وهي واقفه حتى تطلع انطق باب الغرفه
سراب بتافف : مين بعد ، ادخل
دخلت ساره وهي تناظر في نوره و سراب :سلام
نوره : اخيرا جيتي تاخرتي
سراب : يله اطلعي جات البودي قارد حقك
نوره : نامي انتي انكتمي مكانك
ساره : ماشاءالله حلوه
سراب وهي تعدل جلستها و تناظر في ساره: شكرا
نوره : مطولين
سراب : وش تبين انتي خل اتعرف على البنت
نوره : سبحان الله تبين تتعرفين عليها و انا لما جيت ما فكرتي تتعرف علي
سراب :وش ابي فيك شوفي كيف ذي احلى منك
نوره : بالله نامي خل اطلع
طلعت نوره وهي تسحب ساره
ضحكت سراب وهي راجعه تتسطح و تحط يدينها تحت راسه : انتي احلى يا غبيه بس ما ابيك تتورطي معي هنا
تاففت وهي تحاول تنام شوي
شوي الا اندق الباب مرا ثانيه
سراب :ياربي يستهبلون ولا وشو
دخلت الموظفه : كيفك حبيبي
سراب : يالليل وش جابك بعد
الموظفه : ليش تقولين كذا و بعدين جيت علشانك
سراب : خلصي وش تبين
قربت الموظفه من سراب وهي تجلس على طرف السرير : ابيك
سراب : اذلفي ابي انام
الموظفه : ليش تعامليني كذا شحلونا قبل كنا احلى اثنين هنا
سراب : قلتيها كنا
الموظفه وهي تقرب من شفايفه : و نقدر نرجع
اعطت سراب بوسه بس على طول دفتها سراب و طلعتها برا الغرفه وهي تهاوشها
صارت تمسح فمها وهي تلعنها و تلعن اللحظه الي اجبرتها تتعرف على الموظفه
رجعت لسريرها و نامت
عند نوره و ساره
ساره : ياربي وش ذي صاروخ يلعنك حظك فيها
نوره : ترا معتله لا يغرك شكلها بعدين وش الحلو فيها بالله
ساره : شكله من الخوف ما قاعده تشوفيها عدل بالله بكرا تامليها عدل
نوره :تخسي اتامل ذاك الوجه
ساره : احح وش فيك
نوره : تخيلي كبت علي ماي
ساره : نعم كيف
صارت نوره تسرد لساره الي صار
ساره : احح وش فيها ذي
نوره : مدري عنها بس بالله كيف شفتيها صح طبيعيه
ساره : ما اقدر احكم و انا بس شايفه شكلها
نوره : ياخي طبيعيه صدقيني و بثبت لك
ساره : وش بتسوين يعني
نوره : مدري
ساره : خليها تحبك
نوره : ساره بالله اسكتي احب لي معتله ليش ما عندي عقل
ساره : ما فهمت عليك مرا تقولي طبيعيه و مرا لا حددي
نوره : مدري
ساره : امشي امشي خل نروح للبيت ، بس تصدقي طريقة كلامها كانها طبيعيه بس لازم نتاكد و بعدين وش فيك.تتكلمي معها كذا هي مريضه مو صحبتك احسك تتكلمي معها كأن لكم سنين سوى
ابتسمت نوره لا شعوريا بعدين استوعبت نفسها : لا وين بس لان احسها طبيعيه لذلك تكلمت معها كذا
ساره : اها
في الليل الساعه ١٢ تحديدا في المستشفى
سراب : ياربي ما ابي ارجع لذي بس وش اسوي مضطره
صارت تمشي في اسياب المستشفى و هي خايفه احد يكشفها الين وصلت لغرفة ادوات النظافه ورا المبنى
سراب : توقعت رح اشوفك هنا
الموظفه : اوه جيتي
قامت و حظنتها و بادلتها سراب وهي كارهه الي تسويه
الموظفه : تراني زعلانه منك
سراب : اسف بس كنت منزعجه
صارت البنت تسحب سراب لكرسي كان موجود و جلستها : ليش مزعوج حبيبي
سراب : موضوع مو مهم
وقفت البنت وجلست بحضنها و صارت تمسك وجها و تبوسه
بعدتها سراب وهي تحس بغثيان من البنت
الموظفه : وش فيك
سراب : تولين تعبانه شوي و جيت ابي منك خدمه و بروح قبل تبدا المناوبه الليليه
تولين : ياربي يعني ما اقدر اضل معك و بعدين ما بخدمك و انا زعلانه
سراب : ياربي طيب وش تبين
تولين : ابي نرجع زي قبل
سراب : صعبه ناسيه وش سويتي انتي
تولين : اعتبريها غلطه
سراب بحده : الي سويتيه اكبر من انه شي ينغفر
تولين : طيب ع الاقل حبني مو شرط نرجع زي قبل اهم شي اضل قريبه منك
سراب : تولين انا جيت حتى اطلب منك خدمه بسيطه و اروح مو علشان اتكلم معك بذا الموضوع
تولين : طيب قولي
سراب : ابي جوال جوالك انتي
تولين : تمام بس هو طافي الحين بجيبه بكرا مشحون يس متى تبينه بالضبط
سراب : اشحنيه و بكرا قبل تجي دكتورتي رح اخذه منك و ارجعه
تولين : دكتورتك ؟
سراب : اي جايبين لي دكتوره قلك تعالجني
تولين : اها
سراب : يله قومي خل اروح
تولين : مارح تراضيني
سراب وهي تتافف : وش تبين
تولين : بوسه
سراب : طيب
اعطتها بوسه على خدها و بعدتها و قامت و طلع قبل تتكلم تولين
تولين وهي تكلم نفسها : دكتورته الجديده شكلها اكثر من انها دكتوره لازم اشوفها من متى وهي تهتم اذا تدخل قبل او بعد الدكاتره الي يجونها
رجعت سراب لغرفتها وهي تفكر في نوره و كيف تفتك منها و تطلعها من المستشفى بدون ما تنظر صارت تفكر الين غلبها النوم و نامت
اما عند نوره الي كانت تذاكر طول ليلها و لما فتحت فونها و شافت الساعه انصدمت انه ما باقي كثير على الصبح
قامت وهي تاركه كل اغراضها وراها و رمت نفسها على السرير و نامت صحت على صراخ ساره عندها
نوره : وش فيه وش تبين
ساره : حبيبة القلب تنتضرك بالمستشفى
قامت نوره بسرعه وهي تناظر ساره : مين من ذي
ضحكت ساره وهي تقول : من ذي اجل
نوره : ساره وش فيه
ساره : قومي قومي سراب تنتضرك تعالجينها يالمهوسه
نوره : ساره وش فيه ليش تتكلمين كذا كانك شايفه على شي
ساره : لا ابد بس امس تبتسمي لما تكلمت عنكم و اليوم تهلوسين باسمه و انتي نايمه وش اكثر من كذا تراك مكشوفه
نوره : ساره بالله انقلعي خل انام
ساره : اي نوم ياخي قومي قومي الداوم بنتاخر و الدكتوره لو تعرف بتنقصنا مو ناقصنا هي بعد يله قومي
نوره : طيب روحي انتي و بلحقك
ساره : تلحقيني وين قومي انا الي اوديك اساسا
نوره : ياربي طيب قايمه جهزي الفطور
ساره : جاهز قومي
نوره : يله
قامت نوره و تجهزت و طلعو ركبت نوره السياره و نامت الين وصلو للمستشفى
ساره : نوره مو طبيعي وش فيك نايمه
نوره : نمت متاخر
ساره : ياربي قومي قومي يله
مسحت وجها نوره و قامت طلعت من السياره و سجلت حضورها و طلعت لغرفة سراب
في مكان ثاني
صحت سراب وهي تفكر وش تلبس
سراب وهي تكلم نفسها: وش فيني هبله كذا اهتم وش البس علشان دكتوره غبيه
رجعت لفراشها و تغطت بس كلها ثواني و قامت و توجهت للحمام تروشت و عدلت شكلها و تعطرت و رتبت غرفتها ذي المرا ما انتضرت الموظفين بالمسشفى يعدلون سريرها بعدها طلعت اخذت لها فطور و جلست تفطر
كان الجو بارد و حلو ضلت برا تتامل السماء و تحاول ما تعكر مزاجها بسبب تصرفات باقي المرضى وهي باتم روقانها تذكرت تولين ف اخذت نفسها و راحت لنفس المكان بدون ما يشوفها احد دخلت و حصلتها جالسها تتعطر
سراب : جبتيه
تولين : موجود.حبيبي
سراب : هاتيه طيب و اطلعي
تولين : طيب ما في بوسه او كلمه حلوه على ذا الصبح
سراب : خلصيني الحين ترا مروقه و مالي خلق يتعكر مزاجي بسببك
تولين : يا روحي يالمروق تمام خذي
طلعت الفون من صدرها
سراب بداخله : ياربي على القرف ضروري تحطه هناك يعني قلك بتغريني
اخذته و مسحته بطرف تيشيرتها : يله اطلعي شوي
تولين :تمام
طلعت وهي على طول دقت على الرقم الي صار له فتره ما اتصلت عليه
: هلا من معي
سراب تقلده : هلا من معي
: يالكلبه وينك وين مختفيه
سراب : اي الحمدلله ما نسيتني
: وينك وين اراضيك ٤ سنين وين مختفيه
سراب : قصه طويله
: قولي اسمعك
سراب : مو وقته الحين ، اسمع فيه طالبه جامعيه اسمها نوره عبد العزيز تخصص طب نفسي و عقلي من جامعة *** و هي الحين تطبق في مستشفى **** للامراض العقليه و النفسيه ابيك تجيب كل معلومه عنها ابي اعرف كل كبيره و صغيره عنها
: احح من ذي و ايش عرفك فيها
سراب : ذي دكتورتي
: ايش
سراب : اسمع قصه طويله قلت لك رح اقول لك تفاصيلها بالليل اذا قدرت ، خلك قريب من فونك تمام
: تمام تمام
سراب : ربي ما يحرمني منك انتبه لك
: ولا منك و انتي بعد انتبهي لك
سراب : باي
سكر وهي تتذكر ماضيها و كل تفاصيلها مع محمد
حذفت الرقم و صارت تفرفر بمواقع التواصل بعدها سكرت الفون و فتحت الباب و حصلت في وجها ....
