قلبي بيدهِ

بارت 23

مصطفى : اخخخ اماني اخخخخ
حجيتها وزفرت بنفاذ صبر ماعرف شسوي وماعرف شكول سويت المستحيل المستحيل اجذب نظرها

ابن الكل* دمر كلشي بيها

باعيلي انتي الج هاي السنه خلصي امتحاناتج ونصف السنه الباقي ونتفاهم
انتي مو عندج تطبيق بالنصف الاخير هي هاي اخر سنه كملي واني اجيب مشيه هاهي اماني ترة ه سنين مو قليله على مود شخص مايسوة على شنو هاي لو وحده غيرج جان تزوجت من زمان وصار عدها درزن جهال

اماني : مصطفى افهمني ماكدر اخذ قرار واني بهاي الحالة وتندم بعدين او اظلمك وياي افهمني

مصطفى : لزمت ايديها ثنينهن بين اديه وضميتهن على صدري ولجج ٥ سنين وراح تقبطين ال سادسه ماكفتج

ماكدرتي تثبتين موقف بيها

هاي شبيج اماني ملاكي انتي بيج شي

اماني : للحظه حسيت نفسي بغيبوبه وكعدت منها معقولة صارلي ٥ سنين وهاي السادسه على مود انساه معقولة كل هل ايام والسنوات والاسابيع والشهور مرت على موده

-لا مستحيل اني جنت حايرة بالدراسه

مصطفى : يادراسه مو هاي وياج بنات متزوجات ويدرسن هاي حجه حاطتها الدراسه كدامج اماني اصحي اصحييي ترة العمر يمشي ليكدام مايرجع ورة جاي نكبر مانصغر بيا عالم عايشه انتي متكليلي

اماني : صفنت على كلام مصطفى دنكت راسي وهزيته بتأيد لكلامه

مصطفى : بست اديها وقربت اديه حول ركبتها هي صافنه اظن بكلامي كمت

يلا اني اترخص راح اتاخر واتمنى تفكرين بكلامي

اماني : حطيت اديه جوة حنجي واهزله براسي بمعنى اي ضربت صفنه

بكل هل وقت الي قضيته الي مر عليه شنو فهمت بيه شنو سويت شنو استفاديت صح حمدلله طب عام ومحد يلحكني وكلشش فخورة بنفسي بس على كولت مصطفى هاي مجرد اعذار اخلقها لنفسي اضيع بيها وقت

كعدت من صفنتي باوعت لركبتي اكو كلاده من فضه بيها اول حرف من اسمي واول حرف من اسم مصطفى بنصهن ملاك صغيرون مامرسومه لوجهه ملامح الملاك من جواهر بيض اما البقي فضه

انرسمت ابتسامه خفيفه بوجهي من شفت هاي الكلاده

-اخخخ يمصطفى سويت المستحيل ووياي ووكفت وياي بمواقف اني صدك جنت اريد احد وياي بيها بس ياريت لو كل هاي الامور ويه الشخص الي يستاهلك مو اني صارلي بال ٥ سنين شالعه كَلبك

شفت مريم جتي بالطريق وكمت توجهتلها الضحكه شاكه حلكها شك

مريم : هلااااا بالعاشك الولهاننننن هلا بطيور الحب هلا هلا

اماني : شو انجبي عني كال طيور حب كال

مريم : هااا شنو ترة ماعتقد لحكتوا تتعاروكون بهل ساعه