Chapter 45
Araw ng Kasal...
"Mommyyy, I don't like this ribbon," reklamo ni Kimmy sa ina. Pilit nitong inaalis ang laso sa mahabang buhok. Nanglalambot na napatingin ang hairstylist sa bata. Katatapos lang nitong ayusin ang bata. Samantalang si Alexa naman ay masayang nakaupo sa tabi ng kambal. Tapos na itong ayusan ng isa pang stylist.
"Kimmy, you look beautiful! Stop pulling it, please," saway ni Celine sa bata na sinusumpong kanina pa dahil nauna sa simbahan si Liam.
"I want to see my daddy now?" sabi nito na nakasimangot.
"Sweetheart, nasa church na ang daddy mo. Naghihintay sa atin kaya sige na baby, huwag ng makulit para makita mo na ang daddy mo," mahinahong sabi ni Celine.
"I want daddy now!" Nakapameywang na ito ng parang matanda.
Gustong matawa ni Celine sa itsura ng anak. "Sweetheart, what do you think of mommy?" Umikot ikot ito sa harapan ng anak na nagmamaktol.
"Mommy, you look so beautiful!" sabad ni Alexa.
"Thanks, baby! What do you think, Kimmy?" tanong uli nito sa bata.
"I guess so," napilitan itong umamin.
"You think your daddy will like it?"
Dahan-dahan itong tumango.
"Celine, we have to go. Tumawag si Liam sa akin at hinahanap ka na, baka raw makalimutan mo siyang siputin sa altar," nakangiting biro ni Carmela.
Gumanti ng ngiti si Celine sa biyanan. "Okay po, Ma."
"Kimmy, Alexa, halika na kayo," yaya ni Carmela sa mga apo.
"Ma, si Andrew po?"
"Nasa kotse na, kasama ni Balaeng Martha."
"Maayos na ba ang ayos ko?" ninenerbyos na tanong ni Celine kay Isabel nang makaalis sa kuwarto ang biyanan. Maid of honor niya ang pinsan.
"Napaganda mo talaga, Celine," may paghanga ang boses ni Isabel.
"Di ba magkamukha naman tayo?" nakangiting biro ni Celine.
"Talagang nasa genes na ninyo ang magaganda," sabi ni Jordao na kapapasok lang ng kuwarto kasama ang ibang abay na sina Jojie, Rozanna, Hazel at Ella.
"Celine, dapat na tayong umalis. Narinig kong tumawag na naman si Liam sa biyanan mo at tinatanong ka," anunsyo ni Ella.
"Grabe talaga si Liam, tatlo na nga ang anak ninyo natatakot pa rin maiwan sa harap ng altar," natatawang kantiyaw ni Jojie.
"Super inlavey kasi kay Celine," sabad ni Hazel.
"Ano ba ang pinakain mo sa asawa mo, friend? Pwede bang pahingi ng secret recipe mo," tudyo ni Rozanna.
"Ang sekreto ay wagas na pagmamahalan," simpleng sagot ni Celine.
"Sus, mukhang mahirap ng maghanap ng pareho ni Liam," himutok ni Jordao.
"Talagang extinct na iyang ganyang klaseng nilalang," sabi naman ni Jojie.
"Ma'am, nag-aantay na po ang limousine ninyo. Pati po si Sir Jake nasa baba na rin po," magalang na wika ni Inday na nakatodo pustura rin. Si Jake ang magdadala kay Celine sa harap ng altar kasama si Martha.
Dahan-dahang bumaba si Celine kasama ang mga abay niya na nakaalalay dahil sa mahaba nitong suot na trahe de boda. Gawa ito ni Monique Lhuillier, ang sikat na international fashion designer na puro kilalang hollywood personalities ang mga kliyente gaya nila Gwyneth Paltrow, Reese Witherspoon, Kristen Stewart, Hilary Swank, Jennifer Lopez, Taylor Swift, Kim Yoo-Jin. Hindi ito nakatanggi sa hiling ni Liam na ito ang personal na mag-design ng gown ni Celine dahil personal friend ito ng pamilya nila. Ang mga abay ni Celine ay kulay lilac ang mga suot, ang color motif ng kasal.
YOU ARE READING
Ikaw Ang Pangarap (Completed Story)
Fanfiction"Ikaw ang pangarap ko, Celine! Ang babaeng nagpatibok sa pihikan kong puso." Paanong paniniwalaan ni Celine ang bulong ni Liam sa kanya kung kilala ito sa media bilang playboy?
