عيلتنا

الحلقه(18)

عند البنات
اروى بأستهزاء  : حسستيني خفت منك
روان ضحكت : عرفتي روحك خايفه
رغد  : اسكتي انتي وياها
اروى : سكتي الفرخه اختك الاول
روان : حدفت كاشيك بكل قوتها وناضت
اماني شهقت بصوت عالي : اللطف ياربي
سنابل تضحك : بتصير عركه تانيه في ماكله
مروه  : مشعارفه يتفكرو عراكهم في ماكله
روان مسكت شعر اروى وجبدتها : شن قلتيي
اروى تعيط : نحييي يامتوحشه
ميرال وقفت تحز : خلاص انتي وياها
ابرار : بنصورهم فيديو باش تشوفهم قمر
مروه تضحك : صوري صوري
روان : عاودي شن قلتي اني شنووو
اروى  : نحيييي خير مااا.....وسكتت
روان : خير ماشنووو تكلمي
اروى بخبث : مانقول للعيله
روان بعدم فهم : شن بتقولي
اروى ضحكت : علي محمد
روان تعفلقت ودفتها : ميمشيش معاي جوو تهديد ياماما بري قوليلهم باش خوك زين يطيح فيك ضرب وتجيبي تهزيب لي روحك
اروى ضحكت : توا نشوفو(وطلعت)
روان متعفلقه : منين سمعت الكلبه
ابرار : ويين نندرو احني قدامك توا كيف جت بمشاكلها
مروه : احلى حاجه ان بنت عمها مجتش
مرام تمشط في شعرها : خلاص اسكتو وانتم من جيتو بمشاكلكم
رغد  : بنات اسكتو بندير مكالمه
روان  : مكالمه جدك في هالوقت
ميرال ضحكت : اسكتي يافرخه
رغد : غير شويه بس نقصو صوتكم
روان :  خزيييي
________________________________
عند قمر
محمود ابتسم :  انتي صغيره
قمر متعفلقه : خلاص اني صغيره فوتني به
محمود ضحك وجبدها لحضنه : تحلمي
قمر متنرفزه : محمود بعدددد
محمود : خليك زي ماكنتي
قمر ابتسمت بخبث : به اطلقني
محمود : لا
قمر بدلع مسكت خده :  غير هيا
محمود ارتبك وولا وجهه احمر : اءءءءءء
قمر : ضحكت بدلع وبساته علي خده ومشت تجري
محمود ضحك : باهي ياقمر توا تشوفي
______________________________
عند الولاد
مقعمزين قدام مسبح
سند مقعمز : اسمعوو
الولاد تلفتو : نعم
سند :  بنطلع بناخد العاب ناريه شن رايكم
اصيل  : وعلاش عرس جدي واني منندريش
محمد ضحك وضربه : تحشم ياولد
محمود : مشعارف اني كيف وليد واصيل  خوت
اصيل ضحك : صاير خطاء مطبعي
وليد ضحك : اعقلووو
زين ضحك : مهبله وربي
اصيل وقف : خساره وربي كنت ناوي نديرلكم شوااء بالحوته لي جبتها
محمد يضحك : بتوكلنا دلفين قصدك
اصيل : عادي  يمشي معاكم انتم
محمود : حد منكم يرفعه من عليا
______________________________
عند البنات
روان : والله بنجي حماتك مش بلاش ماما
ميرال ضربتها : خزيي به شنصار وكيف احكيلي
روان عدلت قعميزتها : هادا ياحنه....وفجاءه قاطعهم الباب انفتح
امال خشت : يابنات
رغد : انصدمت ونزلت تلفون
روان  : نعمم عمتي
امال بأستغراب : شن كنتو ديرو
مروه : شي وحدا تعبي في بطنها وتانيه كانت تكلم في صحبتها وتانين يتسهوكو مع بعض
امال بشك : اممم به روان نوضي جدك يبيك
روان استغربت : علاش شن فيه
امال  : يبيك في موضوع ضروري نوضي
روان : به جايه هي
امال : طلعت وسكرت الباب
البنات : شافو لروان
سنابل تخبط علي وجها : حي عليك كان  تطلع كلبه روان قالت
روان وقفت : اقسم بالله نشرب من دمها
مروه  : نجي معاك
روان : ميطلع حد توا نمشي نشوفه شن يبي
ميرال : به ردي بالك تتهوري
ابرار ضحكت : حسستيني بيصير فيها قطع رقبه
قمر خشت : هلووو
روان : وين كنتي
قمر  :  روحتيي
روان  :  لا قاعده في طريق
قمر قعمزت : خزييي بارده
روان : هي باي(وطلعت)
قمر  : وين ماشيه البنت
ميرال  : جدي يبيها في موضوع
قمر تاكل في بيتزا : شن صار في غيابي
ابرار قربت : اسكتيي كله مسجل
قمر ضحكت : قدووع من يومك
___________________________
عند روان
روان خشت للغرفه : نعم جدي
العارف اشرلها علي كرسي : قعمزي
روان : تلفتت ولقت حلومه مقعمزه وحست ان فيه شي غريب
العارف : يابنتي عندي ليك موضوع
روان بأستغراب : شن هوا ياجدي
العارف : انتي تعرفي ان معزتك تختلف وانك زي بنتي بزبط صح
روان : جدي خوفتني شن فيه
العارف : في عرب جايينك ويبوك لولدهم
روان انصدمت : نعم
العارف  : زي ماسمعتي والناس هادي نعرفهم اني خصيصاً وكويسين
روان : ششششنييييي وعلاش مش رغد به
حلومه : يابنتي اختك رغد يجوها لكن زي ماتعرفي هيا ترفض ومتبيش
روان  : مش موافقه
العارف : يابنتي فكري وعندك وقت راهو
روان بأصرار  : اي واني مش موافقه(طلعت)
العارف تنهد : ربي يهديها
حلومه : شن نديرو توا
العارف : بنشوفوها بالك تغير رايها
حلومه :  ان شاء الله خير وخلاص
روان متعفلقه ماشيه :  امييييي اميييي
سعاد جت تجري  : نعم شن فيه
روان متعفلقه : راهو مش موافقه
سعاد : يابنتي غير زيدي فكري
روان بصوت عالي : والله مانيش موافقه وكنا بالغصب لما نخليه يطلقني من تاني يوم(ومشت)
سعاد : ووووه عليااا شن بيسكتها
روان : ماشيه ودموع في عيونها.....فجاءه حست بأيد جبدتها ليه
محمد مستغرب : خيرك
روان  : محمد اطلقنيييي
محمد بهدوء : نقصي صوتك
روان :  اطلقنيييي قتلككك افهمم
محمد : تنرفز ودخلها للغرفه فاضيه بدون محد يحس
محمد : ممكن تقوليلي علاش متعفلقه
روان بصوت عالي : اطلقنييي بعدد من عليااا معاش نبيك
محمد قرب ومسك ايدها : متخلينيش نحط كلمه هكي كبرها تكلمي خير
روان ماسكه دموعها بسيف : جوني خطابه
محمد : انصدم وتعفلق في نفس الوقت
محمد  : ششششنوووو
روان ضحكت بوجع : زي ماسمعت وعيلتي  يبوني نوافق
محمد : بحركه سريعه مسك شعرها وجبدها  بقوه ليه
محمد متعفلق  : وربيييي وديني لي نعبد  فيه ماهو مسكر عليك الغرفه حد غيري واحلمي انك تكوني علي اسم واحد غيري  وزي ما قلت مره لفاتت نزيد نقولك ونأكدلك ياناخدك ياتقعدي قدامي واهو ماشيله جدي اني ونفهم منه القصه
روان تبكي : يعنيي اني كدابه يامحمد
محمد  : انتي متفهميش تخلي بني ادم يتمنا يقتل روحهه شن تبيني نديرلك هي
روان : فوتنيييي قتلك فوتنييي
محمد زاد قرب : زيدي ترا زيدي قوليها كلمه
روان بصوت عالي : بعدد من علياا
محمد : قرب وفجاءه باسها......❤💋بوسه معبيه مشااعر الطرفين وكأن الاتنين خايفين لو يفقدو بعض ويصيرلهم زي هلبااا ناس💔
_______________________________
عند النساوين
سعاد : قعمزت وتنهدت بتعب
فاطمه : شن صار
سعاد : مسكره راسها ومتبيش توافق
حلومه جت قعمزت : والله هادا الغلط
نجاه : ياعمتي وين الغلط البنت اصلن قاعده  صغيره
حلومه  : والله اني في15تزوجت وقرايتي مكملتهاش وعادي
نجاه : الوقت يختلف عن قبل وتوا
جميله : انتي ياسعاد خليها علي راحتها البنت بالك فيه حد تبيه او......وقاطعتها
امال بأستهزاء : هادا لمزال اصلن لا ياسعاد اسمعي كلامي والبنت متعرفش شي ف قوليلهم موافقه وتوا تاخد علي وضع بنتك مع الايام الان راهو كنا تعطل هلبا في حوش بوها تعرفي كلام ناس شنو وكيف
فاطمه : وشن ياامال كيف كلامك هادا يعني احني يبدا همنا غير كلام ناس وبناتنا يتبهدلو
نجاه : صح كلام جميله شوفي البنت شن تقرر وخلاص ومشاء الله العمر قدامها يعني  مزالت اصلن صغيره
حلومه تنهدت : خلاص سكرو الموضوع
_________________________________
عند البنات
قمر تضحك : حيييي علي الجوووو😂
ابرار مقعمزه تضحك : منحكيلكش
قمر : اختييي منوره اقسم بالله
رغد بعدت تلفون : نقصوو صوتكم يابهايم
قمر وقفت : انتي من تكلمي
رغد : مدخلكش
قمر : قربت وبحركه سريعه خدت تلفون
قمر بدلع : الو
وليد  : مني
قمر شهقت : ولد عمييي شن دير اهني
وليد ضحك : اختك كلمتني
قمر  : حيييي تبصررر
وليد  : والله
قمر  :  تمم لما نحرش فيها بابا......ياكلبب شن دير اهني
وليد : تحشمي يافرخه
محمود : مع من تدوي
وليد : مع فرخه قمر
محمود تعفلق وخدا تلفون : الو
قمر خافت : احممم نعم
رغد بهدوء : تلفووون هاتييي يابقره
محمود : شن كلمك في وليد
قمر  : والله ياولد عمي نتهسوك اني ووليد
محمود : طلعت ولد عمك صار
وليد بهدوء : شن تبيها تقولك يعني
محمود  : انت سكر فمك
قمر  : نعممم اني نسكر فمييي تمام ياولد عمييي يا ولد ستين الففف.......وسكتت
محمود  : شنوو كملي
قمر ضحكت : سلامتك هي باي(سكرت)
رغد ضحكت : لما يوريك
قمر بدلع : عادي اصلن ميقدرش يقاومني
رغد : كيف
قمر : يخاف مني بسلامته
سنابل ضحكت : واااااضح
___________________________
عند اروى
اروى : ماشيه ومتعفلقه
هبه بخبث : هوييي خيرك
اروى شهقت : خلعتيني
هبه ضحكت : سلامه قلبك
اروى : سلمك
هبه  : عليك الحق تتعفلقي ومفروض تاخدي حقك منها
اروى بعدم فهم : منوو
هبه : روان من يعني
اروى : تعرفيها هيا زي متوحشه ومنقدرش...
هبه بخبث : عندي خطه مش عاديه
اروى استغربت : شن هيا
هبه :..........يتبعععع❤🔥

آلگآتبهہ‏‏: بنت آلآمـيـر👑❤