امرأه ولكن متمردة ( مكتمله)

السر

إمرأة و لكن متمردة
البارت الرابع والثلاثون

السر

الدنيا من حوالينا مليانة بالأسرار فيه منها لو إتعرف مش حيضر حد بشيء لكن ممكن أللي حواليك يحسدوك عليه ، حلمك في بكرة سر و طريقتك إنك تحققه لازم تكون سر لأن مش كل الناس نفوسها صافية حيحسدوك عليه حتى قبل ما يتحقق و ممكن يحاولوا يسرقوه ليهم .

و طيبتك خليها سر لإنها لو إتعرفت للي حواليك حيستغلوها و يركبوك و يتحكموا فيك . و حبك لحبيبك حافظ عليه كأكبر سر لإنه لو إتعرف حيحطوا في طريقكم أللي يفرقكم عن بعض و يحاولوا ديما يشوهوا حبكم ده ، مشاكلك و أحزانك خليها سر متسمحش لحد يبصلك بنظرة شفقة أو يحسسك إنك صعبان عليه لو كان في إيده حل مشاكلك كنت أقولك قول بس مش على كل حاجة على الجزء أللي ممكن يساعدك فيه ، خليك ديما قدام الكل زي ما كنت ديما القائد و الجبل أللي ما تهزه ريح .

حتسألوني معنى كدا أني بلاش أأمن لحد و أقوله على أللي أنا فيه و إني لازم أعاني و أعيش أحزاني لوحدي أقولك لأ بس لازم قبل ما تقول تفكر حتقول لمين ؟ مين أللي حاسس بيك من غير ما تتكلم و إن إتكلمت يحس بصوتك أو يشوف بعيونك أللي يفهم و يقدر ظروفك أللي مهما بعدت عنه يصونك و لما ترجع ليه تلاقي معاه الأمان مش لحظة عتاب ، أللي تكون متأكد إنك لما ترمي حمولك عليه حيشيل معاك و يطبطب عليك و أللي زي ده نادر إنك تلاقيه لو لقيته يا بختك بيه و لو ملقتهوش فكر كويس حتقول لمين .

امرأة ولكن متمرده .......... الراقي ..............السر

نونا يا نونا

نعم يا صفصف

تعالي في طلبية سحن جيالك

شحن إيه و منين

معرفش

أيوة شحن أيه ده

دي طلبية جاية لحضرتك من شركة أمازون

أنا مطلبتش حاجة

أنا معرفش يا فندم أنا مندوب و الطلبية جاية على العنوان ده و باسم حضرتك و مدفوعة و عليا اسلمها و بس

طيب طيب تمام

إتفضلي حضرتك امضيلي هنا . يومك سعيد يا فندم

شكرا

خدت نريمان الكرتونه و دخلت تفتحها و أول ما فتحتها شمت ريحة غريبة زي ما يكون غاز طلع من الكرتونه شمته هي و صفية و أغمى عليهم و لما فاقت لقت نفسها متكتفة هى و صفية على كرسي و قاعد واحد حاطط رجل على رجل و مولع سيجار و جنبه أكثر من شخص ماسكين أسلحة .

كيفك نونا إشتقتلك

أنت مين ؟

أنا صديق والدك من زمان

انت أبو عدنان

برافو عليكي واضح أن صابر مخباش عنك شيء

صفية .. يالهوي يالهوي إيه ده أحنا فين و دول مين و تعرفيهم منين و مين صابر ده أللي بيقول عليه .