قلبي بيدهِ

بارت 13

حسام : كاعد ويه الاهل وباوعت للساعه كمت وترخصت اريد اروح للدوام رحت للدوام وكملت كم شغله ورفعت كم قضيه اني مخلصهن ولهناككك دك مبايلي رفعته هذا احمد شيريد

احمد : سيدي صار حادث بمنطقه.... وشباب ٢ تعرضوا لاذه وداخلين عمليات حاليا واعتقد حالتهم كلش حرجه واحتماليه موتهم ٧٥%

-اني سمعت هيج خفت لان شكيت بلؤي راح هم هناك دائماً ونستهن هناك بس ماعتقد يعني مالحكوا يشوفون بعض ويكملون سوالف معقولة لعب بعقلي الشيطان و سديت الخط وعفت كلشي بيدي وطلعت

- ركبت سيارتي وطلعت طاير بالطريق دكيت على احمد

احمد :نعم سيدي

حسام : اطلع حقق بموقع الحادث اريد اعرف شنو سببه وليش وشوكت وكلشي فاهم بادق التفاصيل

احمد : حاضر سيدي دقايق وتكله كل شي حاضر

-امشي بالسيارة بكل سرعتي بحيث اذني انطرشت من الصوت السيارات الي بصفي واني امر سريع منهن بالي كام يجيب افكار عامي شامي اشكال والوان معقولة لؤي ومصطفى معقولة واحد منهم شعدهم راحوا ياربي مو همه

بالي كله على مصطفى ولؤي قبل جانو يموتون على هيج تجمعات بس لا همه هل مرة وياهم اخخخ اخخخ احس الوقت وكف ومدا تمشي السيارة

-وصلت طبكت سيارتي ولكيت شرطه قبلي جايين وصايرة ملحمه

-س س سيدي الاثنين عمليتهن خطيرة

حسام : عفته وطبيت لكيت مصطفى كاعد بالكاع وحاط اديه على وجهه وسعد اخو حمد صاير احمر نار عصبي ونظراته ماتبشر بخير ابد اني هنا تاكدت السالفه يمهم وتفكيري مو غلط صح شافني سعد وجان يجيني ركض

حساممممممممم اذا اخوي صار بيه شي لا تحسب ابن عمك عايش فااااهم لو لا

حسام : عفته وغلست مالي خلك تفاهات رحت طبيت على رئيس الدكاترة الي مسؤل عن العمليات وشرحلي حالتهم وشلون مهددين بالموت وحاطيلهم اقوة الدكاترة الموجودين بامل ينقذوهم ضليت كاعد لحد ماطلعوا الدكاترة كلش طولوا بالساعات
بس كالولي ..

احد الدكاترة  : لؤي ممكن يصحى حتى لو يتاخر بس حمد راح يدخل بغيبوبه ومحد يعرف شكد بس اهم شي سوينا الي علينا ونسبت الموت عدهم قلت وجازفنا بكل ما نملك واذا باقيتلهم خبزه بهل دنيا يضلون عايشين باذن الله ضليت افرك بوجهي حاير شسوي اخخ  مين طلعت هل شغله صفح ياربي شهل وضع ناقصني اني ضيم

طلعت ورحت على احمد وصلت لكيتها هوسة صايرة والناس هواي وكلها ملتمه طبكت سيارتي وتقربت يمه

احمد : سيدي وحده من السيارات صاير بيها تسريب و تفجرت مانكدر نشوف شبيها والثانيه فحصناها بيها خلل بالبريك يشكل وهي سريعه مال سباق منا واذا لوفه او شي مايسيطر صاحبها عليها يعني ملعوب بيها اكيد او اصحابها مايودوهن صيانه