رواية مفاتيح القدر (أسرار دفنت خلف الأبواب)
للكاتبة M. A. Mيسار تگول....
"مَا كُنْت أُومِن بِالْعُيُون وَفِعْلُهَا
حَتَى دهتني فِي الْهَوَى عَيْنَاك
الْحَسَن قَدْوَلَاك حَقًّا عَرْشِه
فتحكمي فِي قَلْبِ مِن يهواك"«يسار»
اليوم هو سبت احنه خصصنه كل يوم جمعه و سبت من كل أسبوع علمود اخواتي يجون و يباتون يمنه بالبيت...... طبعا اني بين فتره و فتره اروح يمهم لانو كلش متعوده عليهم اول ايام من نقلنه لبيتنه الجديد جنت اكعد بالغرفه و ابجي اذكر اهتمام ليث و حب عابس الي و شلون جنت العب طوبه ويا محمد و أيام ساحة الحبوبي و خالي و عمتي حبهم و خوفهم عليه
بس اخر فتره تعودت و خاصتنه ليث معافني جان كل يوم قبل لا يرجع للبيت يمر عليه و يشوفني و يروحجنت كاعده وياه علي اباوع على مسلسل تركي
و ريتاج و أريج يحضرون بالعشا و ماما وياهم
على صوت تلفزيون كعد أركان من نومه و بقى يبجي ركض علي و شاله من الگاروك مالته يريده يسكت ماكو و هو عنيد طالع على ابوعلي ـ لك خالو اسكت هسه تجي امك و تشبعنه رزايل
يسار ـ عزاا اني اشرد لغرفة احسلي
علي ـ وين تشردين و تعوفيني تعالي نصي صوت تلفزيون قبل لا تجي اختج
رحت نصيت صوت تلفزيون و رجعت وكفت يمهم
علي طول مني مجنت اشوف وجه أركان صعدت فوك أريكهيسار ـ أركان أركاني حبيبي حبيبي خالتك انت اسكت فدوه
بقى يبجي علي وخره من يمي
گال ـ امشي منه ترا خوفتي
بصدمه ـ اني خوفته لا عيني اصلا هو خايف منك اني يحبني مو هيج أركان
سمعنه صوت ريتاج تصيح علي ذب أركان بحضني و اني ذبيته بحضنه
يسار ـ معليه انت مو هسه گلت اني اخوفه
علي ـ لج الزمي
ـ لا عيني لا
دخلت ريتاج للاستقبال و شافتنه شلون نتعارك اجتي و اخذت أركان من علي و باوعت علينه بعصبيه
ـ ادري انتم ماعدكم عقل باعوا شصاير بي من البجي
بقينه واحد يأشر على ثاني
ـ انتم الحجي وياكم ضايع
اندارت عليه و گالت ـ شعرج ليش هيج عايفته امشي مشطي و سوي ذيل حصان يلا
علي ـ صارلي ساعه اكللها تخوفين دباعي شعرها شلون صاير مثل يالي طالع من المصارعه
قلدت علي و سويت نفس حركاته بشفايفي بس بدون صوت ضربني على راسي و گال
ـ امشي مشطي شعرج
يسار ـ طويل ما اكدر
ريتاج ـ شوفي أريج بلكتي تسويها الج
أنت تقرأ
مفاتيح القدر (اسرار دفنت خلف الأبواب)
General Fictionجريمة قتل بدماً بارده بسبب ما يدعى بـ (الحب) كثرة الاسباب و نتيجة واحده القتل... متى تنفتح الأبواب لتكشف اسرار القتل.... من سياخذ بـ ثأر الاب مظلوم 💔 رواية مفاتيح القدر (اسرار دفنت خلف الأبواب)