عيلتنا

الحلقه(25)

عند روان
الساعه12:07
روان : فتحت عيونها ببطئ لتستقبل رائحه مطهرات ومعطرات وعرفت انها في مستشفى لكن حاولت تدكر شنصار ولكن مقدرتش....فجاءه
الشخص : الحمد الله علي السلامه❤
روان دموع في عيونها : سند
سند : ضحك بوجع وبدون مقدمات حضنها
روان : مقدرتش تمسك روحها وحضناته وانهارت تبكي بشهقه
سند بوجع : معاش تعدبيني معاش تقيسي غلاوتك عندييي افهميي
روان بشهقه : ستاحشتككك ورب ييي خفتت
سند زاد حضنها : معاش تبعدي علينا
روان : بادلاته الحضن وكملت البكاء في حضنه الدافئ لين رقدت❤
سند : بعد بكل هدوء بعد ما تأكد انها رقدت وغطاهاوطلع
محمد : شن صار
سند بهدوء : وين لقيتها
محمد : طمنيي شن صااار الزححح
سند : ناضت وحالها باهي لكن......
محمد : لكن شنو
سند تنهد : تبي راحهه البنت
محمد : سكت ونزل راسه يفكر
سند : ممكن تقولي وين لقيتها ومن خطفها
محمد : تنهد وحكاله لصار وطبعاً سند تعفلق وانصدم وقعد يتحلف ويعاود في هيتم وهبه
سند متعفلق : به من الشخص تاني
محمد : اروى اكيد
سند :  توا نوري*!^#£₩¥
محمد : اهدااء وبعدين نتفاهمو معاهم
سند : اني ماشي بنطمن العويله
محمد : به والبنت
سند : بنخليها عندك امانه وجرب تعفلقها
محمد ابتسم : تمام
سند : ابتسم وطلع يجري
_________________________________
عند العيله
سعاد : رغد وين عبايتي
رغد : اميي متأكده بتمشي
سعاد : مش ح نرقد لين نشوف بنتيي
نجاه : ياسعاد دنيا ليل راهو
فاطمه : صحح وصاعب راهو تشوفيها
امال : ياسر منغير هبال وقعمزي ياسعاد
حلومه : شن تقعمز وبنتها في مستشفى
جميله : لكن ليل ودنيا تخوف
قمر : ماما بنمشيي معاك
محمود : قام حاجبه
سعاد : خليك مع اختك شويه ونجي
قمر بصوت مخنوق : بنمشيي بنشوفف اختي
محمود تعفلق : قمر اسكتي
قمر : مدخلكشش فيا بنمشي بنشوفهاا
سند خش : السلام عليكم
قمر مشت لسند تجري : سندددد
سعاد : شن ياولدي طمنيي
سند ضحك : روني لقيناها وحالها كويس
حلومه ابتسمت : الحمد الله ياربييي
سند استغرب : خيركم لابسين عباياتكم
اصيل ضحك : ماشيين هجره الي الحبشه
سند ضحك : بجديااتت
وليد : فرخ اصيل هبلهم وقاللهم نوضو  نمشو لروان
سند قام حاجبهه : والله
اصيل : بالجوو باش يعرفوني طيب وكويس
سند : اي هلبااا
سعاد : ولدي بالله ارفعني لروان
سند : تييي وين ياامي ساعه12 خيرك
قمر : به شن جاي تبي
سند : تلزي فيا يافرخه
اصيل : منحكيلكش تلز فينا من امبكري
قمر شهقت : حييي علي الكدببب
حلومه ضحكت : هي حطو العشاء
مروه ضحكت : ياجداي لي قلتي مخاطريش
حلومه تلخبطت : سند اكييد جعان
اصيل : اي دكيها في سند ياجداي زيدي
حلومه : تحشم ياولد
سند ضحك : هادا الولد لدافعي عليه لما جدي كان بيضربه
اصيل : اي زيد عاود الدوه
زين ضحك : اعقل يافرخ
(وهكي كملوها تسهوييك لين حطو العشاء وكان العشاء بسيط خبزه وطن ودحي وجبنه بجمييع انواعها..وطبعاً حطو صفره مع بعض)
قمر : ماما نبي خبزه وطن
سعاد : نديرلك هريسه ولا شنو
قمر  : لا مديريش
اصيل ضحك : حيييي علي بيبي نحسابوها قويه وامم لسان طلعت هريسه متاكلش فيها
قمر : هاهاهاهاها علي اساس انت تاكل فيها
اصيل : ناكل في لي اقوى منها
قمر  : يااااي صدقتك
سعاد مدت خبزه : هاك كولي وفمك ساكت
قمر : خدتها وفتحت هريسه وحطت هلبا
اصيل : شن ديري يابيبي
قمر بأستفزاز : البيبي بياكل هريسه مش زيك
حلومه : اعقلي يابنت هريسه حاره هلبا
نجاه : مش ح تتحمليها راهو
قمر : بعناد كلت بقوه ومش معدله علي حد
اصيل ضحك : حي عليكك وجهك احمر
قمر ماسكه دموعها : حلوههه
اصيل يضحك : ووووووه وربييي ضحكي
سعاد : بري اشربي ميه
قمر : عادي(وكملت تاكل)
ميرال : قمرر خلااص مش باهي ليك
اصيل : قويه البنت
حلومه : ياسرووو قمررر اشربي ميه بلا هبال
قمر : وقفت تجري للمطبخ ووجها احمرر
سعاد : قمررر قمررر
سند : خلوهاا هادا العناد متعها
حلومه : متخلوش الواحد يرتاح حتى في ماكلته
نجاه : جميله وين هبه بنتك
جميله : قالت بنرقد راسها يوجع فيها
مروه بهدوء : ان شاء الله تطربق
مرام بهدوء : اسكتييي
محمود ناض : الحمد الله
حلومه : خيرك اللطف
محمود : لا الحمد الله
حلومه : اشبح خيركم الايام اهيا
اصيل ضحك : شوره مداير رجيم ياجداي
محمود : كول وانت ساكت(ومشاء)
__________________________________
عند روان
روان : فاقت ولقت الضي مسكر ولكن كان ضي القمر عاكس علي غرفه وعاطيها اضاءه خفيفه
روان : حاولت تنوض لكن مقدرتش وحست انها جعانه ومضايقه.....فجاءه خش محمد
محمد : خش وانصدم ب روان نايضه
روان : انصدمت نفس صدمه محمد ومعرفتش شن بدير لين تزيد صدمتها اضغاف لما محمد يحضنها بقوه
محمد بهدوء : ستاحشتك
روان : محستش بروحها الا وهيا حاضناته بقوه وكأنها خايفه يخطفوها او ياخدوه منها ودخلت راسها في حضنه وسرحت في رائحه برفانه المميز عندها
محمد : ابتسم بحنيه وسكت ومافيش غير  صوت انفاسهم في الغرفه
روان بصوت مخنوق : خفت وربي خفت
محمد بندم : سامحيني خليتك بروحك
روان : اسسسسس معاش تتأسف
محمد : اني لغالط وخليتك يارواان انييي
روان قامت راسها : انت مش غالط في ولا حاجه درتها.......اني غلطت لما قعدت بروحي في شاطئ ولما زعلتك ومسمعتش كلامك
محمد ابتسم : انتي بنتي وبنت قلبي❤
روان : ابتسمت ودموع في عيونها
روان بشهقه : معاش تخليني 
محمد يمسحلها في دموعها : خلااص بأدن الله بتطلعي وبتكوني علي اسمي
روان بعدم فهم : كيف
محمد : منبيش لا عرس ولا شي طوول بنقرا  فاتحه وتاني يوم دخول
روان : لكنن.....قاطعها
محمد : رواان انييي نبيكك نبيكك تكوني  قريبه نبيك تكوني مرتي وام صغاري
روان ابتسمت : نحبك يامحمد❤
محمد : ضحك وقرصها من خشمها
محمد : هي نوضي نرفعك
روان : وين
محمد : بنمشو لي احلى مطعم
روان ضحكت : ياغبي مش ح يخلوك
محمد : مافيش حد يقدر يوقف قدامي
روان : وبه سند شويه وبيجي
محمد : عادي بنقوله رفعتها للمطعم
روان : باش يقتلك
محمد وقف ومسك ايدها : هياااا
روان وقفت : مدخليش لو صارت حاجه
محمد : بتخلي راجلك بروحه
روان : ضحكت وفجاءه حست بدوخه وبتفقد توازن
محمد مسكها من خصرها : خيرك
روان بهدوء : حاسه بدنيا كلها مضلمه
محمد : هبووط توا يمشي
روان : هزت راسها ومشت مع محمد
__________________________________
عند قمر
قمر : تبكي في مطبخ وتشرب في ميه
محمود بهدوء : علاش تعدبي في روحك
قمر بشهقه : مدخلكش
محمود قرب وصب عصير : هاك اشربي
قمر : منبيشش
محمود : قرب وشربها العصير بقوه
قمر شرقت : كح كح كح يادراااه خييرك
محمود زاد قرب وقامها : من درااه
قمر : بعددد خير ما نلم عليك نااس
محمود : ضحك وحطها علي طاوله وخدا كرسي وقمز قدامها
قمر :  هييييي بعددددد
محمود مسك ايديها : صار اني دراه
قمر : برااا اقلب وجهك وبعدد مش طايقاتك
محمود : به علاش العنااد وانتي عارفه انك متقدريش الحار
قمر : امووووري
محمود ضحك بخبث : امورك صاار.....قبل ما ترد قاطعها ب........بوسه😂❤🔥
بعد دقايق
قمر بعدت بقوه : ياحقيييييرررر يااااااحماار
محمود ضحك بقوه : تحشمي يابنت
قمر تضرب فيه : حقيييير الادبببب
محمود بخبث : معاك انتي بس
قمر  :  خزيي بعدد بعد وربي نقتلك
محمود : حييي تقتلي حبيبك
قمر : حبيب عينككك
محمود : تقتلي ولد عمكك
قمر : باردد اقسم بالله
__________________________________
عند العيله
سعاد : هادي خيرها عطلت
مروه : اكيد تعبي في بطنها
هبه جت : صحه صحه.....وفجاءه جت عينهها في عين سند
هبه : خافت وكيف بتخش للغرفه.....
سند : استني
هبه : نعم
سند : عندي معاك موضوع طويل عريض ف خليك نايضه
ميرال : قامت حاجبها بعدم فهم...والكل نفس الشي
حلومه : شن تبي فيها البنت ياسند
سند : موضوع طويل ياجداي
حلومه : تكلممم شن فييه
اصيل : حسستني اعداءك ولا انت عصابه واحني عصابه
سند : انت اسكت وكمل ماكلتك
حلومه : سنددد تكلم
سند وقف : هيا توا تقوللكم
هبه : شن نقول
اصيل ضحك : قولي السلام عليكم
وليد ضربه : بلا براده
سند قرب : تبي تعرفي.....وهوووب ينصدم الكل بالكف لي جاء في هبه
حلومه وقفت منصدمه : شن درتتت ياولد
سعاد : سنددددد
هبه : انصدمت وقام ايدها علي مكان الكف
سند : اني معمري مديت ايدي علي بنت وحتى من خواتي معمري مديت ايدي عليهم الانهم بنات ناس لكن انتي طلعتي₩€&*
وليد وقف : سندد
هبه تبكي بتمتيل : اهههه ياماما اهههه
جميله : خيرك ياسندد
سند ضحك : ربي بنتك يا انسه
سعاد : سنددددد
اصيل : بحركه سريعه دار نفص ب دحي  وطلع يجري
زين : هادا خيره خدا دحي كله وطلع
وليد ضحك : هارب الفرخ
قمر جت ووراها محمود : شن فيه
سند : السيده هبه والسيد هيتم هما لي خطفو روان
حلومه : شن تقول يافرخخخ
.............يتبععع😱🔥❤

آلگآتبهہ‏‏: بنت آلآمـيـر👑❤