اليوم (فاتحة عصام) ولبنات ولاد والعيله كلها فرحانين انه عصام خلاص اختار البنت يلي بيكمل معاها عمره
تسريع الأحداث .....
روحت رغد او ابرار من جامعه غيروا لبسهم ولبسوا لبس بسيط او حلو او افخم برفان بناتي ودخلت رغد معاهم سارحه
____________________
عند لبنات
(البنات كلهم لبسوا او وتوا أرواحهم ولبسوا أحلى لبس بعدها مشو للمطبخ يوتوا للفاتحه )
ميرال : هي ي بنات معش ف وقت
روان : شن تشوفي فينا نديروا ي فالحه
ميرال : أي عارفه روحي فالحه😂
مرام : وسعي انتي وياها لو تقعدوا هكي معش نكملوا عارفيني نحب نساعد اني هي شن ندير
ميرال : يوخيتي محلاك 🥺هي خودي انتي ساوي الحلويات
مرام : حاضر هي
(ولبنات كلهم ف مطبخ وسلسبيل وسنابل مع بعض فاتحين الاغاني ف المطبخ مع لبنات مدايرن جو ويرقصوا)
أروى : مقعمزه شاده تلفون وماتبيش تتحرك من مكانها......شافتلها أمها شوفت موت وهي دارت روحها ولا على بالها
(ناضت أمال شدتها من أيدها وجت جنب المطبخ)
أمال : ماتحشمينيش قدام الناس شوفي بنات خالك كيف فالحات قايمين القدر وانتي ديما هكي
أروى : باهي نم
أمال : خزي عليك خشي خشي تو نتفاهم معاك بعدين
أروى : جت وقعمزت على الكرسي متع طاولة المطبخ وشدت نقال
(شافتلها روان)
روان : خيرك جيتي وقعمزتي تعالي ساعدينا فاتحة خالك راهو
أروى : اي عارفه لكن مانبيش ندير شي
روان : باهي شن مقعمزه ماده وجهك بري قعمزي وين ماكنتي
اماني : حي عيب ي بنات اسكتوا اليوم خلونا فرحانين
(المهم اماني غيرت الجو او أروى قعدت مقعمزه وسكرت راسها....لبنات وتو كل شي)
ورغد : قعدت سارحهه ومتكيه علي الباب
مرام : خيرك ي عيوني هكي سارحه من بكري نشوف فيك ومانبيش نتكلم
رغد : ضحكت ضحكه خفيفه
رغد : لالا شي ي قلبي غير راسي شوي مصدع من لقرايا وجامعه دوشه
مرام : متأكده
رغد : اي اي شن عندك شك
مرام : لا لا
___________________
عند لولاد
(الولاد كلهم مشوا الاستراحه مع عمهم عصام لانهم فرحانين
وتوا أرواحهم قبل لبسوا كلهم زبونات)
محمد : ألبس زبون أخضر غامق او ساعه فخمه او خاتم اسود محمد يحب ملابسه يكونوا ماركه او حلوه عنده ذوق يجنن
وتسريحة شعره فوت الموضوع ونظره حاده
دخل عليه أصيل وهو يمشط ف شعره
أصيل يمشي ويسكر ف ازرار متع زبون
كان راسه لوطه قامه شاف محمد ونصدم
أصيل : ايوا ايوا احني يحليلي محلاك النم نتمنى انه انته اني وربي ندوب لبنات كلهم نطيحهم كلهم
محمد : ميحبش بصارت اصيل بس عجبه كلام وضحك ضحكه بسيطه
محمد : برا اقلب وجهك من عليا الزفت
أصيل : اياه شوف روحك توا علينا
أصيل : ألبس زبون لونه أزرق غامق مع ساعة فضه او خاتم او وتسريحة شعره تقتل
وليد : زبون متعه لونه عنابي لونه يصدع راس يجنن ف طالع عليه ومع ساعه ونفس شي يلي داروه ولاد عمه
سند :ألبس زبون لونه أسود
محمود : ألبس زبون لونه أزرق ملكي و زين ألبس زبون لونه سُكري وتسريحة شعر وكلهم طلعوا يجننوا ،
(بعدها امشوا وتوا عمهم عصام كل واحد أستلم حاجه من لولاد عشان عمهم لبسه وشعره و ساعه والخاتم والبرفان ...إلخ
وبعدها فكر سند يجيب نوبه لاستراحه بيديروا جو)
عصام : علاش هذا كله
سند : اسكت ي عم هذا شوي فيك
عصام : اليوم الفاتحه هكي ويوم العرس كيف
أصيل : وربي نهبلوا😂
زين : ي عمي بعدها نعزموا كل شعب ليبي
كلهم قعدوا يضحكوا😂
داروا جو يجنن لا يوصف....
بنشوفو رغد شن بيصير فيها هل ح تهرب مع صهيب او لا ....
و بنشوفو اروى شن بدير هل ح تسكت وتمشيه عرس علي خير ولا بتصير مشكله...
هادا كله ح تعرفوه في حلقه الجايه بأدن الله .....
انشاءالله تكون عجبتكم الحلقه ولازم تعطوني رايكم ومزال احدات قويه بتصير مع حلقات قادمه🌌🤍
آلگآتبهہ:بنت آلآمـيـر👑❤
YOU ARE READING
عيلتنا
General Fictionروايه ليبيه .... اكشن ورعب ورومنسي وكوميديه كله ح تشوفوه في روايه هادي #روايه عيلتنا❤ آلگآتبهہ:بنت آلآمـيـر👑❤
