نبدء بفقرة همسه مع كاتبه تقديم البرنامج نور علي البصري
Oops! This image does not follow our content guidelines. To continue publishing, please remove it or upload a different image.
برنامج همسات من حياة كاتبة تقديم واخراج نور البصري
معنا كاتبة تسطرت بين طيات رواياتها احاسيس الخواطر كاتبة قصص قصيرة و كاتبة خواطر مليئة بالاحاسيس. نترككم معها.. بحلقتنا الثالثة
الهمسة الثالثة... للكاتبة.....تعرفوا عليها من خلال همستها لنا... نبدأ... أباوع لوجهي بالمرايا ونفخت بضوجة -ليش وجهي هيج يطلع حبوب من حملت بأية كالو بسبب الحمل.. انا خلصت مراهقتي وجهي صافي .. زين هسه مو جبت وصارلي سبع شهور..
التفت اله ابتسم اليه -باجر اخذج لطبيبه نسائيه مو طبيب الجلديه كلج خاف مشكله نسائية.. خابري اليوم وحجزي باجر.. هزيت راسي بقبول ورجعت أفصل القماش الترتر الذهبي طلبيه وحده من البنات رادت كوشايات ثنين قلوب وثنين امهات الرموش.. أحب الاعمال اليدوية ظليت اسوي اعمال وابيع على النت حسب الطلب.. من جبت ايه لليوم والحمد لله افرح من اشوف الانعجاب بشغلي..
ثاني يوم وديت اطفالي يم أهلي ورحت للطبيبة دفعت الكشفيه وتوسلت بالسكرتيرة تقدمني وانتظرت شوي ودخلت.. كعدت وسولفت حالتي اريد اجيك وضعي وتحليلات حتى اعرف السبب.. صعدتني على السديه وهيه كله بالسونار تفحص.. نزلت وكلتلي سوي هذا التحليل حتى نتاكد اكثر مافهمت وقتها نتاكد اكثر من شنو.. كل الي بالي نسبه الدم ..
طلعت لزوجي والتحليل كبال العياده كعدت وغمضت عيني والممرضه حطت السير حتى تسحب الدم وزوجي يحاول يخفف من توتري يدري اخاف واضوج من سحب الدم يضحك بصوت ناصي -ها تذكرين من سويتي تحليل باية ابتسمت اي نص ساعه وصاحو اسمي اخذت الورقه واقرة ايحابي ظلت ايدي ترعش هذا تحليل حمل شنو ايجابي انا بتي صغيرة وعدي رقيه عمرها ٦سنين وحوراء ٤سنين وكلت بعد مااريد واخذ شهر مانع وشهر خارجي هوه تقرب مني يحاجيني مااسمع سحب مني الورقه وجهه انصدم اخذت الورقه وبعد ما رجعت للطبيبه امشي وهوه يمشي وراي وابجي واكول شلون صار احنه حذرين لا اكيد كذب لازم اعيد التحليل سحبني من ايدي واشر لتكسي ورجعت لبيت أهلي نزلت من السيارة التفتت عليه مسحت اعيوني -لانحجي شي يجوز كذب.. يباوعلي بقهر دخلنه وانا اتهرب من نظرات امي واخذنه البنات ورجعنه انهاريت بالبيت اصيح كله منك واندعي كون كذب رجعت ورا يومين عدت التحليل وهم ايجابي..
