💙أنامل من فيروز 💎 for Stories 💎 للكاتبه نور علي البصري

غش مستقبلي

مشهد مستقبلي نور علي البصري
تقريبآ فد ست او عشر بارت ونوصلة الاكثر اقل من هذا العدد

روس اقلام... دون ذكر اسماء او تركيز بالوصف

بعد ما تم تبليغنا بشهادته.. و بيوم وصوله للبصرة. منتضرين الشهيد يهل علينا لوداعه الاخير.

على اتصال وي جارنا سعد الي لبى الجهاد لسوريا لحماية المرقد الزينبي. وي اخوية وصديقه

اتصل و بلغنا وصلنا التقاطع يم جامع شارعكم

طلعنا بلهفة نتلكاه

و بينت سيارة عليها نعش💔 مزين بالعلم العراقي..

ركض ابوية محني ضهره و هو يبجي و يصيح

ـ ابني ابني

مكدرت انتظر ركضت اتلكاه اي اني الرحتلة و احس بدمعي يحرك گلبي گبل عيوني

ـ لك خوية... الموتة مو الك خوية.

ظليت واكف بنص الشارع و السيارة قريبة كلش شكيت قميصي العلي ،جزعت و اعتذر من الله فالجزع حرام بس،اخوية حيلي و سندي و عضيدي راح مكدرت استوعب ولا كنت بوعيي

وكفت الطم لطم على الصدر و بهسترية اكمز

ـ خوياااااااا يا بعد روحي خوية 💔🥺

وخروني من الطريق ابوية يمشي على كيف يريد يوصل بس الانكسار اخذ منه كل الحيل..

ركض صادق بصينية العريس ياس و حنة وشموع و بخور وحلاة. يستاهل اخوية العريس زفته للنجف تصير

نزلو التابوت بباب البيت تحية احترام من الي جابوا النعش

صرخة من البيت و من رادن يطلعن منعناهن

ـ اندخله الچن بس ماكو علوية تطلع هسة خلو ربعة تودعة اول

المنطقة يومها انكلبت شكد ناس تحبه و شكد ناس واصدقاء عنده .. ماكو واحد ميحب اخوية هو اجتماعي و عنده هواي اصدقاء.

شهيد لبى نداء الجهاد في سوريا و كأني بزينب تنادي واحسيناه
فهبت ليوث العراق لبيك يا زينب

دائرة نحيط بيه و نلطم الصدر و صادق ينشد
وداعة الله يالرحت عني بعيد
وداعة الله و الله هنيالك شهيد
وداعة الله ما ابطل عليك نوحي
وداعة الله يا ملح حير جروحي
وداعة الله وين رايح يالحبيب
وداعة الله انه من بعدك غريب

صاح السيد..

ـدخلو اخوكم تودعة النسوان ما نأخر الجنازة صارلة بثلاجات سوريا ثلاث ـ ايام..

رديت اتوسل بالسيد

ـمولاي ولا يتحرك الموكب الا يوصل اخوي يودعه..
ـ اهدأ منكدر نبقيه اكثر.

ـ بس هو بالطريق واصل

ـ بالنجف نلتقي بيه و يودع اخوه يلة دخلوه تودعة النسوان كال هذا مولانا السيد وهو يحاول يتماسك..

ـ يابة السيد شتحجي ميطلع الا الغايب يجي يودع اخوه واصل هو

دخلناه و النسوان بين صريخ و الي تضرب التابوت تريد تفكه (نتفصل هنا من ينزل بارت المشهد )

من شفناهن هدن يردن يفتحن التابوت اشرت للولد

ـ يلة نطلعة برة خل الاصدقاء تودعة كبل انزفة للنجف ولله لسويها سواية اخلي زفتك من البصرة للنجف يالغالي💔🥺

اجة سعد... و كامل الشباب الي بلواء الشارك لحماية مرقد السيده زينب عليها السلام..

ـ نروح وياكم للنجف الولد كلها تجي

ولد هم من منطقة كالو
ـ اجرنا ثلاث كوسترات ولد المنطقة وكل الاصدقاء باقي مناطق يجون دفانة وياكم

مسحت دموعي لعد شكد يحبوك مكسورين
المحني ينحب الي ملخ روحة هي هاي اصدقاء الخوة مو بس رفجة.

حظني صهيب و يبجي

ـ يول ياب راح و تركنا

شفت من راس الشارع ركضة اخوي

صحت
ـ وصل الغايب

فزعنا نتلكاه وهو يركض و يصرخ

ـ خويااااا اني اجيت خوياااااا. 💔
شمر جنطتة بنص الشارع و هو يدك على راسة من شاف النعش ع الاكتاف محمول

و يصيح :
خوية انة رديت اشوفك
و كل ضني بالاحضان الاكيك
يا صدمتي بالعلم لافيك

(التفاصيل بالبارت التغسيل وغيرها من امور
)

.
.
.

يحمل على الاكتاف و صواني الزفة ترافقها و الي بمسيرة تشيع يلطم الصدر و
يتصدر اول التابوت صادق..

ويرددون
زفوني بتابوت اليوم
يم حيدر يمة
ما دام بدمي تحنيت ما اخاف الظلمة
ضحيت بعمري ضحيت الديني علمني الغيرة العباس علمني حسيني.

حسيت الم بصدري كعدت بالكاع اذب التراب على راسي

ـ ولك خوية حاجيني

صوت ابوية السيد

ـ كللهم خل يخلون النعش ع السيارة وينطلق الموكب يلة تشيع للسيارة

ـ يابة اذا ما نفرة كل شوارع الاصحاب المنطقة ما نخليه على السيارة

ـ تعذبوه خل نوصل للنجف... الجنازة هواي تاخرت

بس جنا منهارين مصدومين اخذناه وين جنا نجمع نفره شارع شارع و جمهرة ورانة
وي صفكة ومرة لطمة

خوية شوف حتى نسوان منطقتنا التطلع تذب جكليت ع نعش الشهيد الي تنعي عريس للنجف زفته...

اخر شي توجهنا لموكب السيارات و نردد

لا اله الا الله
محمد رسول الله
موسى كليم الله
عيسى روح الله...

خليناه ع السيارة وربطنا النعش و سار موكب الزفة الحزين الى النجف..

.
.
بالنجف...(التفاصيل بالبارت )
نتوجه للامام

من زينب الحوراء جبنا الغاليى
تلكانة يالكرار اه يالوالي...
هاك اخذمني قراري
راح اشد الحيل حيل
وافزع لزينب واكلها اني وداني الكفيل
طيني دمعج يالعقيلة خلي من عيني يسيل
يمج استشهد يا حرة ما اعوفج مستحيل
من العراق جايج. لا ما اقبل مرتين تنسبين.💔🥺.