شاهينة نذر الحوافي

البارت 55

جلال : ها
شاهينة : جلاال رااح يقتلووون هديررر الحك
جلال : اليوم لو هي لو ابوها والله اذا ماخيسه بالسجن
شاهينة : شلوون؟؟

جلال : مديحة كلتلي انه بالدرب ونمر هم جايي شي نص ساعة
بالزايد جايي بالج يقربون منها خليها يمج ، وسجلي دليل
صوري تعنيف سالم الها خووش

شاهينة : شلوون اسجل شلون ؟

جلال : تكدرين بس انتِ ومديحة اليمكم هالسالفة مديحة
ماتدبرها معتمد علييج يلا سباعية

سده بدون ما يسمع مني شي
.. حطيت ايدي ع حلگي افكر فكرري شلون

شاهينة : مو شرط فيد المهم دليل

.. دخلت للتطبيق التسجيل وفتحته خاف يروح
فعلت خاصية تصوير الشاشة وطبيت ع كاميرا هم بلكي اكدر اصور
و بهالاثناء
سمعت صوت عياط هدير گلبي وگع من الخوف عليها مُختصر الحَسيته بهذهِ اللحظة ركضت بسرعة خاف يسوولها شي
مديحة والبنات واگفاات كلهن مختَلسات دخلت للغرفة مال بيبيتي هدير متمسكة بثوب امها تبچي وتتوسل بالحجية

باوعت الجيهان غاصة بالبجي باوعتلي بتساؤل
ودلال تبجي عاطت

دلال : بيبي اختناا شلوون تكوليين نودعها ربينا سوا
شلون نشوفها كبالنا تموت فدوة احجي وي جدي ، احبب رجليج

الحجية : اشش ولا صوت ماتكدرين تودعيها طلعي بلا عيارة
زين نني خليت يدج يعوفها تودع امها وصحتلجن ولا حسس

هدير : بيبي والله والله

.. دفرتها من ثوب امها وهدير صارت ورا امها طلعت
بس الكاميرا من ورا وصورت بهدوء

الحجية : لحد لفچ كون خزيتينا و روسنا صارت بالطين من وراچ

جرتها من شعرها من ورا امها حطيت الفون ع ميز بدون ماتنتبه
و رحت عليها بسرعة طب سالم جرها وظل يضرب بيها حتى دم طلع منها

شاهينة : عوفيييها .. غلطت وتعاقبت الشرف مو بالرسائل والصور

الحجية : انتِ ردي المچانچ علينا ال*** يعلمنا الشرف
هدير ماتعلمت الگ*** غير منچ من صارت صحبة وياج سگطتي بناتنا بمعتقادتچ واخلاقچ ماخلصنا من عار ابوچ وهسة جايه انتِ تكملين

شاهينة : اني وهدير نشرفكم كلكم واشرف واطهر منكم اني ماألي دخل بأبويه اني هنا بصفتي زوجة جلال و ..

قاطعتني وهي ترفع ايدها : بنت الحرااام ..
غمضت بسرعة مستعدة للراجدي فتحت من سمعت صوته وصرت بصفه واني متعجبة من دفاعه

جلال : حجية ايدچ نزليها

الحجية : انتَ سمعتها شگالت
جلال : كل الگالته صحيح مُستحيل اخليكم تسون بهدير مثل ماسويتوا بشاهينة .. اشر براسه عليه سحبت هدير واخذت الفون
وصعدت للغرفة ..
حطَت راسها بحضني ومددت لعبت بشعرها اردفت وهي تشهك بعد
ماهدئت شويه ..