التوبة (الجزء الثاني لقصة آل ديابلو) الفصل2: فلتغفري لي

اقتباس أول

••••{ لا توجد نهايات.. كلها بدايات لطرق أخرى.. توصلني للنهاية إليك.. جميلتي الستاحرة}••••

•{_________________}•

قاعد في بيروه بالpc خدام ينسق فصور وفيديوهات العيلة فكل فرحة، لمة ليهم، تحل الباب دخل واحد ملي ڨارد منزل راسو حطلو box صغير مغلف وسخر يستنى

رعد: هاز حاجبو: وش هذا؟
ڨ: مانعرفش سنيور مافتحناهش
رعد: شكون جابو؟
ڨ: البريد، الساعي اكد انك تفتحو بنفسك
رعد: فحصتوه؟ سلاح، متفجرات، مواد كيماوية؟
ڨ: اكيد، كلشي طبيعي، هز يدو اشارلو به يخرج حرك راسو استأذن وخرج

رعد: نحا التغليف، حل البوكس، لاح يدو جبد ظرف مكتوب عليه اسمو"رعد الهاشمي"، فتحو جبد لي فيه يقرا، لقاها دعوةVIP، لحضور حفل زواج، دقق عالاسم "ريوك سلفاتور"، هز حاجبو متعجب، توله مالورقة لي طاحت، هزها يقرا: "فاتنة تأسر القلوب، بلون عينها تستبدل القمر، زهرة تفوق جمال الليلك، ناصعة البياض، دافئة وشاعرية حد التوليب، صلبة لا تكسر لامعة وسط الألماس، وحده الهائم بحبها يحتمل النظر إليها، يستحق التواجد قربها، ينتشي برائحتها، يغدو أسيرا لعشقها، وحدو ملك #الكونتيسة"، في ثانية دخل بعضاه، وجعو قلبو، يديه يترعدو، لكلمات لي قراهم مازالو يرنو فوذيه، أسلئة بزااف تدو في مخو، شكون، وعلاه، كيفاه، وش الغاية، علاه هي، علاه اسمها تجبد وش علاقتها بالعرس، كبس على راسو بزوز يدين متوجع وعيط بأحر جهدو: إإييمييللييااا...

.... يتبع