رواية مفاتيح القدر (اسرار دفنت خلف الأبواب)
للكاتبه M. A. M
يسار (أزل) تگول:-
فقدت السَيطَرة وبالگوه جآي أصبر ..
وأول مَرة أحس بنفسي ضگت المُر
«أدم»
جنت كاعد بغرفة لجنة التصحيح و اصلح دفاتر مادتي من كملت سلمت الدفاتر يالي صلحتهم و اخذت اغراضي و طلعت خابرت على زهراء علمود تجي لسيارة مردت كلت يمكن تنتظرني هناك....
اول مطلعت صار محمد اخو أزل بوجهي سلمت علي
ـ هلا محمد شلونك
ـ هلا استاذ أدم زين الحمدلله انت شلونك
ـ اني زين تسلم
سألته مستغرب ـ ليش واكف هنا ترا طلاب كلهم طلعوا
بس الاساتذه و دكاتره باقين
حجه و بينت علامة الصدمه علي ـ شلون؟
باوع على كليه و رجع باوعلي ـ بس أزل بعدها مطالعه جاي اخابرلها و مترد كلت يمكن بعدها بالامتحان
ـ لا وين.... ترا صارلهم هوايه من طلعوا
طلع الموبايل مالته و رجع خابر عليها
ـ ماكو يكول خارج نطاق الخدمه
گتله ـ زين دوكف خل اخابر على اختي لانو هما دائما يطلون سوا
گال بسرعه ـ اي بس بسرعه
خابرت على زهراء طلعلي مقفل
دخل الخوف بگلبي و گلت ـ هم مترد امشي خل نروح لگراج لانو هيه دوم تنتظرني هناك
ـ تمام
رحنه لگراج مجان اكو احد احس الدنيا افترت بيه اختي ماكو مختفيه ويها أزل هم
سمعت محمد يحجي ويا واحد
ـ دتعال لجامعه بسرعه...... ماكو اخابر و رقمها يطلع خارج نطاق الخدمه..... يلا انتظرك يم البوابه
اجه يمي و گال ـ انت تشك بـ احد
من گال هيج بسرعه اجه ببالي ابويه لانو اكثر من مره زهراء كالتلي علي و اني الف مره كتلها اذا يخابرج لا تردين اخخخخ
محمد ـ أستاذ وين صافن مو داحجي وياك
باوعت علي معرفة شنو اكله حتى لو اكله هم مراح يصدك وين اكو اب يخطف بنته
كلت ـ ما ادري
بعدت عنه و خابرت علي بلكتي يرد اتصلت اكثر من مره و مرد عدم رده خل شگي يصير حقيقه هو يالي ماخذها بس أزل وين بس لا خاطف البنيه هم وياها
دخلت سيارة لگراج و نزل منها ضابط وكف يم محمد رحت يمهم
جان يحجي بعصبيه ـ انت شلون تعوفها الف مره كتلك لا تعوفها لا تعوفها
محمد ـ كتلك اليوم أول يوم بوظيفتي تأخرت لحد ما طلعت اجيت منها اخابر عليها مترد انتظرتها ماكو
أنت تقرأ
مفاتيح القدر (اسرار دفنت خلف الأبواب)
General Fictionجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)
