وكر الأفاعي

فصل التاسع والعشرون

-قبل ما اتكلم سيلين فين ...ما إن قالها بقلق حتى رد عليه بخبث متعمد

-في حضن جوزها هتكون فين يعني

سعد بانزعاج من رده المستفز هذا
-بنتي ترجعلي يا ابن اللداغ

شاهين بلا مبالاة -عشم إبليس ...سيلينا بتاعتي

رد عليه بتوعد -هترجعهالي زي ما أخدتها و وقتها هخليك تحفى عليها ومش هتلاقيها ...

قال ياسين بتهكم ممزوج باختناق -اللي يسمعك تقول كدة ويشوف حرصك عليهن يصدق بجد إنهم بناتك

-الأب هو اللي بيربي وأنا ربيتهم بروحي

شاهين بجدية -بلاش تدينا دروس بالإنسانية والقيم الأخلاقية خلينا بالمفيد ....أنت قولتلي بالسجن إنهم بنات ماهر مش بناتك صح ولا أنت وقتها كنت بتقول أي كلام وخلاص

نظر سعد لميرال وقال بوجع
-هما فعلاً بنات ماهر وأختي سعاد ....

ما إن نطق جملته هذا حتى تعرق جسد ياسين بأكمله
فهو لايريد هذه الحقيقة يرفض تصديقها تماماً ليقول بانفعال

-اااااانت كداب ...هي وصلت فيك إنك تنكر أبوتهم عشان بس تحميهم مننا

-عجيب أمر الناس ....لما بنكدب الكل بيصدق ولما نتكلم ونقول الحقيقة الكل بينكرها ....وده بيدل إن الإنسان بيصدق اللي بيجي على هواه وبس ....

ما إن نطقت ميرال بهذه الكلمات وهي تنظر الى
الأرض بشرود حتى صدم كل من ياسين وشاهين الذي التفت لها ليعود بنظره بحقد الى سعد وهو يقول بصوت آمر

-قول اللي عندك من غير لف ودوران

-وسيلين ....

-مالهااااا !!؟؟؟؟؟؟؟

-عايزك ترجعهالي قصاد اللي هقوله

شاهين بقهر وصدق -ماتخافش عليها لأن لو طلع كل اللي في بالي صح وإني عشت أنا وأخويا السنين دي كلها بكدبة ....أنا بنفسي هرجعالك لأن وقتها مش هينفع تبقى معايا أصلا

-وعد

-من غير وعوووووود

نظر له بصمت قليل ثم تنهد وقال بسرد

-قبل ٣٠ سنة تقريباً ....جاني واحد عايز يخطب اختي مني ...كان إنسان محترم وسمعته نظيفة أو ده اللي تخدعت فيه وقتها .... اسمه ماهر اللداغ ...بس كان عيبه أنه مالوش أهل ولا كبير جاني كدة يخطب بطوله ...كل لما كنت بسأل عنه محدش بيعرفه ...

وده اللي خلاني أرفض إني أديله أختي الوحيدة اللي هي أمانة أمي وأبويا ليا ...سعاد كانت شبه ميرال  بالشكل وحتى طبايعها ...كانت زي النسمة الباردة بالصيف ...هادية وعاقلة وتصرفاتها موزونة بس كل ده تغير لما دخل ماهر بحياتها وحبته ....

ياسين بتساؤل -ليه رفضته ؟

رد عليه سعد بغل فهو لم ينسى أفعاله وكيف رمى له ابنته -لأنه كان زيك ....مالوش لا أصل ولا فصل ....
وزي ما بيقولوا ع الأصل دور يا باشا