💙أنامل من فيروز 💎 for Stories 💎 للكاتبه نور علي البصري

مشهد من شناشيل

انتظروووو

لمحبي وقراء روايه خلف الشناشيل حكايه ومنتظرين التعديل وعن قريب تبدي تنزلها وهذا غش مستقبلي

ركزت بالصوت لا ممعقولة شجابه هنا طلع وشويه همسات زلم بالممر وراها دخل وياه هيئة نفس طوله و جثالته جانت ظلمة احاول بضوة الفانوس الناصي
اركز

بخوف : شتردون مني اني بحمايه الخال ابو جعفر
سن يطك بسن و الوراه نزل نقابه عن وجهه باوعت لغازي تطمن گلبي لمن وخر لثامه و حجى بقلق و عتاب

- ولك يا گلبك الجلد خافت مو وقت مقالبك يا يــاس  لا تبقى بمكانك جامد يلة بساع مدام ليل والليل ستار يلة خويه رملة

- بس يــاس الي دومه يأخذ الأمور بمرح ولا كأنما الحكومة تدوره وخر اللثام و حضني وهو يشمني حيل يبوس خدودي و يرفعني من خصري ويبوس كصتي صوته الي يختلج و حشرجة بلعومه الي تبين مر ايام مريض و قلق

- الحمد الله انتي بخير يلة لازم نروح نغير مكانج راد غــازي يجيبج الي بس مكدرت اعرفج عنيدة متجين وياه وحدج

تلفت غــازي :  يلة لازم نروح لا يطر الفجر ويرجعون الامن اعتقد راح يفتشون البيوت وميهتمون لحرمة بيت

- باوعت لغـازي وين تاخذنا اني خايفه رجعت لياس بين العتب بين الخوف والقلق شيصير لو يهتم بس بعائلته
و يترك نزاهته الزايده المتقبل الغلط ولا يسكت عنه شيصير لو ينفذ وعوده برسائله و يعيشني ملكة مدللــــه
بس الي صار و انة بقمة افكاري جرني لحضنه

- اووووف ليالي المرت عليه بدونج ولج اتخيلهم ساحليج للأمن و اتخيلهم يعتدون عليج لو اتخيل حالج من نسوان الثوار الي اغتصبوهن و علكوهن من الاثداء وعرضوهن للعامه يخوفون الشعب

- دمعت عيوني : الله ساترني برحمته و دعائي ودعاء اخوي.. يــاس يعني انت من ضمن الثوار بس سكتت بصدمه مو سابقاً كال المنشورات هاي امانه ومجنت اعرف الي بيها شنو سكت وهو يتلفت

- غــازي روح أمن الطريق و دزلي اشارة مثل متفقنا صوت بومه يعني الطريق امين صوت ذيب يعني الطريق خطر

ضرب جتف اخوه : ان شاء الله توصلون بالسلامة 

- طلع ورى دقائق يم الشباك نقرة و صوت بومة غــازي  الي يعرف يقلد اصوات بشر المختلفه اكتشفت بي يعرف يقلد صوت الحيوانات بدقه

اخذت جنطتي البيها كل لوازمي و شلت ابني اخذه هو عني و مد ايده جرني وهو بساع نطلع بالممر ودعونا خوال اخوي

- همست ليـاس خليني اودع النسوان بس رد بساع

- ماعدنا وقت يلة

- بس.. جرني وراه و طلعنا بين الزرع العالي ما ميزته حنطة لو زرع يشبه سنابل الحنطة و عالية كلش ربوة  يمها دجة من خشب بديل درج نزلنا شوي لبلم جان غــازي يأشر