...نورس ...شنو استاذها اني ابن عمتج ولج ..
...رسل...بس الطلاب ميدرون انت ابن عمتي ..
...نورس...عادي نگوللهم ادللي صدك جذب تعاي وياي..
...مشى سريع وهوه لازم ايدي يسحبني وياه حاولت احجي وياه اوگفه ماكو ميسمعني ابد بقى يمشي لحد ماوصل داخل الكافتريا راح لصاحب الكافتريا جان ولد شاب طلب منه مكبر الصوت وأخذه وحجه بصوت عالي كدام كل الطلاب ...
...نورس ...احم احم. مساء الخير اصدقائي شلونكم ..
...ردوا علي السلام كلهم .
...نورس ..اني احب اعرفكم على نفسي للي ميعرفني والي يعرفني فبالإعاده إفاده ..
...نورس ....اني نورس عماد الدين خريج بكلوريوس قانون واداوم معيد وياكم بالكليه ..
...سحبني من ايدي وقربني يمه وكمل كلامه ..
...نورس...واحب اعرفكم بهاي السنفوره رسل عزيز تصير بنت خالي طالبة قانون مرحله ثالثه .
...قرب راسه يمي وحجى ..
...نورس...مو مرحله ثالثه انتي لو ثانيه ..؟.
...رسل...ثالثه وحسابك وياي بعدين ..
...رجع حجى كدامهم بالمكبر صوت وكال..
... نورس...اي صح مرحله ثالثه وحسابك وياي بعدين.. يله شكرا جزيلاً اسف على الازعاج بس حبيت اعرفكم بنفسي لان احبكم ..
...رجع المكبر صوت للولد وعافني وطلع من الكافتريا بدون ميحجي وياي اني بقيت متبسمره بمكاني والطلاب كلهم يباوعون عليه ويضحكون عفتهم وطلعت من الكافتريا واني احس نفسي مشتعله نار من العصبيه
كمت ادور على نورس ومالگيته رجعت للقاعه مال محاضرات كملت محاضراتي كلها ومشى باقي اليوم طبيعي خلص الدوام طلعت من الكليه مشيت مسافه حتى آخذ تكسي وجان اشوف سياره هونداي النترا رصاصيه وگفت يمي ونزل الجامه واسمع يگول
..رسل باوعت عليه شفته نورس بالسياره يأشرلي بيده وگال اصعدي اوصلج ..
...رسل...لااا هذه سواها بدون ملح اليوم ..
...تجاهلته واشرت بيدي لتكسي وصعدت بيها وعفته ورجعت للبيت.
.....................
...سالي ...طلعت من البيت ورجعت لبيت امي خلصت الطريق كله اغلط بنفسي اكول معقوله الي سمعته صحيح خاف اني غلطانه وارجع واكول لا سمعت صح غمار عنده علاقه بحلا ..
...وصلت لبيت امي واني منهاره من البجي طبيت ركض ورحت للغرفه امي شافتني واجتي تمشي ورايه وتصيح..
...كفاح ...سالي مامه شبيج ليش تبجين شو رجعتي صار شي غمار بي شي فهميني...
...سالي ..طبيت للغرفه وگمت اشهگ وابجي الطم على وجهي وابجي بحرگه وكمت أصيح واشمر بالمخاد مال جربايه ..
YOU ARE READING
رهان مقبوضه
Romanceقصه حقيقيه ... سالي طالبة ماجستير في علم النفس والدها يعاني من مرض القلب تتعرف على دكتور جراح اختصاص قلب وشرايين وتطلب منه يعالج ابوها وبالمقابل تنفذ اي طلب يطلبه غير الفلوس لان حالتها متسمح تدفع تكاليف العمليه .. .... الدكتور يوافق يعالج والدها ويط...
الحلقه 46ج2
Start from the beginning
