امرأه ولكن متمردة ( مكتمله)

عاد لينتقم

امراه ولكن متمرده
البارت الثلاثون
عاد لينتقم

لو طال الزمن عليك او قصر بيبقي كل احلامك انك تقابل الشخص الي بتتمناه والي نفسك تكمل حياتك معاه انت كده كده هتقابله وكده كده هتلاقيه بس المسأله مساله وقت فقط ولما هتلاقيه هتفتح قلبك ليه وتقله علي كل حاجه جواك هتحكيله كل حاجه وجعاك وبكلمه منه هيطيب كل جروحك واوجاعك فرحتك من فرحته وزعلك من زعله الشخص ليك بيبقي ليك السند والحب والعشق والظهر الي بتتسند عليه حتي لو مش معاك بكلمه منه واحده بيخلي يومك كله فرحه وسعاده ولما يكلمك بتبقي الفرحه مش سيعاك لانك فعلا متعلق بيه روحيا وقلبك مش عاوز يدق لغيره وعيونك مش محتاج تشوف حد غيره وعشان كده لو قبلت الشخص ده اتمسك بيه واوعك تزعله لانك مش هتلاقي غيره ولا هتقابل زيه بعد كده اغتنم الفرصه لان الفرصه الي بضيع مش بترجع تاني ولو رجعت بتبقي ناقصه

الراقي ..... امراه ولكن متمرده ........  الراقي

ناريمان
نعم
بقلك ايه
هو مش ممكن تقول الكلام ده الصبح
ليه
عاوزه انام
تنامي
والله هموت وانام حرام عليك عيني بتقفل وتفتح لوحدها
خم نوم
دي مين دي ان شاء الله
انتي
انا بردوا
ايوه
طيب انا ست حامل بتعب ومحتاجه للراحه
صح انتي صح اتفصلي نامي
كنت عاوز ايه
بعد ايه بقي
ياعم قول بقي انت هتمثل
اممم عارفه ايه الي منعني عنك
عارفه
طيب ايه الي مانعني عنك
اني حامل
لا يابت نبيها
اومال ايه وعشان كده بدلع بمزاجي
قلتيلي بقي
ايه مش من حقي ادلع ياياسين
لا طبعا ادلعي
كنت عاوز ايه بقي
انتي فرحانه ان باباكي رجع

يااااه ياياسين ده سؤال بردوا انت عارف معني ان ابوك يكون موجود في الدنيا عارفه يعني ايه انك تلاقي اكتر واحد في الكون بيحبك الي عايش حياته عشانه وعشان يسعدك وبس الي هو سندك وظهرك ومصدر قوتك والي بيقويك علي الصعاب الاب وجوده في حيات الشخص كنز ومحدش عارف الاحساس ده غيري لاني عشته عرفت يعني ايه معني الحرمان معني انك تفتقد اهم اساسيات حياتك الحب نفسه في وجود الاب

انا كده هغير من عمي حسن كل الحب ده ليه وانا ماليش مكان في قلبك بقي

في فرق بين حب الاب وحب الحبيب هو ليه مكانه وانت ليك مكانه تانيه

وانا ايه مكانتي عندك

انت حبيبي وجوزي وابو ابني الي في بطني انت الحب الحقيقي الي في حياتي ربنا يديمك تاج فوق راسي