عند روان
روان دموع في عيونها : بعدددد ياحماار
هيتم : قرب وكيف بيبوسها قاطعهم صوت الباب كيف تكسر....
محمد مصدوم ومتعفلق : شششن ديرو
هيتم ضحك وحضنها : شوف بروحك
روان تبكي وتعيط : بعددد ياحقيير بعددد
محمد : من كتره عصبيته طاح في هيتم ضرب وروان فقدت توازن وطاحت مصدومه تبكي
روان : محمدد اطلقهه بالله
محمد : حس بروحه زودها هلبا وطلقه
هيتم : هرب يجري
روان : تحاول توقف ولكن تلقا روحها طايحه تبكي وترعش
محمد متعفلق وقرب بسرعه : حالك باهي دارلك حاجه لمسك تكلمييي
روان : بحركه سريعه حضنت محمد بقوه وكأن خايفه حد ياخدها وكل القوه والعناد لي في رواان تحول لي بنت خايفه ترعش
محمد بهدوء بادلها الحضن : اشششش
روان : قريييب يامحمد قرييب متتت وربي
محمد : انتي معاي ومعاش ح يقربك حد
روان : قامت راسها وانصدمت بمحمد كان فمه ينزف شويه ووجه هلبا جروح
روان خايفه : اصببرر نمسحلك نزيف
محمد : لالا عادي مش لازم
روان بأصرار : اقعد تابت
روان : خدت كينكس من شنطتها وكيف بتمسح دم لي علي فم محمد
محمد قام ايده ومسك ايدها : توا نمسحهه
روان : اسكت وخليك تابت
محمد : سكت وقعد يراقب فيها
روان مسحت دم : خلاص كملنا غير نبي لصقه جرح بس
محمد : ابتسم بوجع واستسلم لحضن روان
روان انصدمت : اءءء مممحمد
محمد دموع في عيونه : اشششش
روان : زادت صدمتها اضعااف الان اول مره تشوف محمد يبكي او تنزل منه دمعه
محمد بصوت مكسور : كنت خايف لو لمسك او دارلك شي مقدرتش وربييي
روان ابتسمت بوجع :.............
_________________________________
عند العيله
مقعمزين الكل علي صفره غداء ومقسمين طبعاً رجاله و ولاد و ونساوين وبنات ولكن كان في تلاته اشخاص ناقصين وهما روان ومحمد وهيتم لي طلع ومعاش رجع
قمر تاكل : وين روان
رغد : مشعارفه حتى ولاد نسمع فيهم قالو محمد مهناش
ميرال : بالك راقده
هبه بصوت دلع : خيرها هكي ماكلتكم
قمر قامت حاجبها : خيرها ياماما
هبه : زي غريبه الحق ومعجبتنيش اويي
قمر : اي ماهو مدايرينها من لحم خنزير
مروه ضحكت : لاا مدايرين سم فيها
مرام : علاش معجباتكش
هبه : هكي غريبه زي مش طايبه باهي
قمر : اي درناها علي خاطرك باش تاكلي مش طايب زي حميير
هبه : تعفلقت وحدفت خبزه
قمر تعفلقت : لي حدفتيها نعمه مش سم
هبه : معاش نبي(وقفت)
قمر : توا وتعالي تأسفي خير مانوضلك
هبه قايمه حاجبها : من منو نتأسف
قمر : من نعمه لي حدفتيها بالك ربي يسامحك علي العمايل ومصايب متعك
هبه بأستهزاء : ههههه ضحكتيني تأسفي منها انتي ياماما
قمر وقفت : نعم نعم
هبه : زي ما سمعتي
ابرار : يا بنات خلي ناكلو
اماني : احترمونا شويه
هبه : كنا تبي تاكلي اطلعي برا
قمر : حبيبتي احني ناس من طبقه غير امالينا علمونا ناكلو في مكان الاصح مناكلوش برااا زي حيوانات
هبه بأستهزاء : مريضه
قمر : تعالي شوفي مريضه شن تقدر دير...........وهوووب طاحت فيها ضرب وترييش😂🔥
سنابل تاكل : اقتليها ياقمر باش نتغدو بيها راهو قاعده جعانه
سلسبيل تضحك : جيبيلنا حتى طرف صغير
ميرال : تنهدت وكملت ماكلتها
رغد : وقفت وحاولت تحز بيناتهم الا وتلقا روحها طايحه في الاتنين ضرب
ميرال وقفت : جبتولي نيه فيها عركه....وهوووب بدت تضرب فيهم تلاته😂
مروه : فهموني من هوا لي تضربو فيه
سنابل ميته من ضحك : يضربو في بعض
(فجاءه خشو ولاد وحاولو يحزو بيناتهم لكن حصلو ضربات قويه😂🔥)
_________________________________
عند روان
روان : ابتسمت بوجع وحضنت محمد
روان : تعرف عرفت توا ان اني غبيه
محمد : قام راسه وكان قريب هلبا
روان بوجع : عرفت ان اني حبيت الشخص الخطاء وان كنت غبيه هلبااا
محمد ضحك : وتوا فهمتي درس
روان : تمام التمام
محمد زاد قرب بهدوء : وتوا من تحبي
روان ابتسمت : اكيد انت
محمد : تقدري تعترفي
روان : هزت راسها بنفي
محمد استغرب : علاش
روان بحنيه : الاني غارقه في حبك
محمد ضحك : هبله....وقبل ماترد قاطعها ب بوسه معبيه مشاعر الاتنين وكأن كانو يراجو فيها لحضه بفارغ صبررر....❤بعد دقايقق
روان بعدت بهدوء : بااااارد
محمد ابتسم ابتسامه تجنن : نعجبك
روان : ابتسمت وحست بدوخه ورؤيه مشوشه شويه......الا وتجي طايحه في حضن محمد
محمد استغرب : روان روااان
روان :.........
محمد : قامها وطلع بيها يجري للسياره...
_________________________________
عند العيله
سند ماسك ميرال : خلااص اهديي
وليد ماسك رغد : شن صااار فهموني
محمود : يجبد في قمر وقمر دف فيه
قمر : بعدددد خير ما نخلطك معاهم
اصيل ميت من ضحك : وااااااك عليا متتت
ميرال متعفلقه : سنددد بعددد احسن
رغد متنرفزه : وليد نحييي
محمود : فهموني زفتت وانتي ياسر ضرب درهتيلي كبدي
قمر : بعددد من عليا
سنابل تضحك : مشعارفين كنا ناكلو بسلام وامان شويه وناضت قمر وهبه يتعاركو وبعدها خشت رغد وميرال
العارف جاي متعفلق بالعصا : خييركمممم
العارف : يعنييي هكي متهنوش الواحد حتى يتسمسم شويه يسكتو ولاد تنوضو انتم
منير متعفلق وماسك هبه : شووف كيف بنتي خلوهاا المجرمين
اصيل : كنا هما مجرمين امالا بنتك شنو
العارف متعفلق : اصيييييل
هبه بدلع : يابابا هما طاحو فيا ضرب تلاته اني مدرتش شي
ميرال : امالا من لي حدف خبزه
قمر متعفلقه : محموووود بعددد خيير لازم نربيها اليوم
العارف : قمررر تحشمييي
منير : قليله الادب
قمر : ماهو اماليا كانو يربو فيك
اصيل فاتح فمه بصدمه : وااااو
محمود متعفلق : قمرررر
العارف : قمرررر اسكتيييي
منير متعفلق : شوفو قله الادب لي وين وصلت.....وين بوك وامك وييين
قمر : اماليا مش من مستواك باش يقابلوك
رغد خايفه : وليد دير حل
وليد : قمررر الزمي حدودك
قمر متعفلقه : يعني يغلط فيا واني نسكتله ولا..........فجأءه الكل ينصدم بالكف الذي خدا مكاان كبييير في وسط معركه
قمر : واقفه مصدومه وقايمه ايدها علي مكان الكف
منير : منسمحش لي فرخه ترد عليا دوه
سند تعفلق وقرب : كيف تمددد ايدك علي اختيي
منيير قام حاجبه : يعني هيا اختك
سند زاد قرب ومتعفلق : شن رايك انت
منير : ربيي اختك الان ناقصه ربايه
سند : خليناها ليك ربايه
العارف : سندددد تحشممم
ميرال خايفه : سنددد
اصيل بهدوء : بتنقلب الدنيا🔥
محمود : ساكت ويشوف لقمر لكانت واقفه ومصدومه
سند : بوي مهناااكش وانييي مسؤول علي اختييي واني لي نمد ايدي عليها انت من تكون باش تمد ايدك
منير : انت شوف اختك كيف تتكلم مع واحد في عمر جدها
سند : وانت شوف بنتك لي مش حاسه بنعمه واختي بارك الله فيها دارت واجبها
منير : بنتي مش زي اختك المجرمه
قمر بهدوء : سند فوته مننزلوش لمستوى واحد متخلف احني والكف توا نرده تالت ومتلت لبنتك مش ليك الان محترمه العمر لي انت فيه لاغير(ومشت تجري)
سند : اشر للبنااات يطلعو ونفس الشي عند ولاد
العارف : قعمز علي جلسه ومنصدم بي لصار
محمود : طلع يجري ورا قمر
________________________________
عند روان
في مستشفى
محمد : مقعمز متعفلق وغارق في تفكير
دكتور : اهلين
محمد وقف : دكتور قولي شن صار
دكتور : والله المريضه حالتها تحت صفر واضح عليها انها متاكلش نهائي وهادا سبب خلاها يغمى عليها وتوا ركبنالها تغديه شويه وبتطلع بأدن الله وعينكم عليها الان مزال صغيره ومش باهي تقعد هكي وانت تعرف
محمد نزل راسه : شكراً دكتور
دكتور : ابتسم ومشاء
محمد فتح تلفونه : الووو
اصيل : اقسم بالله فاتك نص عمرك علي ضرب وبوني وترييش شعر
محمد : روان في مستشفى شويه وبنروح بيها باش تقوللهم
اصيل : وعلاش شن فيه
محمد : داخت وتوا دارولها تغديه
اصيل : تمام في طريقك جيب ك...قاطعه
محمد : واللله مانييي جايبلك(سكر)
محمد : تنهد وخش للغرفه باش يلقا وجهه ملاك متلفت للروش ويتفرج
روان ابتسمت : شكراً
محمد : ضحك قرب وقعمز في سرير
محمد بهدوء : شن حالك توا
روان : ايدي توجع فيا
محمد : من يبره
روان : مش ضروري منها تغديه يعني
محمد ضحك : بلا دلع
روان : بارد
محمد : غير في مستشفى كان هادا وريتك من البارد
روان تلفتت للروشن : كلمهم نبي نروح
محمد : مزال شويه
روان : تنهدت بحزن
محمد : اسمعي.............يتبعع❤😱🔥
آلگآتبهہ : بنت آلآمـيـر👑❤
YOU ARE READING
عيلتنا
General Fictionروايه ليبيه .... اكشن ورعب ورومنسي وكوميديه كله ح تشوفوه في روايه هادي #روايه عيلتنا❤ آلگآتبهہ:بنت آلآمـيـر👑❤
