"ဒါ.. ဒါပေမယ့်လည်း... "
"သွားကြမယ်"
"ခဏ... "
ဆော့ဂျင်.. တားချိန်တောင်မရလိုက်။ စိတ်မြန်လက်မြန်ရှိလှတဲ့ထိုလူသားကရုံးခန်းတံခါးကိုဖွင့်ကာ..မည်သူတစ်ဦးတစ်ယောက်ကိုမျှအမှုထားဟန်မပေါ်ဘဲ သူ့လက်ကိုဆွဲ၍ ရုံးခန်းထဲမှပေါ်ပေါ်ထင်ထင်လှမ်းထွက်လိုက်သည်။ သူ့မှာသာ.. စပ်စပ်စုစုဝိုင်းကြည့်နေကြမယ့်တခြားဝန်ထမ်းတွေရဲ့ဘက်ကိုမကြည့်မိအောင်မျက်နှာကိုတစ်ဖက်သို့စောင်းငမ်းငမ်းလေးလှည့်ရင်းထိုလူဆွဲခေါ်ရာသို့ယောင်ပေပေဖြင့်ပါသွား၏။ လူတွေရဲ့အတင်းအဖျင်းစကားတွေကိုမကြားချင်လို့ဆင်ဆင်ခြင်ခြင်နေပါတယ်ဆိုမှ.. ဒီလူဟာလေ.. အရိပ်သုံးပါးလည်းနားမလည်ပါလား။
"ဘယ်သွားချင်လဲ။ တခြားစုံတွဲတွေလို ရုပ်ရှင်ပဲအတူတူကြည့်.. "
"အာ.. မေ့နေတာ။ တကယ်တော့.. ကျွန်တော်မအားဘူး။ လုပ်စရာလေးတွေရှိတယ်"
လက်ခုပ်တီးကာအခုမှတစ်ခုခုကိုသတိရသွားဟန်ဖြင့်သူပြောလိုက်တော့ကားတံခါးကိုဖွင့်မယ့်ဂျောင်ကုရဲ့လက်တွေရပ်တန့်သွားကာ သူ့မျက်နှာကိုမျက်မှောင်ကြုံ့၍ကြည့်လာသည်။ အကြည့်ကမယုံသင်္ကာအကြည့်။ ဒါပေမယ့်မတတ်နိုင်.. မသပ်မရပ်နဲ့ရွှီးမိမှတော့.. ရသလောက်ဖုံးဖိကာမှင်သေသေနဲ့ဆက်ကျဲရတော့မှာပေါ့။ ဒီလူနဲ့နှစ်ယောက်တည်းအတူတူဆက်ရှိနေလို့မဖြစ်.. အထဲကနေတဒိန်းဒိန်းနဲ့ထကြွသောင်းကျန်းနေတဲ့အကောင်ပေါက်ကိုရော.. တနေကုန်ပင်ပန်းထားတဲ့သူ့ရဲ့လိပ်ပြာလေးကိုရော.. အနားပေးသင့်ပြီမဟုတ်လား...
"ဒီ.. ဒီလို.. ဟို.. ဂျယ်ဂျူဒို.. ဟုတ်တယ်.. ဂျယ်ဂျူဒိုသွားဖို့အခုထိဘာမှမပြင်ရသေးလို့.. အဲ့ဒါ.. ဈေး.. ဈေးသွားဝယ်ရဦးမှာမို့လို့"
"အဲ့ဒါဆို.. အတော်ပဲ။ ကိုယ်လည်းဘာမှမပြင်ရသေးဘူးဆိုတော့အတူတူသွားဝယ်ကြတာပေါ့"
"ဟမ်!"
လွတ်လောက်ပြီအထင်နဲ့အထစ်ထစ်အငေါ့ငေါ့လီဆယ်ပြီးပြောလိုက်ပေမယ့်.. လိမ်မိကာမှပိုဆိုးသလိုဖြစ်သွားရတာကြောင့်သူ့ခမျာ. ထပ်ပြောစရာစကားတွေတောင်ပျောက်ရှကုန်၏။
YOU ARE READING
Tie the Knot (✔️)
Fanfiction(Unicode) အချစ်သည် ကမ္ဘာကြီးကိုလှပအောင်ဆန်းကြယ်စွာခြယ်မှုန်းနိုင်စွမ်း၏။ အချစ်သည် ငြိမ်းချမ်းခြင်းရဲ့သင်္ကေတ Jeon Jung Kook 💜 Kim Seok Jin (Zawgyi) အခ်စ္သည္ ကမ္ဘာႀကီးကိုလွပေအာင္ဆန္းၾကယ္စြာျခယ္မႈန္းႏိုင္စြမ္း၏။ အခ်စ္သည္ ၿငိမ္းခ်မ္းျခင္း...
