မန်နေဂျာဘတ်ရဲ့မျက်နှာပျက်ယွင်းသွားလိုက်တာမြင်လို့တောင်မကောင်း။ ဂျောင်ကုနဲ့ဘယ်လိုအညှိုးအတေးတွေများရှိခဲ့လို့လူကြားထဲမှာဒီလောက်ထိတောင်အမဲခံနေရပါလိမ့်လို့ ဆော့ဂျင်တွေးနေမိသည်။
"တခြား.. တင်ပြစရာရှိသေးလား"
"ဟို.. ကျွန်တော်တစ်ခုလောက်ပြောလို့ရမလား"
တစ်ခန်းလုံးရှိလူများ၏အကြည့်တို့က ထိုအသံသေးသေးလေးဆီရောက်သွားကြသည်။ အသံပိုင်ရှင်ဖြစ်သည့်ဆော့ဂျင်က မူလတန်းကလေးလေး အတန်းထဲမှဆရာမကိုခွင့်တောင်းသလိုမျိုး ညာလက်လေးတစ်ဖက်ကိုထောင်ထားလျှက်မျက်လုံးလေးကလည်ကလည်ဖြင့်ခွင့်ပြုချက်ကိုစောင့်ဆိုင်းနေ၏။
"ပြောမယ်? ပြောလေ.. ဘာပြောချင်လဲ။ ဒီမှာလာပြောမလား.. နေရာဖယ်ပေးရမလား"
"ရ.. ရပါတယ်။ ဒီမှာပဲပြောမယ်"
ဒါရိုက်တာဂျွန်ရဲ့လေသံကခုနကနှင့်မတူဘဲပြောင်းသွားလိုက်တာ လူချင်းများချိန်းလိုက်သလားလို့တောင်အောက်မေ့ရပါသည်။ အစည်းအဝေးခန်းထဲရှိလူတွေကလည်း ထိုကောင်လေးနှင့်သူတို့ရဲ့ဒါရိုက်တာကြီးဘယ်လိုပတ်သက်လဲမသိကြပေမယ့် ထိုကောင်လေးကသူတို့ဒါရိုက်တာရဲ့ပျော့ကွက်ဆိုတာကိုတော့ရိပ်စားမိကြပါ၏။
"ဒါနဲ့.. သူက.. ဘယ်သူ... "
"ကျွန်တော်အသစ်ခန့်လိုက်တဲ့ curator"
အခုမှပဲသူ့ကိုယ်သူဘာမှန်းသိတော့သည်။သူက curator ကိုး။
"မင်္ဂလာပါခင်ဗျ။ ကျွန်တော့်နာမည်ကင်.. ဆော့.. ဂျင်.. ပါခင်ဗျ"
"ကင်ဆော့ဂျင်? ဒါဆို.. ဟိုတလောက... "
မန်နေဂျာဘတ်ကတစ်ခုခုကိုတီးတိုးပြောလိုဟန်ဖြင့်ဌာနမှူးဟန်ဘက်ကိုလှည့်လိုက်တော့ဌာနမှူးဟန်ကသူ့ကိုတောင်သတိပြုမိဟန်မပေါ်ဘဲ ကင်ဆော့ဂျင်ကို ပါးစပ်ကြီးဟပြီးငေးနေလေ၏။
"ဌာနမှူးဟန်.. သူက... "
"ဟုတ်တယ်.. ဟုတ်တယ်.. ကင်ဆော့ဂျင်။ ကျွန်တော့်သမီးကသူ့ကိုအရမ်းကြိုက်တာ။ အစည်းအဝေးပြီးရင်.. သူ့ဆီကလက်မှတ်သွားတောင်းရမယ်.. selca အတူတူရိုက်ရမယ်.. ဟီး.. ဟီး"
STAI LEGGENDO
Tie the Knot (✔️)
Fanfiction(Unicode) အချစ်သည် ကမ္ဘာကြီးကိုလှပအောင်ဆန်းကြယ်စွာခြယ်မှုန်းနိုင်စွမ်း၏။ အချစ်သည် ငြိမ်းချမ်းခြင်းရဲ့သင်္ကေတ Jeon Jung Kook 💜 Kim Seok Jin (Zawgyi) အခ်စ္သည္ ကမ္ဘာႀကီးကိုလွပေအာင္ဆန္းၾကယ္စြာျခယ္မႈန္းႏိုင္စြမ္း၏။ အခ်စ္သည္ ၿငိမ္းခ်မ္းျခင္း...
11 🪢
Comincia dall'inizio
