أنتِ قلبِي

الجُزء الإضَافِي|قمرَة و ثلاثَة نجُوم

أنتِ قلبِي
الجُزء الإضَافِي|قمرَة و ثلاثَة نجُوم
كِتابة: وصَال
__________

فِي كُل لحظةٌ تمُرْ لِّي معَاك أحبكِ فيهَا بِقلبًا أخر غيرَ الذي سبق!
_

أنـــا لـــو بـِــوصـــف حــاسس أيـــه
محتــاج ستيـــن سنـــة قُــــادم

مـــافيــش حــاجــه حبيبــي معــاك بِتشغلنــي
نسيـــت روحـــي نسيــــت النــاس

طــول مـا أنـــا جنبـــك كــلو تمـام
كــل كلمــة شــوق بِعينيـــاك بِتقتلنـــي

كانت كلمات أغنية رامي جمال مُنطلقة بِصخب عالي نوعًا مَا فِي السيارة اللي كان قائدهَا مُنسجم معاهَا بِكل حواسه و هو يدندن فِي مُفرادتهَا اللي خلاته يبتسم و هو يشوف لِـ الراكبة بِجنبه و هو يدندن معاه بضحكه رنانه مُشابهة لِـ ضحكتهَا و هي تصور فِي حركاته اللي إمتزجت بين العقلانية و الشغب معاهَا ..

تحَت أنظار تؤامهم اللي كانوا يراقبو فِي تصرفات أمهم و بوهم اللي مخليه صدى ضحكاتهم الجميلة ترن بِوضح بِداخل السيارة و هما متوجهين لِـ مزرعة الحاج حسن

اللي بِمجرد ما أصبح طريقهَا فِي مرمى عين بوهم تكلم معتصم اللي كان يراقب فِي إيديهم اللي أصبحت مُتشابكة فِي بعض دليل علىٰ صراع جديد و عركة جديدة حَيديروهَا أطفاله اللي نطق فِي وجوهم بِقوة: لو ما تؤخروش عن بعض توا نحلف بِالله نلف و نولى بيكم لِـ المطار ره!

شدت جيهان ضحكتهَا بِصعوبة مَا أن نطق زين بِعقدة حواجب مُتنامية: نحرش فيك جدي صالح لو درتهَا!

أومىٰ يزن اللي كان يقرص فِي إيدين خوه باش يرخى شعره و هو يقول: كلام زين صح نحرشو فيك جدو و هو يتصرف معاك!

ضحكت جيهان بِالقوة و هي معاش قادرة تتمالك نفسهَا مِن أسلوب أطفالهَا الشبيه بِاللي أكبر منهم قبل ما ترمش بِعيونهَا و هي تشوف لِـ معتصم اللي إبتسم بِسخرية شديدة مِن الوضع و هو يقول: عليه العوض و منه العوض اني خلاص فقدّت الأمل فيكم تمت! إن شاءلله غير ما تجيش أختكم و لا خوكم الجاي زيكم بس لان هذاكه وين حنكره روحي بجديات!

مسحت جيهان دموعهَا اللي نزلو أثر الضحك و هي ترد عليه من بين أنفاسهَا اللي راحت مِن وراء ضحكهَا: تستاهل هاذي أخرة الدلع الزايد حلهَا توا لو قدرت تحلهَا!

رمقهَا معتصم بِنظرات وقحة مِن فوق لِـ تحت قبل ما يقول مِن بين أسنانه و هو مُبتسم بِإستمتاع شديد: و خيره أنتِ دلعي ما فسدكش؟ شكله مزال تبي كورس ثاني فِي الدلع باش تفسدي صح!

فنصت جيهان فيه بِالقوة و هي تضرب فيه علىٰ إيده بِقوة إيدهَا قبل ما تشوفله كيف عكرش وجه و هو يتوعد فيهَا بِحركة من رأسه