امرأه ولكن متمردة ( مكتمله)

الدليل

إمرأة و لكن متمردة
البارت الخامس والثلاثون
الدليل

إن جالك الطوفان حط ولدك تحت رجليك . من أكتر الكلام الغط أللي أتربينا عليه ، لان المعدن الأصيل مش بيظهر إلا وقت الشدة و بيظهر مين الأصلي و مين مزيف بالمواقف مش بالكلام . إذا جالك الطوفان خليك أنت الدليل أللي يوصلهم لبر الأمان و الدليل إن الدنيا لسه بخير . إفهم كويس معنى الدليل قبل ما تدور عليه .

المتهم لجل ما يكون بريء محتاج دليل و عشان تثبت كلامك لازمك دليل و عشان توصل في الصحرا الكبيرة لازم دليل . و لو كنت راجل بجد زي ما الكتاب بيقول حتكون أنت الدليل . إتعلم تشيل مسؤلية نفسك عشان تقدر تشيل مسؤلية أللي حواليك و أوعى تنسى أن ربك زي ما إداك حمل و مفيش قدامك غير إنك تشيل أداك القوة و الكتف أللي يتحمل ولو مكنتش قدا مكنتش حتوصل ليك .ولما تحس إن الحمول زادت عليك أعرف إن ربنا بيناديك عشان ترجعله و تطلب منه يعينك و يقويك و ساعتها تحس بالراحة لما ترمي حمول عليه .

خليك ديما راجل لان الزمن ده الرجالة فيه نادرين واجه و حارب و إعرف إنك كبير و لما تعرف حقيقة نفسك و تعامل نفسك بأللي يليق بيها و تبعد عن التوافه و الناقصين حتكبر أكتر قدام نفسك و قدام الجميع . خليك أنت القائد و الأخ و الأب الكبير و الراجل أللي بحق وحقيقي وقتها حتعرف حقيقة الدنيا و العالم أللي حواليك . خليك للحق ديما دليل .

إمرأة و لكن متمرده ....... الراقي ........ الدليل

نريمان .. اهدي يا صفصف يا حبيبتي كدا و سبيني أركز حنعمل أيه ... بس لقيتها مفيش غير حل واحد

صفية ... قوليلنا عليه

الحل إني أعمل نفسي عايزة أدخل الحمام و أروح أكلم بابا أو ياسين أو حتى عمي حسين و أقولهم على أللي حصل عشان ينقذونا

إشمعنى أنتى تروحي أروح أنا الحمام بس حتصلي بيهم إزاي ولا انتي كنتي عايزة تهربي من شباك الحمام و تسيبينا .

ولاء .. أللهم طولك ياروح ما تهدي يا صفية بدل ما اقتلك انا و الله العظيم

آه كلكم عايزين تقتلوني عشان وحدانية و مقطوعة من شجرة

لالالالا ده إنتي اتجننتي خلاص

أهدوا بس أنا هفهمكم قبل ما صفصف تنادي عليا كنت داخلة اخد شور و اخدت معايا التليفون لاني كنت خايفة ياسين يتصل في أي وقت لاني كنت قلقانة عليه وعلى بابا فلما ندهتي حطيت التليفون جوا البيجاما أللي في الحمام و خرجت فأكيد محدش حيعرف مكان التليفون و بعدين مش هينفع حد يروح غيري لان التليفون مش بيفتح غير ببصمة الوش يا صفية

طب كلمي حسين لأن أبوكي و ياسين مسافرين و مش عارفين حيرجعوا أمتى لكن حسين راح مشوار و حيرد على طول .

ماشي يا صفية حتصل بحسين أهو أي حد ينقذنا من إيديهم

عدنان بغضب .. كيف تليفونه مسكر من ساعتين شو بده يلاعبنا