Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
"اتمنى تقرون كل هذا حجي وبعدين تحكمون عن الموضوع" بعد ما كملت البارت باوعت احداث اليوم الي صارت بالقصة جانت بتصرف غلط مو هيج جان لازم غير تصرف بس ضيعو كلشي بايدهم وكلهم جانو سبب وكعتة للسيد حتى فاضل حتكلولي شلون هاي فد يوم اني كاعدة وكبالي امي وخالتي خالتي جانت زعلانة من رجلها بسبب شيصير تودي لامها عكس امي الي مافد يوم حجت عن ابوية بشين ولا بمشكله صارت عدها ودخلتهم بيها فامي لامت خالتي كلتلها مو كلشي يصير تودي بحلك اهلنة لان همه ميتحملون يشوفون بتهم هيج لاضربلج مثال لو اليوم اجتي بتج واذتني عيطت عليه محترمتني هيج شي واني اجيت ضربتهة راشدي نزلت الدم من حلكها انتي شراح يصير بيج... هسة اني حجيتلج وانتي كلبج انقبض مو عاد شي صاير...! هنا الموضوع مو كلشي يصير نحجي كدام اهلنة لان ميتحملون وغلط فاضل جان هو انو حجة الموضوع لابو الغلطة الثانية والاكبر اجة هاشم لاخوتة كللهم فلان شي وفلان شي يابة ترا هذا اب ما يتحمل طبعا يدافع ان بنتة وهو اي اب اذا شاف بتة تميل لشخص ما يرضة لان اب غيور اجي اكله بتك تحجي وية كريم يصير؟! الغلطة الثالثة اجة هاشم وكدام الكل تعالن يبنات اريد تلفوناتجن..! غلط اكيد الواحد بس يسمع وي وي يلحك ؏ـ روحة ويمسح كلشي زين مو مراح نشوف اي دليل صحيح.. جان لازم يكون تصرفة من يصير الليل يصيح اي احد راكز فاهم مو متسرع يكله اريد كل تلفونات فلان بيت واريدها ترجع مثل ما هية من اجي افتشها والكل نايم ومماخذ احتياط راح يوكعون بالفخ ويلكفهم مو كدام الكل وتصير هوسة وهمه عشيرة ما شاء الله ودمهم حار "نصيحة لكل ام هنا راح تقرة كلامي اكيد جهالج لازم عدهم تلفونات اول شي صادقيهم ثاني شي انطيهم كل الامان ثالث شي لا تستخدمين طريقة هاشم كون هو ونايم اخذي التلفون فتشي بي تاكدي منه ورجعي وهو لا حس ولا درة خلي بثقة بيج مو يخاف منج لان راح يضم عليج" الغلطة الرابعة من صارت هاي الهوسة الي نتجت عن الغلطة الثالثة الواحد يرتبك ميستوعب كل واحد يحجيلة ربع كلمه وبعيطة يجي يخابر كريم ويفتش التلفون كدام الكل...!! واني كلتها بالواتباد لو فاضل موجود جان ركز ؏ـ ھِ سالفة لو هو مخابر كريم ومفتش التلفون جان عرف وركز منو ورة الموضوع لان عدة شغلات تحير صارت هي خوفة مكة.. +حجاية كريم كل بناتكم يحبوني ورود وحوراء وانتصار وتجنب ذكر اسم مكة...+اسم مكة بالتلفون مرتين لو حوراء الي مسوية ھِ موضوع جان كتبت ورود او اي احد قريب منها ليش كاتبة اسم مكة وهي تكرهاا راسا راح يلكفها فاضل بس شكل هاشم جان مخبوص ومانتبه لهاي وما شك بيها الغلطة الخامسة جان لازم يكعد انتصار ويضل يستجوبها بحكم هو دكتور واكيد فاهم ولسانة لبق ويجر لسان انتصار كبل لا يفتح هذا الموضوع وتصير هوسة ويسئلها بالبداية اسئلة طبيعية شاكلتي البارحة شلبستي باخر طلعة ويرجع شوية شوية بالماضي ويتجنب ذكر الحالات الي تغضبها ويسئلها من جنتي ببيتج منو يجيج زين مكة هم قريبة عليج تحبج لو ورود وهيج حال يكدر يتاكد بعد اكثر من كلام انتصار حتى وان كانت هي ما مريضة وبالاخير الغلطة الي صارت هي غلطة الجد عثمان الله يرحمة يوم ما فكر وحب يجيبلة ولد يشيل اسمةة 🤦🏻♀️💔 عساا نايم ھِ ليلة وماجاية ولد وخلة العالم تحجي علي... المهم راح الرجال والله يرحمة 💔 طبعا اني ذكرت بس اخطاء تصرفات هذا الموضوع ما حاجة اوصل لباقر وزواجة بتة... +مذكرت اي شي عن مكة ولا ذميتها ولا حمدتها اني اريد اتجنب ذكر ھِ مرة ما اريد اجيبة تماااام... واني لا اعرفها ولا تعرفنيي بس ماريد احجيي مدري ليييش لو هسة تجيبولي ذكر اسراء اكعد احجي عليها منا للصبح بس ما اريد اذكر مكة +احس ھِ فترة بالقصة جان كلهم لازم ما يتصرفون هيج لان ماكو واحد تصرف تصرف ريحلي كلبي بيي لا مومل لا شجاع لا باقر ولااا واحددد اجيكم بالنهاية واكللكم تصرف سجاد جان اكبر غلطة ودائما اشوف سجاد رغم هذا كبرة بس اكو طيش بي لان مؤمل السيد كسر ايدة وحرمة من مرتة وهواي اذاه كلش وراد يخسر ايدة وتنتهي حياتة لحتى يبرد نار اخو الي ما بردت وسجاد بس هيج حجة وابو ما قبل ؏ـ حجايتة الي عيب بحق كل واحد يحجيها وضربة لان ما تحمل كله اتبرا منك جان تصرفة كلشش غلط هذاا ابوك لا والمشهد من ذكرتة الكاتبة شلون ربا وهو وحدة وماكو مرة يمة وكبره وهيج راسا يتبرة منه.... يسجاااد تعال شوف خالي وجدي لحد الان يخاف علي وهو نفسة الي وكع اهلة بمشاكل يابو مشاكل لدرجة عاشو ايام الناس تتصدق عليهم ببيت بتلفات الدنيا وانته بس هيج سوة ابوك تبريت راسا مع الاسف وارجع واكول اقرو كل كلامي واحكمو وهم اكول ما احجي بمكةة... اذا يعجبكم احجو بس بدون دوس بالكلام كلش وتذموها بشكل غير لائق ويصير مشاكل وبالنهاية ربي يوفقكم جميعا ويبعد عنكم الشر ويحفظكم ويحفظ السيد وعائلتة ويطول بعمرهم ويبعد عنهم كل مكروه وسوء يارب وتحياتي لكم جميعاا ❤️
