Mနိုင်ငံMမြို့မှတီလန်မြို့ဆီသို့ကားဖြင့်၄နာရီကြာသည့်အထိမောင်းရလေသည်..။တောင်တန်းတို့အကြားတည်ထားသည့်မြို့ဖြစ်တာကြောင့်တောင်တန်းတို့အားကွေ့ကာ၀ိုက်ကာဖြတ်သန်းရပြီးလမ်းတစ်လျှောက်စိမ်းလန်းသည့်ရှုခင်းတို့ကမျက်စိအေးစရာအတိ...။
တီလန်မြို့မှကြိုဆိုပါ၏ဟူသောဆိုင်းဘုတ်ကိုမြင်သည်နှင့်မေးနှစ်ခွကြားထဲမှမှဲ့နက်ကလေးပေါ်လာသည်အထိပြုံးလိုက်ပြီးဆိုင်းဘုတ်နှင့်ကပ်လျှက်ရှိသောလမ်းကြားဆီသို့ကွေ့၀င်ချလိုက်သည်...။
ဒီမြို့ကိုဂုဏ်တစ်ခါမှမရောက်ဖူးပေမယ့်ရည်းစားဟောင်းဖြစ်သည့် မခြယ် ကဆိုင်းဘုတ်နှင့်ကပ်လျှက်လမ်းကြားကနေ၀င်လာလျှင်ပထမဆုံးတွေ့ရသည့်အိမ်ဟာသူမအိမ်ဟုပြောထားဖူးသည်မို့မတွန့်မဆုတ်ယုံကြည်မှုရှိနေခြင်းသာ...။
မခြယ်ပြောသလိုပါပဲ..ထိုလမ်းကြားထဲ၀င်လိုသည်နှင့်လမ်းထိပ်တည့်တည့်ကအိမ်၌
မင်္ဂလာဆောင်ဓာတ်ပုံတို့အစီအရီချိတ်ဆွဲထားသည်ကိုတွေ့လိုက်ရသည်..။မောင်ခန့်ရဲသော်ထက်နှင့်မခြယ်ဇလပ်၀ါတို့၏မင်္ဂလာပွဲ
မခြယ်နဲ့ကရည်းစားဟောင်းဆိုပေမယ့်လုပ်ငန်းအတွက်တွေ့ဆုံကြရာမှလုပ်ငန်းဖော်အဖြစ်သာပိုရင်းနှီးကြလေသည်..။
မခြယ်ကဂုဏ်ထက်၅နှစ်ခန့်ကြီးသည့်
OGဆရာ၀န်မတစ်ယောက်..။ဒါကြောင့်ဂုဏ်အနေဖြင့်သူမအပေါ်ချစ်သူလိုချစ်သလိုအစ်မတစ်ယောက်လိုလည်းရင်ဖွင့်ဆက်ဆံလို့ရသည်..။တွဲခဲ့သည့်ရက်တွေအတွင်းမှာလည်းမလေးမစားပြောဆိုတာမျိုးမရှိခဲ့...။အိမ်၀ိုင်းကအကျယ်ကြီးမို့ကားတွေစီတန်းကာထိုးထားသည့်နေရာအထိမောင်း၀င်သွားလိုက်ပြီးကားပါကင်ထိုးပြီးနောက်လက်ယမ်းပြနေသည့်မခြယ်ဆီတစ်လှမ်းချင်းလျှောက်၀င်လာခဲ့သည်...။
"အိုက်ယား...လမ်းပျောက်နေမယ်ထင်နေတာဂုဏ်ရယ်..လာပေးလို့မခြယ်ကအများကြီးကျေးဇူးတင်ပါတယ်နော်..."
သူ့အားမောင်လေးတစ်ယောက်သဖွယ်ပွေ့ဖက်နှုတ်ဆက်ရင်းပြောလာသည့်ပန်းရောင်သတို့သမီးလေးကဆန်းဆန်းပြားပြားလှပနေ၏..။
YOU ARE READING
အသျှင်ဆွတ်ခူးအံ့သော် (Completed)
RomanceOmegaverseမို့ Male pregပါ.... 10ပုဒ်မြောက်ဖန်တီးချက်... ရေးပြီးသမျှ...ရေးနေဆဲစတဲ့ficတွေအကုန်လုံးမှာလိုအပ်ချက်လေးတွေရှိနေရင် သည်းခံပေးပါရှင်
Part 25
Start from the beginning