رواية مفاتيح القدر (أسرار دفنت خلف الأبواب)
للكاتبة M. A. M
أدم يگول:-
بالليَّل جَرحي رَطب
بَس الصُبح ناشِف
وأضحك بكُل قوتِي ماچني ذاكَ الچنِت
بالليَّل مِتراجف
والخُوف ماكلنِي أكل
بَس ما مبيّن أبَد
وتعرُفني كُلها القَوي
بَس بالصدُك خَايف .
يسار تگول:-
«القدر فتح كل الأبواب و راح يرجع الحق لصاحبه»
«يسار»
جنه واكفين جوه المطر و اني حاضنه نفسي بـ اديه من البرد
گال ـ المطر و نزل يلا انطيني جوابج ترا صارلي نص شهر منتظر هل يوم
باوعت بعيونه و ابتسمت ـ ليش انت تحبني
ـ باع شنو تسأل لو ما احبج جان ما وكفت جوه المطر هيج..... باعي شصار بينه
باوعلي مبتسم ـ احبج بكد كل قطرة مطر تنزل بالگاع
گتله ـ موافقه بس بشرط
ابتسم و باوع الكليه شبه فاضيه رجع گال
ـ كل شروطج اعتبريهم صاروا
گلت بحماس ـ صدك
ـ اي بس هو شنو غير اعرف
جاوبت و اني ارجف من البرد
ـ توافق على زواج محمد و زهراء
ـ عوفي هاي سالفه مو وكتها هسه
ـ ليش
مسح قطرات المطر من وجهه و رجع شعره لي ورا
گال ـ امشي خل نحجي بالكفتيريا اذا تبقين هنا تمرضين امشي
مشيت وياه دخلنه لكفتيريا كعدت على كرسي نزع سترته جانت كله مي علكها بالكرسي و راح طلب قهوه حاره اجا و انطاني واحد و اخذ الثاني
باوعت علي كعد يشرب القهوه اشرلي اشرب شربت شويه
ـ توافق لو لا
عاف الكوب مالته و گال ـ زهراء صغيره كلش و متعلمه على دلال ما اتوقعها تكدر تلزم بيت
ـ عمتي و اخواتي كلهم وياها اصلا عمه مراح تخليها تشتغل لانو هيه تحب تشتغل بيدها و اذا على دراسه فـ محمد لا تتوقعه يبطلها بالعكس راح يشجعها
ـ يسار السالفه مو هيج محمد اكبر من زهراء بـ 13 سنه ما اتوقع تنجح علاقتهم
ـ انت هم أكبر مني
گال ببرود ـ لا تجيبين 9 سنوات يم 13 سنه
ـ بس و الله يحبها و راح يعاملها مثل ميعاملني
حاول يغير الموضوع ـ احنه اجينه نحجي بسالفتنه شكو دخلتينه بسالفتهم
ـ ماكدر ارتاح و اخويه مامرتاح
لزم ايدي و باوع بعيوني و گال ـ و اني
جاوبت بغباء ـ شبيك
أدم ـ يسار اني راحتي يمج الدنيا عذبتني و لعبة بيه لعب و من سمعت ضحكتج من وكتها تأكدت راحتي يمج
أنت تقرأ
مفاتيح القدر (اسرار دفنت خلف الأبواب)
General Fictionجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
