲခူးက ပြန်လာပြီးမှဘဲ မေးဖို့ ဆုံးဖြတ်ထားတာ ဖြစ်၏။
VOUS LISEZ
မောင့်အာရုဏ်ဦး // COMPLETE //
Roman d'amourမောင်လက်ထပ်ချင်တဲ့ တစ်ဦးတည်းသော သူက မင်းပါ ရုဏ်ရုဏ် 💙💐 ကွန့်ထူးထည်ဝါ မောင့်အာရုဏ်ဦး coverartist = Pann Eain 💐 ေမာင္လက္ထပ္ခ်င္တဲ့ တစ္ဦးတည္းေသာ သူက မင္းပါ ႐ုဏ္႐ုဏ္
