التوبة (الجزء الثاني لقصة آل ديابلو) الفصل2: فلتغفري لي

~•{الحلقة 5}•~

★★★★★★

كانت خارجة مالدوش نسات ماداتش دوبياس سمعاتو وش قال، رين: وش بيها امها قحرتلو وكملت تتزعبل شطر دريارها يبان
ليث: بلع ريقو بطرف منشفة ماعندها ما غطات خلاتو يتلف مسكين: لااا حبي نتي تهووبلي وبناتي يهووبلوو كثر، عض شاربو كي خرجت هازة دوبياس فالنواغ مشبكين تشطح فيهم وتبونبي بكلها
رين: مالا لي مش عاجباتك ومغزلة ا حبي قاتلك شووفلك وين تبات اليلة، عندك امك، عند خووك ولاحتى فالجردينة، الشومبرة هاذي انساا زيد تبات فيها خليها للمغزلة وبناتها لمغزلات، لوحت شعرها لتالي ودخلت للدوش
ليث: رجليه فشلو قعد عالفوتاي يتحسر على شبابو لي ضيعو بزوز كلمات، شاف مع لمار ضحكتلو، تلفت ل انمار صرفقتو، حط لمار حذا توأمها وكبس عراسو بيديه في زوز يتغبن (يشمتو فيه ههه) يخمم كيفاه يفرز روينتو

خرج عيط للخدامات وصاهم على التوينز راح عند أمو، دز باب غرفتها دخل يحوس عليها حتى لقاها هازة بيلين تدوح بيها به ترقد، زاد كلب كثر
ليث: برافوو، هاذي بنت عبد ولملايكات لوخرين ولاد كلب مش هكا
انجلي: خلعها حطت بيلين عالسرير ووقفت: ولدي شبيك وش صرا
ليث: سقسي رووحك، نتي لي أدرى
أنجلي: ساايي بعد حرشااتك جيتيني سخون عالعراك
ليث: أمييي، ما تزوديهاش ما حكاتليش هي عرفت بلاما نتعب راسي وأصلا عمرها عاودتي عمايلك بال ب و ت، شوفي لاكان بناتي ما يتحسبوش من احفادك نخرج بيهم من هنا وعمرك، شتي عمرك زيد تشوفيهم لا هم لا أنا
انجلي: شافتها حمات، قربت حا تقيسو سخر لتالي: أنا عاركتها لأنو لا قدر الله كون كشما صرا للولاد تبقاو تتحسرو وهي بالذات تلوم راسها
ليث: احكيه ل غيري لكلام هذا، رين عمرها ميزت بين بناتها وولاد عمها، افهمي، التوينز وبيلين عزاز عليها وعمرها تخمم تضرهم
انجلي: كي تعزهم مالا علاش ديما مرشقة عينيها فالنعي أذاك
ليث: نتي لكلام معاك مايدي ما يجيب، كلامي قلتو وانفذو اكرهي مرتي براحتك مي ما تقيسها لا بكلمة لا بفعل، وبناتي تحبيهم بالسيف لا غير حبيتيهم يكرهوك كي يكبارو حاجة أخرى، خنزر فيها خرج زدح الباب وراه، ديراكت رجعت للسويت تاعو، دخل لغرفة نومهم، لقاها مظلمة الدنيا شعل الضو قابلتو فالسرير راقدة ولبنات كل وحدة في جيهة حذاها
ليث: تفوو عالتحراميت كون جا بنادم، قرب للسرير هز لبنات حطهم في سريرهم، دخل للدوش دوش فيسع خرج تحشا في بلاصتو وجبدها لصدرو
رين: حلت عين وحدة: يخي قتلك شوفلك وين تبات
ليث: بلا هدرة مارڨة برك، جات تملصلو يدو كبس عليها كثر غرس راسو فرقبتها، طبع بوسة: سامحيني ا حبي يا سكرتي نتي
رين: تستات هذا ما يشفعلكش
ليث: علابالي، خليني راقد حذاك برك كي نفطنو من بعد نخرج عمري تحوس ونتعشاو لبرا نبقاو حتى يتنحالك الزعاف نرجعو موخرين
رين: مش كيف كل مرة تخرج خدمة من تحت لرض!
ليث: لا تهناي، اسكتي خلينا نرقدو به نسهرو فليل خير، خطف بوسة من شفافها واستسلم للنوم، سهات تتفحص حروفو حتى هزها النوم بين يديه...