امرأه ولكن متمردة ( مكتمله)

نبش الماضي

امرأه ولكن متمرده
البارت الثالث والثلاثون
نبش الماضي

كل حد فينا عنده ماضي وعنده أسرار صحيح بتموت وبتدفن جواك بس الي ليه اول ليه آخر مهما خبيت وداريت وكنت حريص انك تخبي ماضيك بيجي الوقت والمستور بيتكشف والحقيقه بتبان وبتعرف للجميع ووقتها يااما بيسامحوك او بيسكوها عليك ذله رخم انه سر قديم وميزعلش حد بس طباع الناس كده بتنسي علطول الحسنه وتفتكر أخطائك لأنهم بشر الا من رحم ربي واكيد لو السر عارفه اكتر من شخص بتعرف وبيطلع للنور ووقتها مش بيبقى سر ولو كانت حاجه تعيبك او مصيبه خد عندك بقى نظرات مش حلوه كلام كتير عتاب ولوم ولو حتى الموضوع ده خلص وانتهى من سنين كتير فتأكد ان الناس بتنسي كل حاجه حلوه ليك مع أول غلطه ليك..
اتعامل مع الناس بحذر وف نفس الوقت خليك واضح وصريح والي عجبه وضعك هيفضل معاك والي مش عجبه قله مع السلامه وفرصه من بطاله يامحترم....

امرأه ولكن متمرده...... الراقي.... نبش في الماضي

اه ياحسن دلوقتي فضيختك هتبقى بجلاجل صورتك نزلت في الجرايد والكل عرف انك عايش وحياتي وحياة اهلي هتبقى في خطر انا لازم اتصرف بسرعه واعمل الصح ولو فيها موتى حياتي مش مهمه بس حياه بنتي ومراتى وعيلتي اهم..

بابا
نعم يانونا
مالك فيك ايه حساك متغير
والله يابنتي مش عارف اقلك ايه
احكيلي انا سمعاك
انا مش هقدر اقلك حاجه
بابا اسمح لي اتكلم معاك بصراحه انت غبت عننا ٢٥ سنه ورجعت بالسلامه والحمد لله كفاياك أسرار وخبايا وفهمنا في ايه الأول كنت لوحدك لكن دلوقتي معاك عيلتك ولو مش خايف على نفسك خاف علينا خاف علي حفيدك الي لسه مشفش النور  بلاش أسرار يابابا بالله عليك
عندك حق يابنتي انا هحكيلك
ياريت
انا من ٢٥ سنه كنت شغال في تجاره السلاح مع ناس صعايده حبايبي وكانت العلاقه بينا حلوه وبنكسب حلو جدا اخر عمليه كنت بقضي شهر العسل انا وامك في جاكارتر وهناك كلمني عتمان صاحبي وقال إن الصفقه الجديده هتكون هناك مكدبتش خبر وقلت كده كده انا هناك وفلوس جايه من باب الله من الهوا وكده كده انا موجود في نفس البلد عتمان وصل وقعد معايه وجه وقت التسليم كان بينا خاين بلغ عصابه تانيه كانت حطه عنيها على الصفقه دي وحصل مشاكل كبير وحرب عصابات عتمان انضرب بالنار في مقتل ومات في الحال وانا زي ما عرفتي اختفيت بس جبت حقي وامك السفاره نزلتها مصر وأهل عتمان عرفوا اني موت انا وعتمان وجم لحد هنا واتاكدوا فلو انا ظهرت معناه اني انا قتلت عتمان واخدت الفلوس والبضاعه وكنت مقرر اروح ليهم واكلهم الي حصل قبل ما الخبر ينزل في الجرايد بس بعد ما الخبر نزل هنا الى هيجولي مش انا الي هروح ليهم وجبتهم هتبقى بخراب على الكل
يااه يابابا طيب هتعمل ايه
مش عارف
طيب اكيد هما يعني مبيقروش جرايد لان محدش مهتم بيها روح انت ليهم واعتبر ان مافيش حاجه حصلت  خالص
بس لسه باقي حاجه مقلتهاش
ايه تاتي
ابو عدنان
مين ده كمان
ده كان الممول بتاع العمليه كان دافع ١٠ مليون دولار ثمن الصفقه كلها ولما حصل الي حصل ضاعت فلوسه وحاليا كلمني وعاوز ١٠٠ مليون دولار مني
هي مش فلوسه ١٠ مليون
ايوه
عاوز ١٠٠ ليه
يعني فلوس قعدت ٢٥ سنه مش هياخد فوايد دلو شغلهم في شغلنا كانت بقت مليار
عندك حق
شوفتي بقي
طيب الحل ايه من وجهه نظرك
هحاول ادي ابو عدنان فلوسه بس بعد ما اروح لأهل عتمان
بابا انا خايفه عليك جدا ومترَحش لوحدك انا هاجي معاك  انا وياسين وعم حسين
لا يابنتي طبعا مينفعش حد يروح معايه
وانا مش هسمحلك تروح لوحدك
يبقى اخد ياسين معايه
ماشي